Skráningarfærsla handrits

Handritið hefur verið blaðsíðumerkt síðar með rauðu bleki 1-114. Enn fremur blaðmerkt með rauðu bleki á neðri spássíu 1-57.

Sjö kver.

• Kver I: bl. 1-8, 4 tvinn.
• Kver II: bl. 9-16, 4 tvinn.
• Kver III: bl. 17-24, 4 tvinn.
• Kver IV: bl. 25-32, 4 tvinn.
• Kver V: bl. 33-40, 4 tvinn.
• Kver VI: bl. 41-48, 4 tvinn.
• Kver VII: bl. 49-57, stakt blað, 3 tvinn, 2 stök blöð.

• Eindálka.
• Leturflötur er ca 230-245 mm x 140-145 mm.
• Línufjöldi er ca 30.
• Kaflafyrirsagnir á spássíum.
• Hver ljóðlína vísna er sér um línu.

Með hendi Ásgeirs Jónssonar, kansellískrift.

Athugasemdir og lesbrigði á spássíum.

Seðill á fremra spjaldi (151 mm x 93 mm) með hendi Árna Magnússonar: „Þessi Fóstbræðra saga er tekin úr volumine no. 9 þeirra bóka er ég keypti eftir etatsráð Mejer dauðann. Descriptionem huius Exemplaris vide in Consignatione illorum librorum.“

Handritið var skrifað í Noregi (Stangarlandi) og er tímasett frá ársbyrjun 1690 til vors 1697 í umfjöllun Más Jónssonar um skrifarann Ásgeir Jónsson (sbr. Már Jónsson 2009: 282-297 ). Það er tímasett til um 1700 í Katalog I , bls. 101, en virkt skriftartímabil Ásgeirs Jónssonar var ca 1686-1707. Handritið var áður hluti af stærri bók sem innihélt einnig AM 67 b fol., AM 172 a fol. og AM 172 b fol. (sbr. seðil og AM 435 b 4to, bl. 163r-164v).

Bókina sem handritið tilheyrði keypti Árni Magnússon úr búi etatráðs Mejers og tók í sundur 1721. Þormóður Torfason hafði gefið Mejer þá bók 1698 eða 1699 (sbr. seðil og AM 435 b 4to, bl. 164v).

Stofnun Árna Magnússonar á Íslandi tók við handritinu 27. mars 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.