Manuscript Detail

Rektósíður merktar 1-217, þar með talin innskotsblöð merkt 171-189.

Vantar mjög víða blöð í handritið:

• tvö á eftir bls. 4
• eitt á eftir bls. 8
• tuttugu á eftir bls. 40
• eitt á eftir bls. 58
• eitt á eftir bls. 66
• um sex á eftir bls. 70 (með niðurlagi Tveggja postula sögu Jóns og Jakobs)
• líklega eitt framan við bls. 71 (með upphafi Jóns sögu baptista)
• um tvö á eftir bls. 72
• um tvö á eftir bls. 74
• um sex á eftir bls. 76
• eitt á eftir bls. 78
• eitt á eftir bls. 90
• blöð með niðurlagi Péturs sögu postula og upphafi Andrésar sögu postula, þar sem bls. 171-190 hefur verið skotið inn
• eitt blað á eftir bls. 206
• niðurlag Viðræðna Gregoríusar á eftir bls. 218.

Ýmsar hendur.

Litaðir upphafsstafir.

Rauðar fyrirsagnir.

• Bls. 171-190 innskotsblöð frá 17. öld; bls. 171-183 með uppskrift Magnúsar Jónssonar í Vigur á því sem vantar aftan af Péturs sögu postula í handritinu (en bls. 184-190 auðar).
• Allmikið af pennakroti og þess háttar, auk nokkurra rúnastafa á bl. 1r, sem upprunalega var autt.

Fjórir seðlar með hendi Árna Magnússonar:

• Seðill 1 (164 mm x 105 mm): „Johannis og Jacobi postula p. 2-70 sögur: vantar mikið í aftan af Johannis sögu baptista p. 71-104. Péturs saga postula, vantar [p. 104-190] nokkuð við endann, sem annars staðar að tilsett er á pappír. [með hendi Magnúsar sál. í Vigur] Andreas postula saga. Vantar mikið framan við p. 191-202. Úr Gregorii dialogis, nokkuð endasleppt p. 202-215.“
• Seðill 2(164 mm x 105 mm): „Postula sögur ætlar séra Páll Ketilsson, Tómas Þorsteinsson um hönd haft hafa, (a) í sínu (séra Páls) ungdæmi, skrifaðar á kálfskinn. Ekki veit séra Páll neitt til, að þær hafi komist til Þorláks Arasonar, svo að sú Relatio er annars staðar að til mín komin. Qvæ te(?) vera est. // a] hvert hann þær átt hafi eða til láns haft, veit séra Páll ekki.“
• Seðill 3 (165 mm x 108 mm): „Postula sögur (a) meinast vera á Hvali, komnar til Þorláks Arasonar frá Tómasi Þorsteinssyni. Relatio cujus dam. Tólf Postula sögur in membrana segir Helga Þorláksdóttir, Arasonar, föður sinn fengið hafa Magnúsi Magnússyni á Eyri í Seyðisfirði, áður hann (Þorlákur) austur flutti, meinar hún í sömu bók verið hafa Maríu sögu og hafi bókin býsna þykk verið. Ég á nú þessar postula sögur, fengnar af Páli Jónssyni lögmanni en hann fékk þær í Vigur. Magnús Jónsson af Magnúsi Magnússyni.“
• Seðill 4 (165 mm x 105 mm): „Magnús Magnússon á Eyri í Seyðisfirði skrifaði amtmanninum Christian Müller anno 1698 til að hann vel fyrir 30 árum, hafi haft eina pergaments bók íslenska með gamalli skrift, rotna, máða og ólæsilega, innihaldandi nokkurra postula (hvað margra man hann ei, eigi heldur að þar hafi í verið Maríu saga) lífs sögur. Hafi í bókinni allvíða blöð vantað. Og með því þessar sögur ei fullkomnar verið hafi, hafi hann ei mjög bókina æstimerad og þar fyrir, fyrir mörgum árum, í burtu fengið og viti nú ei hvar // niðurkomin sé: Bókina segist hann fengið hafa af Þorláki heitnum Arasyni. (a) 1699 skrifar hann að ei minnist gjörla hverjum hana fengið hafi, og geti hana ei uppspurt. a] NB: Magnús í Vigur fékk þessar postulasögur af Magnúsi Magnússyni, en P.J.W eftir Magnúsi í Vigur, og á ég þær nú.“

Bl. 1v-35v eru tímasett til c1360-1370 og bl. 36r-85v og 96r-109v til c1350-1400 (sjá ONPregistreistre , bls. 438). Í Katalog I , bls. 201, eru blöðin tímasett í einu lagi til síðari hluta 14. aldar.

Handritið tilheyrði á 17. öld Magnúsi Magnússyni á Eyri í Seyðisfirði, en um 1670 gaf hann það Magnúsi Jónssyni í Vigur. Tengdasonur hans Páll Vídalín lögmaður erfði handritið og gaf Árna Magnússyni (sbr. seðla og AM 435 a 4to, bl. 10v-11r). Aðrar upplýsingar Árna um fyrri eigendur, sérstaklega Þorlák Arason, dregur Kålund í efa ( Katalog I , bls. 201).

Stofnun Árna Magnússonar á Íslandi tók við handritinu 11. nóvember 1994.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í February 1985.
• Sýnishorn í Early Icelandic Manuscripts in Facsimile 7, 1967 .