Skráningarfærsla handrits

Fyrir framan heftið eru þrjú línustrikuð blöð (A4) (blöð 119-121, aðeins er skrifað á rektó-síður) með athugasemdum og upplistun Helgu Jóhannsdóttur á efni heftisins.

Í heftinu eru tvö kver:

• Kver I: blöð 123-134; 6 tvinn.
• Kver II: blöð 135-146; 6 tvinn.

• Utan um kverin er ljósgrá pappakápa með svörtum línkili. Á fremra spjaldi er ljós merkimiði og á honum stendur: Íslenzk þjóðlög I. B. Þorsteinsson. Pappaspjöldin fá blaðnúmer 122 og 147.
• Stærð blaða er ca: 265 mm x 175 mm.

Lög heftisins eru númeruð frá 1-92 en yfir númerin hefur verið strikað með blýanti og fyrir ofan þau er skrifað og merkt við með blýanti: innf.

Listi Helgu Jóhannsdóttur er ekki tæmandi þar sem: Fleiri sálmalög eru í heftinu, en þar eð þau eru skrifuð upp úr handritum eða prentuðum bókum eru þau ekki tekin með á þennan lista. Bjarni gerir sum staðar grein fyrir variöntum í heimildum sem hann notar. Víða gætir hér nokkurrar ónákvæmni hjá Bjarna í uppskriftum laga úr handritum, stundum skakkar nótum, melismum eða skrautnótum er oft sleppt, formerki eru notuð til að breyta tóntegundum og virðist það hafa verið gert til að lagfæra lögin. Síðar hefur Bjarni skrifað inn athugasemdir við sum laganna eins og: nær því rétt eða ekki rétt enda hafa þessar uppskriftir úr handritum ekki verið notaðar í útgáfuna Íslensk þjóðlög(blöð 120r-121r). Þessi lög verða hér færð líkt og textar í 1.4.1 en hér um ræðir liði: 1.1.41, 1.1.44, 1.1.47, 1.1.49, 1.1.51 og 1.1.53.

Glósubók. Meðfylgjandi er greinargerð Helgu Jóhannsdóttur um innihaldið (blað 148r): Þetta hefti á við uppskriftir Bjarna Þorsteinssonar á þjóðlögum og sálmalögum í heftinu Íslensk þjóðlög I. Helga listar síðan upp þau laganúmer sem tengjast þeim viðbótarupplýsingum sem fram koma í heftinu.

Í bókina er yfirleitt aðeins skrifað á rektó-síður og í flestum tilfellum hefur verið strikað skáhallt yfir texta með einu blýantsstriki.

Blöð 196-199 eru auð.

Í heftinu er eitt kver:

• Kver I: blöð 150-199; 1 tvinn.

• Ljósgrá pappakápa er um blöðin. Framan á kápunni er mynd af Arabahöfðingja á hesti. Áprentaður texti er: Arab Chief Palestine og School Exercises. Á fremra spjaldi er ljós merkimiði og á honum stendur: Íslenzk þjóðlög I. B. Þorsteinsson. Á aftara kápuspjaldi er margföldunartafla. Pappaspjöldin fá hér blaðnúmer 149 og 200.
• Stærð blaða og kápu heftisins er ca: 180 mm x 115 mm.

Nótunum fylgja textar (merktir no. 1-92 (skráning: 1.3.1.1-1.3.1.92)) og greinargerð Helgu Jóhannsdóttur fylgir með heftinu (blað 201). Þar segir: Hefti sem Bjarni Þorsteinsson hefur skrifað merkt: Íslensk þjóðlög III. Í þessu hefti eru sálmalög skrifuð upp úr handritum og prentuðum bókum, einkum úr Hymnodiu (Lbs. 1927 4to) og sálmabók og grallarra. Síðar hefur Bjarni skrifað athugasemdir við lögin. Víða gætir ónákvæmni í uppskriftum laganna og sumum er mikið breytt, t.d. nr. 66, 71, 83 og 87. Lagið nr. 80 Sá ljósi dagur liðinn er (fyrirsögn: eins) virðist skrifað upp eftir því sem Bjarni kunni það og heyrði í Húnavatnssýslu. Svipað 717. Lögin við Árið hýra nú hið nýja nr. 9 b, og Ó guð, minn herra, hver fær það nr. 85 veit ég ekki hvaðan eru tekin. Síðarnefndi sálmurinn er ortur út af 15. Davíðssálmi, en ég finn hann ekki í sálmabókum.

Í heftinu er eitt kver:

• Kver I: blöð 203-226; 12 tvinn.

• Appelsínugul pappakápa (hér merkt sem blöð 202 og 227) er um blöðin. Framan á kápuna er strikaður rammi um titilinn Íslensk þjóðlög III. Bjarni Þorsteinsson. Á innanverðri kápu er auglýsing frá Wilhelm Hansens Musik-Forlag. Pappírinn í kápunni hefur því haft öðru hlutverki að gegna áður en hann þjónaði núverandi hlutverki sínu.
• Stærð blaða og kápu heftisins er ca: 260-262 mm x 175-176 mm.