Detaljer om håndskriftet

Blöð eru tölusett síðar með penna í hægra horn: 1-110.

Samtals 14 kver.

• Kver I: blöð 1-8, 4 tvinn.
• Kver II: blöð 9-18, 4 tvinn + 2 stök blöð.
• Kver III: blöð 19-26, 3 tvinn + 2 stök blöð.
• Kver IV: blöð 27-35, 4 tvinn + 1 stakt blað.
• Kver V: blöð 36-43, 4 tvinn.
• Kver VI: blöð 44-51, 3 tvinn + 2 stök blöð.
• Kver VII: blöð 52-60, 3 tvinn + 3 stök blöð.
• Kver VIII: blöð 61-69, 4 tvinn + 1 stakt blað.
• Kver IX: blöð 70-77, 4 tvinn.
• Kver X: blöð 78-88, 5 tvinn + 1 stakt blað.
• Kver XI: blöð 89-99, 5 tvinn + 1 stakt blað.
• Kver XII: blöð 100-103, 1 tvinn + 2 stök blöð.
• Kver XIII: blöð 104-106, 3 stök blöð.
• Kver XIV: blöð 107-110, 2 tvinn.

• Leturflötur er ca 185-200 mm x 110-125 mm.
• Línufjöldi er ca 40-45.
• Markað er fyrir línum.
• Auðir reitir fyrir upphafsstafi og fyrirsagnir (sbr. t.d. blað 80v).
• Bendistafir (v) á spássíum til að merkja vísur í texta eru á blöðum 55v, 56v, 57v, 58r, 66r, 68v, 74, 77, 81r, 83r og 84r (en skv. http://skaldic.arts.usyd.edu. eru vísur einnig á blöðum: 59v, 60v, 63v, 65v, 67v, 68r, 70v, 78v, 79r, 80r, 81v, 82, 83v, 84v, 86, 87r).

• Vantar eitt blað í handrit á eftir blaði 53.
• Vantar í handrit á eftir blöðum 103 og 104.
• Skinnið er svart, mörg blöð slitin og texti vandlesinn, sbr. t. d. blað 9r og blað 60v.
• Efra hornið er rifið af blaði 47.
• Vantar neðan af blaði 67.
• Skorið er af blaði 105.
• Á blöðum 78, 82, 100 og 104 eru minniháttar skemmdir.
• Á kápuspjöldunum má sjá ummerki eftir e.k. festingu, krækju eða ól sem lokað hefur bandinu og fremra spjald hefur upphaflega e.t.v. verið breiðara.

Skrifari / Skrifarar er / eru óþekktur / óþekktir; léttiskrift. Í fljótu bragði er ekki hægt að segja til um fjölda skrifara. Þó stafagerð sé víða áþekk er stærð stafa og þéttleiki skriftar misjafn.

• Blað 27 samanborið við blöðin á undan og næstu blöð á eftir gæti verið skrifað með annarri hendi.
• Og með öðru móti virðist einnig skrifað á blöð 67v-68r. Blöðin fremst í handritinu eru skrifuð með mun stærri stöfum en t.d. blöð 89-95 og og-band er þar með ólíku móti. Á síðarnefndu blöðunum er það táknað með gegnumstrikaðri Z (sjá t.d. blað 92v) en rotundu, sbr. t.d. á blaði 1v.

Blað 35 er skrifað á sautjándu öld; árfljótaskrift.

• Skrifari þess gæti verið Jón Gissurarson. Skriftin er öll stirðari en skrift Jóns í öðrum uppskriftum en greinilegt er að skrifari reynir að líkja eftir skrift í handriti, en mörg stafatákn eru lík táknun Jóns (ath. t.d. J, Á, ó, ð, var o.fl.)

Eftirfarandi listi yfir viðbætur og spássíukrot er ekki tæmandi - dæmi eru eftirfarandi:

• Blað 35 er hugsanlega skrifað á fyrri hluta 17. aldar (sjá: Skrift)
• Athugasemd Árna Magnússonar á blaði 53.
• Fleiri yngri spássíugreinar eru hér og þar m.a.:
  • Kaflanúmer og fyrirsagnir á blöðum 1r-14r eru síðari viðbót.
  • Það á einnig við um greinina á blaði 74r.
  • Á blaði 76v má m.a. lesa: skrifuð á Þingeyrumog Magnús Magnússon.
  • Og á blaði 104v koma fram nöfnin Guðmundur Sæmundsson og Jón Guðmundsson.
  • Rúnastafróf er á blaði 81r.
• Á blöðum 84r-85v eru tvær samskonar myndir af dreka með mannshöfuð (hugsanlega samtímaverk - verk skrifarans???).

Seðill með efnisyfirliti með hendi Árna Magnússonar (sjá einnig AM 435 a 4to, blað 103v).

Það er tímasett til ca 1450-1475 (sjá  ONPRegistre , bls. 452), en til 15. aldar í  Katalog I , bls. 578.

Christopher Sanders telur handritið með hópi handrita sem tengjast bókagerð á Möðruvöllum fram og segir það vafalaust skylt Perg. fol. nr 7 (Tales of knights. Perg. fol. nr 7 in The Royal Library, Stockholm).

Stofnun Árna Magnússonar á Íslandi tók við handritinu 23. marts 1976.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í september 1973.