Skráningarfærsla handrits

Laus seðill frá Kaupmannahöfn með upplýsingum um forvörslu.

Árni Magnússon fékk handritið úr bók frá séra Þorkeli Oddssyni í Gaulverjabæ (sbr. spássíu 1r). Það hefur áður verið í eigu Einars Eyjólfssonar og borist eftir dauða hans til Odds Eyjólfssonar eldri og síðan lánað Páli Oddssyni. Þorkell Oddsson hefur fengið handritið frá föður sínum Oddi Eyjólfssyni eldri ( Hast 1960 ).

Stofnun Árna Magnússonar á Íslandi tók við handritinu 27. maí 1977.

• Stafrænar ljósmyndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.

Síðari tíma blaðmerking með blýanti a-b.

Tvinn.

• Leturflötur er 167 mm x 115 mm.
• Línufjöldi er 30-32.
• Tákn fyrir ártöl á spássíum 1r-v.

Strikað yfir textann langsum.

Óþekktur skrifari, fljótaskrift.

• Á blað 1r (a) hefur Árni Magnússon skrifað titil sögunnar sem á eftir fer og upplýsingar um feril.
• Ártalinu 1413 bætt við á spássíu 2r-v (b).
• Áherslumerki á 1r.

Handritið var skrifað á Íslandi. Það er tímasett til 17. aldar (sjá  Katalog I 1889:699 ).

• Aðalmerki 1: Kóróna eða borg með þremur turnum. Ofan á turnunum eru blómleg form, í miðju fyrir neðan þau, eru tveir stórir og tveir minni hringir (bl. 1, 3, 6, 8, 10, 11, 14, 15, 18, 21 ).

Síðari tíma blaðmerking með blýanti 1-23.

Þrjú kver.

• Kver I: 8 blöð, 4 tvinn.
• Kver II: 8 blöð, 4 tvinn.
• Kver III: 7 blöð, 3 tvinn og stakt blað.

• Eindálka.
• Leturflötur er 172-180 mm x 135-140 mm.
• Línufjöldi er 23-28.
• Leturflötur er afmarkaður með striki langsum eftir ytri spássíu.
• Griporð, pennaflúruð.

• Blettótt
• Skorið hefur verið ofan af mörgum blöðum við bókband og vantar efri hluta fyrstu setninga blaðanna.
• Blöðin hafa sums staðar fúnað við innri spássíu en texti hefur aðeins skerst óverulega.

Óþekktur skrifari, blendingsskrift.

Fyrsti upphafstafur er dreginn hærri (2-3 línur) og breiðari en aðrir stafir.

Tveir bókahnútar við sögulok (bl. 25r (blað 23r)).

Skreyting við eða umhverfis griporð.

• Viðbætur og leiðréttingar skrifara á 6v, 9r, 12r, 17r-v, 18v, 20r, 23v.
• Á eftir sögunni hefur einhver bætt við: „Finis non finis“.
• Á 25v (blað 23v) eru ýmis nöfn og pennakrot. Nöfnin eru m.a.: Þorsteinn, Jón Árnason, Pétur Gissurarson, Páll Oddsson, Eyjólfur Einarsson, Halldór Magnússon.

• Handritið var skrifað á Íslandi. Það er tímasett til 17. aldar (sjá  Katalog I 1889:699 ). Handritið hefur líklega verið skrifað undir Eyjafjöllum og verið í Vestmannaeyjum í lok 17. aldar.
• Það var hluti af stærri bók, en í henni hafa einnig verið AM 588 r 4to, AM 613 f 4to, AM 613 g 4to og AM 779 c 4to IV.