Skráningarfærsla handrits

Pappír með vatnsmerkjum.

Vatnsmerki 1. Aðalmerki: Tveir turnar með tveimur egglaga gluggum ( 1 , 4-5 , 8-9 , 11 , 13 , 15 , 17 , 19 , 21-22 , 24 , 26 , 28 ) // Mótmerki: Fangamark PH ( 2-3 , 6-7 , 10 , 12 , 14 , 16 , 18 , 20 , 23 , 25 , 27 , 29-31 ).

• Tölusetning blaða: 1-31.

Þrjú kver.

• Kver I: blöð 1-10, 5 tvinn.
• Kver II: blöð 11-20, 5 tvinn.
• Kver III: blöð 21-31, 5 tvinn + 1 stakt blað.

• Eindálka.
• Leturflötur er ca 240 mm x 140 mm.
• Línufjöldi er ca 23-24.
• Eyður fyrir upphafsstafi flestra kafla; á fjórum stöðum hefur upphafsstafur verið dreginn 2v, 9v, 16v, 19v.
• Griporð koma fyrir á fjórum stöðum: 6r, 10v, 20v, 30v.

• Víða eru eyður þar sem ólæsileg orð hafa verið í forritinu.
• Texti sést sumstaðar í gegn (sjá blöð 17r -18v og á fleiri stöðum).

• Með hendi Jóns Erlendssonar; blendingsskrift.

• Kaflamerkingum hefur verið bætt við kafla i-iv (sjá blöð 1r-2v) en á því er ekki áframhald að því er best verður séð.

• Fastur seðill (110 mm x 114 mm) með hendi Árna Magnússonar: „Hrafns saga Sveinbjarnarsonar. Úr bók Þorbjargar Vigfúsdóttur frá séra Þórði Jónssyni.“

Handritið er skrifað á Íslandi og tímasett til 17. aldar í Katalog I , bls. 108, en virkt skriftartímabil skrifara var ca 1625-1672.

Það er skrifað eftir skinnhandriti sem glataðist við bruna háskólabókasafnsins 1728 (hinu sama og AM 154 fol. er skrifað eftir).

Handritið var áður hluti af stærri bók (sbr. seðil). Í þeirri bók voru einnig AM 13 fol., AM 342 fol., AM 113 b fol., AM 113 c fol. og AM 185 fol.

Bókin sem handritið tilheyrði var í eigu Þorbjargar Vigfúsdóttur, en Árni Magnússon fékk hana frá sr. Þórði Jónssyni, bróðursyni hennar (sbr. seðil).

Stofnun Árna Magnússonar á Íslandi tók við handritinu 27. mars 1974.

Svart-hvítar ljósmyndir á Det Arnamagnæanske Institut í Kaupmannahöfn.