Skráningarfærsla handrits

Pappír með vatnsmerkjum.

• Mótmerki 1: Skjaldarmerki í arnarlíki með kórónu og bókstöfum AS (IS5000-02-0185_3v), bl. 1-4, 7, 19-20. Stærð: 76 x 52 mm, fjarlægð á milli vatnslína á báðum megin vatnsmerkisins: 49 mm.

  Aðalmerki 1: Tveir turnar með fjórum egglaga gluggum ásamt lindifuru (IS5000-02-0185_8r), bl. 8-12. Stærð: 94 x 59 mm, fjarlægð á milli vatnslína á báðum megin vatnsmerkisins: 50 mm.

  Notað frá 1625 til 1672.
• Aðalmerki 2: Dárahöfuð með 5 meðalstórum bjöllum á kraga, Hermes kross og 3 stórir hringir (IS5000-02-0185_30r), bl. 16-18, 22-23, 25?, 27, 30. Stærð: 124 x 75 mm,

  Ekkert mótmerki.

  Notað frá 1625 til 1672.
• Annars konar pappír er í bl. 5-6.

Blaðmerking með svörtu bleki 1-30, síðari tíma viðbót.

5 kver:

• I: spjaldblað og fremri saurblöð (eitt tvinn + eitt blað)
• II: bl. 1-10 (5 tvinn: 1+10, 2+9, 3+8, 4+7, 5+6)
• III: bl. 11-20 (5 tvinn: 1+20, 12+19, 13+18, 14+17, 15+16)
• IV: bl. 21-30 (5 tvinn: 21+30, 22+29, 23+28, 24+27, 25+26)
• V: aftara saurblað og spjaldblað (eitt tvinn)

• Eindálka.
• Leturflötur er 250 mm x 130 mm.
• Línufjöldi er 26-27.
• Leturflötur afmarkaður, annað hvort með broti eða þurroddi.
• Eyður fyrir upphafsstafi (3-6 línur).
• Lok sögu enda í totu.
• Griporð (bl. 10v, 20v).

• Blettótt.
• Blöð eru viðkvæm, sérstaklega við kjöl (viðgerð).
• Skorið af efri spássíu, texti smá skertur.
• Saumgöt við kjöl.
• Vantar sennilega í handritið á milli bl. 4 og 7.

Ein hönd, Jón Erlendsson, kansellíbrotaskrift.

Fyrirsagnir og fyrsta lína texta skrifað í stærra letri.

Leifar af rauðum lit á blaðbrúnum, sem smitast á spássíur.

• Spássíugreinar og undirstrikanir í texta.
• Á neðri spássíu á bl. 4v, Árni Magnússon hefur skrifað: „hier vantar 2 blöd“.
• Bl. 5-6 innskotsblöð.

Fastur seðill (159 mm x 105 mm) með hendi Árna Magnússonar: „Úr bók Þorbjargar Vigfúsdóttur, er kom til mín frá séra Þórði Jónssyni.“ Á versósíðu: „Gundlingiana“ skrifað með annarri hönd en krassað yfir.

Skrifað á Íslandi sennilega í Villingaholti, af Jóni Erlendssyni og tímasett til 17. aldar í Katalog I, bls. 155, en virkt skriftartímabil Jóns var ca 1625-1672.

Handritið var áður hluti af stærri bók (sbr. seðil). Í þeirri bók voru einnig blöð sem nú eru í AM 13 fol., AM 34 II fol., AM 49 fol., AM 148 fol., AM 155 fol. og AM 113 b fol. (Agnete Loth 1960, Editiones AM A5, lxii og Jón Helgason 1970, Opuscula IV, 354-355). AM 113 c fol. var sett í bókina í stað b (sbr. seðil í AM 113 c fol. og Jón Jóhannesson 1956, xvii).

Bókin sem handritið tilheyrði var í eigu Þorbjargar Vigfúsdóttur en Árni Magnússon fékk hana frá sr. Þórði Jónssyni, frænda hennar, (sbr. seðil).

Loth 1960, Editiones AM A5, lxii-lxiii Jón Helgason 1970, Opuscula IV, 354-355.

Stofnun Árna Magnússonar á Íslandi tók við handritinu 12. október 1982.

Svart-hvítar ljósmyndir á Det Arnamagnæanske Institut í Kaupmannahöfn.