Skráningarfærsla handrits

• Handritið hefur nýlega verið blaðmerkt með blýanti 1-122.
• Það hefur verið blaðmerkt með rauðum lit 1-122 en sú merking er víða máð.

Sautján kver.

• Kver I: bl. 1-8, 4 tvinn.
• Kver II: bl. 9-14, 3 tvinn.
• Kver III: bl. 15-18, 2 tvinn.
• Kver IV: bl. 19-26, 4 tvinn.
• Kver V: bl. 27-34, 4 tvinn.
• Kver VI: bl. 35-38, 2 tvinn.
• Kver VII: bl. 39-46, 4 tvinn.
• Kver VIII: bl. 47-54, 4 tvinn.
• Kver IX: bl. 55-62, 4 tvinn.
• Kver X: bl. 63-70, 4 tvinn.
• Kver XI: bl. 71-78, 4 tvinn.
• Kver XII: bl. 79-82, 2 tvinn.
• Kver XIII: bl. 83-90, 4 tvinn.
• Kver XIV: bl. 91-98, 4 tvinn.
• Kver XV: bl. 99-106, 4 tvinn.
• Kver XVI: bl. 107-114, 4 tvinn.
• Kver XVII: bl. 115-122, 4 tvinn.

• Eindálka.
• Leturflötur er ca 140-150 mm x 120-125 mm.
• Línufjöldi er 17-23.
• Síðutitlar.
• Dregið fyrir leturfleti.
• Griporð.
• Sagan endar í totu á bl. 18r.

• Blöð vantar í handritið aftan við bl. 8 og 14, framan við bl. 19 og aftan við bl. 34 og 46.
• Bl. 83r er skítugt.

Óþekktur skrifari, kansellíbrotaskrift. Sama hönd er á AM 560 a 4to og AM 560 b-c 4to.

Pennaflúraður titill á bl. 1r.

Stór pennaflúraður upphafsstafur á bl.1r og er reyndar fyrsta línan pennaflúruð með blómaskreyti. Upphafsstafir kafla eru víða pennaflúraðir (sjá til dæmis 25r, 26v, 32v, 48r, 50r, 51r-v, 75r, 83r, 92r, 112v).

Fyrsta lína hvers kafla er víða feitletruð og pennaflúruð (sjá til dæmis bl. 20v og 21r, 70r, 97r, 108v).

Síðutitlar sums staðar pennaflúraðir, einkum í framarlega í handritinu (sjá til dæmis bl. 16v -18r, 64r, 65r, 66r).

Lauf- og blómaskreyti á neðri spássíum, sjá til dæmis bl. 15v, 19r-32r, 63r, 64r, 65r, 68r-v, 78v. Mjög víða lekur pennaflúr niður úr griporðum (sjá til dæmis 37r, 42r).

Pennateikning af fugli í blómaskreyti á bl. 16r.

Flúraður bendistafur á ytri spássíu 80r.

Bókahnútur á bl. 18r.

Spássíuleiðrétting á bl. 122v.

• Fastur seðill fremst með hendi Árna Magnússonar, með efnisyfirliti yfir AM 560 a-d 4to og upplýsingar um hvaða sögur eru óheilar.
• Laus seðill frá Kaupmannahöfn með upplýsingum um forvörslu.

• Handritið var skrifað á Íslandi árið 1707.
• Það hefur líklega, ásamt AM 560 a 4to og AM 560 b 4to, verið hluti af sömu bók og AM 560 c 4to, sem skrifað var að Geirröðareyri árið 1707 (sjá AM 560 c 4to, bl. 95r), en þar bjó þá Guðmundur ríki Þorleifsson. Kålund tímasetti til upphafs 18. aldar ( Katalog I 1889:712 ).

Stofnun Árna Magnússonar á Íslandi tók við handritinu 1. mars 1993.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, keyptar af Arne Mann Nielsen í ágúst 1986.
• Renegatíf filma á Stofnun Árna Magnússonar á Íslandi, keypt af Det Arnamagnæanske Institut í ágúst 1986 (askja 270).