Skráningarfærsla handrits

• Tvídálka.

• Með hendi Benedikts Brynjólfssonar (eða Björns Brynjólfssonar), textaskrift.

• Litaðir upphafsstafir í hluta handritsins (sjá t.d. blöð 3r og 4r).

• Teikning af konu á blaði 27v.

• Spássíugreinar um eigendur og aðföng með hendi Árna Magnússonar á blöðum 4r, 8r, 10v, 17r, 19v og 27r (sjá um feril).
• Áritun um eiganda með hendi SES á neðri spássíu á blaði 8r (sjá um feril). Nafn Steindórs Eggertssonar er á efri spássíu sama blaðs.
• Blaðsíðutöl úr AM 117-118 fol. og ártöl með hendi Árna Magnússonar á stöku stað.

Á milli fremra saurblaðs verso og blaðs 1r í handriti eru átta miðar með upplýsingum um uppruna, feril og innihald. Sjö seðlanna eru með hendi Árna Magnússonar en sá fyrsti er undirritaður: Guðbrandur.

• 1) Blár fastur seðill sem festur er á móttak; undirritaður 12. desember. 62. Guðbrandur. Efst á seðli er safnmark handritsins.

Seðlar með hendi Árna Magnússonar. Tveir þeir fyrstu eru festir á umslag sem áður var í AM 122 a fol. Umslagið og þeir miðar sem á eftir fara eru festir sér á móttök.

• 2) Fastur seðill (118 mm x 79 mm): „Þetta blað úr Sturlunga sögu fékk ég í Svefneyjum á Breiðafirði um veturinn skammt fyrir jól 1723 meinast frá Flatey komið ásamt bókum fyrir það. Var utan um fyrir saurblað.“
• 3) Fastur seðill (193 mm x 112 mm): „Sturlunga sögu blöð þessi eru frá Magnúsi Arasyni til mín komin en hann hefur þau fengið í Bíldudal hjá Árna Guðmundssyni og er þar ekkert meira.“
• 4) Fastur seðill (312 mm x 203 mm); gamalt umslag (1 tvinn) fest á móttak: „Tabula ma[?] fragu[m?] Jslandiæ (Sturlunga sögu) quod maximo Historiæ-Islandicæ damno, aulo auta nostra tempore (imo in pueritia nostra) in occidentali Jslandiam discerptum est et dissipatum. Codex olim fuet Gislasonis Jonæ da Reykjarfirði.“
• 5) Fastur seðill (35 mm x 93 mm), sem festur er á móttak. Á honum stendur: „Frá captain Magnúsi Arasyni 1724.“
• 6) Fastur seðill (195 mm x 139 mm, sem festur er á móttak. Á honum er greint frá fjórum blöðum sem Árni hefur fengið frá Halldóri Pálssyni í Selárdal: „Úr Sturlunga sögu 4 blöð circiter. Komið til mín 1701 frá séra Halldóri Pálssyni í Selárdal. Eru eigi úr þeirri sem Þórður Steinþórsson átti og nú er hjá mér.“
• 7) Fastur seðill (176 mm x 119 mm), sem festur er á móttak. Á honum eru upplýsingar um hálft annað blað úr Árna sögu biskups: „Hálft annað blað úr Árna biskups sögu Þorlákssonar. Fengið 1715 frá monsieur Árna Daðasyni með hans bréfi dateruðu 1714.“
• 8) Blaðpar, eitt tvinn sem fest er á móttak; aðeins er skrifað fremst á það með hendi Árna Magnússonar: „Þennan dálk úr Guðmundar sögu fékk ég 1710 af Þórði Björnssyni Ásgeirssonar. Er úr Guðmundar sögu er fyrrum átti séra Ásgeir Einarsson.“ Neðan við texta Árna hefur Guðbrandur Vigfússon gert eina athugasemd.

Handritið er skrifað á Íslandi og tímasett til ca 1375-1400 (sbr. ONPRegistre , bls. 433), en til um 1400 í Katalog I , bls. 85.

Bókin sem blöðin tilheyrðu var hjá Árna Guðmundssyni á Bíldudal og var þar rifin sundur. Þaðan fékk Magnús Arason nokkur ótilgreind blöð sem Árni Magnússon fékk svo frá honum (sbr. seðil og AM 435 a 4to, blað 63v). Spássíugreinar og seðlar Árna veita upplýsingar um hvaðan hann fékk einstök blöð:

• Blað 4r er komið frá Magnúsi Arasyni frá Haga 1703.
• Blöð 7 og 8 (samföst) eru frá Eggerti Snæbjörnssyni 1708. Neðst á blaði 8r er áritun með hendi SES frá 1705 þar sem Eggerti er merkt rímnasafn sem þessi blöð hafa verið utan um. Á efri spássíu sama blaðs hefur Steindór Eggertsson (sennilega sami og SES) skrifað nafn sitt.
• Blað 10 er frá Sigurði Sigurðssyni á Firði 1707.
• Blað 13 er frá Ormi Daðasyni, afhent í Svefneyjum á Breiðafirði 1723, en þangað er það talið komið frá Flatey ásamt bókinni sem það var utan um.
• Blað 14 er frá Magnúsi Arasyni 1724.
• Blöð 16 og 18 (samföst) eru frá Halldóri Pálssyni í Selárdal 1701.
• Blað 17 er frá Magnúsi Jónssyni í Snóksdal 1704.
• Blað 19 er frá Magnúsi Arasyni sem fékk það frá Bíldudal 1703.
• Blöð 25 og 26 eru frá Ormi Daðasyni 1915.
• Blað 27 er frá Eggerti Snæbjörnssyni 1708.
• Blað 29 er frá Þórði Björnssyni 1710; það var áður hjá sr. Ásgeiri Einarssyni.

Stofnun Árna Magnússonar á Íslandi tók við handritinu 27. júní 1973.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi.
• Svart-hvít ljósmynd af bl. 27r á Stofnun Árna Magnússonar á Íslandi.