Skráningarfærsla handrits

„Íslendinga saga. 1. kapituli.“

„Nokkrar ættartölur eða mannanöfn Íslendinga sem fram koma í þessari sögu og byrjast hér annar þáttur af Einari Þorgilssyni. 1. kapituli.“

„Þriðji þáttur Íslendinga. Fyrst um fæðing Guðmundar Arasonar er síðar varð biskup og hans uppfóstur og lærdóm. Hér er og getið Þorláks biskups er áður hefur kallaður verið hinn helgi. Sagan af Guðmundi dýra og hans gjörninga, hans mótstöðumannadeilur, manndráp, brenna og fleira sem um þann tíma hefur við borið. 1. kapituli“

„ Af Íslendingum og er fyrst af Guðmundi biskupi, Kolbeini Tumasyni og þeirra viðskiptum. Jafnframt þessu er sagan af Þorvaldi Vatnsfirðingi og Hrafni Sveinbjarnarsyni og þeirra deilum, item hvernig þeir helstu höfðingjar settu sig móti biskupi eftir fall Kolbeins.“

„Fimmti þáttur Íslendinga- eður Sturlunga sögu. Hvernig Þorvaldssynir veittu heimsókn og rændu á Sauðafelli, drápu og særðu þar marga menn og sátt þeirra við Sturlu; af Guðmundi biskupi og hans mótgangi og ofsóknum; Sturla lætur drepa Vatnsfirðinga; hans sigling og Rómganga; afturkoma; þræta Sigurðar og Kolbeins og afturkoma; af yfirgangi Órækju og afdrifum samt öðrum þrætum og manndrápum er á þeim árum hafa til fallið.“

„Sjötti þáttur Íslendinga sögu. Af Sighvati á Grund og Sturlu syni hans og þeirra yfirgangi; af bardögum Sturlu og aðtektum, item hvernig Kolbeinn ungi, Gissur Þorvaldsson og fleiri aðrir safna liði; þeir feðgar í annan stað með því fleira sem fyrr og síðan gjörðist; um fall þeirra feðga og annarra á Örlygsstöðum: Kolbeinn gjörðist einvaldsherra fyrir norðan; sigling Snorra og útkoma, hans aftekt af Órækju, drápi Klængs og fleirum tilburðum hér á landi um þann tíma.“

„Sjöundi þáttur úr Sturlunga eður Íslendinga sögu. Um útkomu Þorgils skarða Guðmundssonar, Gissurar Þorvaldssonar og annarra Íslendinga; item skikkun Hákonar kóngs um eignir Snorra Sturlusonar og annað hér á landi; Hrafn Oddsson og Sturlu(!) Þórðarson gjöra Þorgilsi heimsókn í Stafholt; Hann lofar að vera þeim meðfylgjandi í aðförum við Gissur en brá því upp; Hrafn og Sturla snúa aftur við svo búið vegna óveðráttu. Gissur gjörist höfðingi í Skagafirði. Eftir það sættast þeir þrír Gissur, Hrafn og Sturla með öðru fleira. 1. kapituli.“

„Þáttur úr Sturlunga eða Íslendinga sögu. Um útkomu Þórðar Sighvatssonar kakala; utanferð Gissurar Þorvaldssonar og Órækju Snorrasonar; um liðsdrátt Þórðar Sighvatssonar og hans fylgjara; af Kolbeini unga og viðskiptum, deilum óróa og orustum þeirra Þórðar, einkum skipabardagann á Flóanum. Kolbeinn ungi andast árinu seinna; Þórður sest á Grund, nær goðorðum og eignum eftir föður sinn. Brandur Kolbeinsson gjörist höfðingi yfir Skagafirði og Fljótum. Gissur kemur út aftur en Órækja andast í Noregi. Bardagi Þórðar á Haugsnesi og fall Brands Kolbeinssonar; Þórður og Gissur leggja öll sín mál á kóngsdóm og sigla út. Kóngur skipar Þórð yfir landið; hann kemur út, er hér nokkur ár; kóngur boðar hann utan. Sagan af Ormssonum, Rómganga Gissurar og annað fleira. “

„Áttundi þáttur úr Sturlunga eða Íslendinga sögu. Af Eyjólfi Þorsteinssyni og hans liðssafnaði; um brullaupið og brennuna á Flugumýri, hvaðan Gissur komst undarlega; fær sér lið, drepur brennumenn hvar hann kann ná; setur Odd Þórarinsson yfir héraðið en siglir út; Eyjólfur safnar liði í annað sinn; fer að Oddi; Oddur fellur við drengilega vörn; nokkru seinna hefnir Þorvarður Odds bróður síns með styrk Þorgils og Sturlu svo Eyjólfur fellur. Hrafn og Ásgrímur flýja; biskup bannsyngur Þorgils og Þorvarð; Þorgils verður höfðingi yfir Skagafirði móti biskups vilja; Hrafn, Sturla og Þorgils sættast, item biskup og Þorgils; biskup siglir, andast í Noregi; þá enn um óvinskap og viðskipti Hrafns og Sturlu að nýju og þeirra sætt; item um dráp Þorgils.“

„Þáttur af Íslendingum. Gissur Þorvaldsson kemur út með jarlsnafni, kaupir Stað á Reyni[s]nesi; gjörist höfðingi norðanlands; Sturli Þórðarson giftir tvær dætur sínar; Ásgrímur og jarlinn sættast; Ásgrímur fer til Róm; kemur út með Hallvarði gullskó; Íslendingar játa hlýðni og skatti Hákoni kóngi; Gissur jarl í háska; Þórður Andrésson aftekinn; ósamþykki Hrafns og Sturlu; Sturla hlýtur að sigla; skipaður síðar til lögmanns; andast í góðri elli.“