Skráningarfærsla handrits

Pappír með vatnsmerkjum.

Vatnsmerki 1. Aðalmerki: Dárahöfuð með 4 eða 5 litlum bjöllum á kraga, 3 stórir hringir á keðju // Ekkert mótmerki ( 1 , 3 , 5 , 7 ).

• Óblaðmerkt.
• Eldri blaðsíðumerking 1-8.

Eitt kver.

• Kver I: blöð 1-4; tvö tvinn.

• Eindálka.
• Leturflötur er ca 250-260 mm x 160 mm
• Línufjöldi er ca 40-42.
• Eyður eru fyrir upphafsstafi.
• Griporð (sjá t.d. blað 3r).

Ein hönd, skrifari er óþekktur; kansellískrift.

• Fyrirsagnir eru víðast með stærra letri en meginmálið (sjá blað 3r og 4v).

• Fastur seðill (202 mm x 172 mm) með hendi Árna Magnússonar er á milli fremra saurblaðs verso og blaðs 1r. „Þetta exemplar Ara fróða hefi ég fengið af Jóni Daðasyni sýslumanni í Kjósarsýslu, var það þá í einni bók með Árna biskups sögu, landnámu og excerptis úr Grágás. Ég hefi accuratè confererað það við eitt exemplar í 4to sem ég 1703 hafði til láns frá Guðmundi Þorleifssyni á Narfeyri. (Hvert eð var aftan við Sæmundar-Eddu og commentarium in Brynhildar ljóð með hendi séra Jóns á Lambavatni skrifað 1679.) Þessi tvö exemplaria eru hvert öðru svo lík að ekkert á milli ber fleira en hér annóterað er. Eru errata eins í báðum sem af collatione sjá má (því í henni er engu gleymt). Gvendar exemplar kann ei vera skrifað eftir þessu því þar í eru orð sem hér vantar. Ég skildi meina þetta væri skrifað eftir ipsissimo Gvendar exemplari. Sé það ei svo, þá eru þau bæði skrifuð eftir einu og sama exemplare og það heldur en ei accuratè (fyrst svo lítið á milli ber) af báðum þeim er skrifað hér hafa. Er þó varla líklegt að sú exscriptio af tveimur fleirum svo lík orðið hefði (videat. collatio). Það sést ljóslega að hvorugt þessara exemplarum eru skrifuð eftir codice meo A (hvers tradux þau þó eru, enn ei codicis B) heldur eru þau (eða Gvendar, ef það er mater þessa míns exemplaris) skrifuð eftir einhverju exemplare sem mediante uno vel pluribus successivis exscriptoribus út af þeim nefndum codice A komið er (magis n. vitiosa sunt hæc qvam ut ex illo immediatè fluxisse putanda sint) helst eftir því að scribæ præsertim huius mei(?) hafa þó upp á sína vísu accurati verið.“

Handritið er skrifað á Íslandi og tímasett til 17. aldar í Katalog I , bls. 76. Það var áður hluti af stærri bók (sbr. seðil). Í þeirri bók voru einnig AM 5 fol., AM 108 fol., AM 129 fol., AM 163 k fol. og AM 164 c fol.

Árni Magnússon fékk bókina sem handritið tilheyrði frá Jóni Daðasyni (sbr. seðil). Árni bar eintakið saman við AM 113 i fol. og taldi það afrit þess. Bæði handritin áleit hann vera af A-gerð.

Stofnun Árna Magnússonar á Íslandi tók við handritinu 8. apríl 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.