Manuscript Detail

Pappír með vatnsmerkjum:

• Vatnsmerki 1. Aðalmerki: Skjaldarmerki með kórónu (t.d. bl. 5+6, 10+17, 11+16).

Blaðmerking 3-46 (bl. 2r-23v) þar sem önnur hver blaðsíða er merkt. Merkingin á bl. 1r virðist hafa horfið, blaðið er skaddað á jöðrunum, en síðan hefur einhver merkt það nr. 1 með blýanti.

Þrjú kver og tvö stök blöð:

• Kver I: bl. 1-9 (1, 2+9, 3+8, 4+7, 5+6), 1 stakt blað + 4 tvinn.
• Kver II: bl. 10-17 (10+17, 11+16, 12+15, 13+14), 4 tvinn.
• Bl. 18-19 (18, 19), 2 stök blöð.
• Kver III: bl. 20-23 (20+23, 21+22), 2 tvinn.

• Eindálka.
• Leturflötur er 154-165 mm x 125-130 mm.
• Línufjöldi er 26-32.
• Griporð.
• Síðustu orð á síðu hanga stundum undir leturfleti á undan griporðum.

• Blöð dökk og blettótt.
• Strikað er yfir texta efst á bl. 1v.
• Bl. 1 er bundið rangt inn, núverandi rektó-hlið á að vera versó-hlið.
• Gert hefur verið við mörg blöð.

Ein hönd, óþekktur skrifari, fljótaskrift.

Í upphafi kafla og í fyrirsögnum eru upphafsstafir á örfáum stöðum dregnir ögn stærra, kansellískrift.

Bókahnútur á 23v.

• Viðbætur og athugasmendir á spássíu með hendi skrifara, t.d. bl. 2r, 2v, 3v, 4v, 7v, 9v og 15r og 22r.
• Pennakrot á spássíu: bl. 1r-v, 7r og 18r.

• Fastur seðill (147 mm x 109 mm) fremst með hendi Árna Magnússonar, með upplýsingum um feril: „Þetta fékk ég 1710 af Benedikt Hannessyni frá Snæfjöllum, en hann af Grími Einarssyni Eyjólfssonar.“
• Fastur seðill fremst (örmjó blaðrönd) með hendi Kålunds, með safnmarkinu.
• Í öskjunni liggur laus seðill frá Kaupmannahöfn um forvörslu.

Skrifað á Íslandi árið 1692 (2r). Kålund tímasetur handritið til loka 17. aldar (Katalog (I) 1889:610).

Árni Magnússon fékk handritið árið 1710 hjá Benedikt Hannessyni frá Snæfjöllum, en hann frá Grími Einarssyni, Eyjólfssonar (sbr. seðil).

Árið 1730 var handritið hluti af No 408 in 4to (sbr. AM 456 fol., 19r; AM 477 fol., 31r).

Stofnun Árna Magnússonar á Íslandi tók við handritinu 9. febrúar 1974.

Svart-hvítar ljósmyndir á Det Arnamagnæanske Institut í Kaupmannahöfn.