Skráningarfærsla handrits

Handritið hefur verið blaðmerkt síðar, 1-15.

Tvö kver.

• Kver I: bl. 1-8, 4 tvinn.
• Kver II: bl. 9-15, 3 tvinn og stakt blað (bl. 11).

• Eindálka.
• Leturflötur er ca 165-170 mm x 130-135 mm.
• Línufjöldi er ca 28-32.
• Griporð.
• Vísur eru merktar á spássíum.
• Tímatal og spássíugreinar á spássíum.

Með hendi Björns Jónssonar á Skarðsá, blendingsskrift undir áhrifum frá fljótaskrift.

• Á bl. 13v eru þrjár lausavísur og er ein af þeim á þýsku. Upphöf: Fyrst vil eg mætum musti, Die Gottes Gnade alleins, Þekkir þú Þormóð hinn blakka. Þar undir er nafnið Guðmundar Guðmundssonar ásamt dagsetningunni Copenhagen 10. mars 1664. Kålund telur að nafnið eigi við um sonarson Jóns lærða, fremur en Guðmund þann sem vann við sænska antikvitetskollegíið, svo sem talið er í Íslendingasögum II.
• Á blaði 14v eru nöfnin Jón Þorláksson og Hans von Ahlenfeldt general-lieutenants og sama dagsetning og á bl. 13v. Einnig pennaprufur og klausur.
• Á bl. 15r er dönsk bæn.
• Á bl. 15v er athugasemd um að Hallfreðar sögu vanti.

• Handritið var skrifað á Íslandi á síðari helmingi 17. aldar, en í  Katalog I , bls. 696, er það tímasett til 17. aldar.
• Skrifað eftir AM 557 4to.
• Handritin AM 552 b 4to, AM 552 l 4to, AM 552 m 4to, AM 552 n 4to og AM 552 r 4to eru öll úr handriti Björns Jónssonar á Skarðsá, og e.t.v. einnig AM 552 p 4to og AM 552 q 4to ( Katalog I 1889:697 ).

Bókina hefur átt Oddur Sigurðsson lögmaður og hefur Árni Magnússon líklega fengið hana að láni og ekki skilað (E.G.P. 1998).

Stofnun Árna Magnússonar á Íslandi tók við handritinu 7. október 1975.

• Stafrænar ljósmyndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Stafrænar myndir á Stofnun Árna Magnússonar á Íslandi, sem gerðar eru af Jóhönnu Ólafsdóttur 1994.