Skráningarfærsla handrits

Leifar af fyrirsögnum með rauðu bleki.

Upphafsstafir í lit.

Blað (212 mm x 150 mm) með hendi Árna Magnússonar: „Þetta blað fékk ég 1703 af Jóni nokkrum Einarssyni, heimilismanni í Garði á Suðurnesjum. Þar með fylgdi annað blað úr Jónsbók (var úr landsbrigðabálki) sömuleiðis í 4to, og í sama slags formi sem þetta, og með líkri skrift, þó eigi hinni sömu, sem mér virðist. Höfðu þessi 2 blöð verið utan um kver, og vissi maðurinn ekkert til hvaðan þau til sín komin væru. Maðurinn var annars kynjaður norðan úr landi. Jónsbókarblaðið lagði ég saman við fragmentum er ég á úr sömu bók.“

Blaðið er tímasett til 13. aldar í  Katalog I , bls. 262, en c1250 í  ONPRegistre , bls. 441.

Árni Magnússon fékk blaðið árið 1703, frá Jóni Einarssyni, heimilismanni í Garði á Suðurnesjum. Hann vissi ekkert hvaðan það var komið, en sjálfur var hann kynjaður norðan úr landi.

Stofnun Árna Magnússonar á Íslandi tók við handritinu 8. nóvember 1974.