Manuscript Detail

Tvídálka.

• Efni á bl. 107v skafið burt að hluta.
• Blað aftan við bl. 107 skorið burt, svo að einungis stendur eftir ræma við kjöl.

Mynd á bl. 6r af Ólafi konungi helga í hásæti, með öxi og spjót.

Mynd á bl. 74vb af biskupi sitjandi með bagal.

Upphafsstafir í mörgum litum, sumir mikið skreyttir.

Rauðritaðar fyrirsagnir.

• Margvíslegar viðbætur við upprunalega handritið (sjá efni og uppruna).
• Leiðréttingar skrifara á seðlum (sjá um blaðfjölda).
• Samskonar leiðréttingar skrifara á spássíum.
• Ýmsar viðbætur á spássíum.
• Kveðja á efri spássíu bl. 70v frá Hjálmi Sveinssyni til Eiríks Snjólfssonar.

Þrír seðlar með hendi Árna Magnússonar og afsalsbréf:

• Oktavótvíblöðungur (165 mm x 102 mm) skrifaður 1708, um 1710 og 1722: „Lögbók Bjarna Bjarnasonar folio, (sú er ég fékk frá Guðmundi Þorleifssyni) er nú í láni hjá lögmanninum Páli Jónssyni. (1708 hún er allvíða registreruð hjá mér inter meos Codices legum. 1722 fékk ég hana úr láninu frá Lögmanninum.“
• Oktavóseðill (140 mm x 91 mm) frá um 1710: „Framan eða aftan við Arnarbælis lögbók, þá sem átt hefur Snjólfur Rafnsson, sýslumaður í Múlaþingi, og er þar ritað undir sjálfa reformationem. Snjólfur var á dögum Jóhannes Regis Dan.“
• Afsalsbréf Bjarna Bjarnasonar í Arnarbæli í kvartóstærð (204 mm x 160 mm), skrifað í Víðidalstungu May 11, 1707.

Elsti hluti handritsins (bl. 6va-73vb:18 og 74ra-105vb) er tímasettur til c1350 (sbr. ONPRegistre , bls. 445), en til síðari hluta 14. aldar í  Katalog I , bls. 422. Yngri viðbætur eru tímasettar á eftirfarandi hátt:

• bl. 4vb:14-5vb til c1350-1400 (sbr. ONPRegistre , bls. 445 og Katalog I , bls. 422)
• bl. 73vb:11-25 til c1480 (sbr. ONPRegistre ; c1400-1500 í  Katalog I , bls. 423)
• bl. 2va-4rb og 106ra-107rb:18 til c1490 (sbr. ONPRegistre ; c1400-1500 og c1475-1500 í  Katalog I , bls. 423-424)
• bl. 109ra-114ra:12 til c1490 (sbr. ONPRegistre ; c1475-1500 í  Katalog I , bls. 424)
• bl. 107v:1-23 til c1500 (sbr. ONPRegistre , bls. 445 og Katalog I , bls. 424)
• bl. 108ra:1-11 og 108ra:17-108rb til c1500 (sbr. ONPRegistre ; c1575-1600 í  Katalog I , bls. 424)
• bl. 107rb:19-35 til c1500-1525 (sbr. ONPRegistre , bls. 445 og Katalog I , bls. 424)

Um 1500 virðist bókin hafa verið í eigu Snjólfs Hrafnssonar lögréttumanns, sem talinn er hafa verið sýslumaður Múlasýslu (sbr. bl. 107 og 114v og AM 435 a 4to, bl. 179v). Eftir hann hefur sonur hans, Eiríkur Snjólfsson, líklega fengið bókina (sbr. bl. 70v). Oddný Guðnadóttir fékk bókina í heimanfylgju árið 1695 (sbr. bl. 2r) og frá Oddnýju fékk hana Þorbergur Illugason, prestur í Bitru (sbr. AM 435 a 4to, bl. 180r). Af sr. Þorbergi eignaðist Rögnvaldur Sigmundsson bókina og af honum Bjarni Bjarnason í Arnarbæli. Samkvæmt afsalsbréfi sem fylgir handritinu (sjá fylgigögn) seldi Bjarni Páli Vídalín handritið árið 1707, þó með forkaupsrétti til Árna Magnússonar (sbr. einnig bl. 2r). Bókin var þá hjá Árna, að láni Guðmundar Þorleifssonar (sbr. afsalsbréf, seðil og AM 435 a 4to, bl. 180r). 1708 virðist Árni hafa eignast bókna, en Páll Vídalín hafa hana að láni (sbr. seðil og AM 435 a 4to, bl. 180r). 1722 skráir Árni að hann hafi fengið handritið frá Páli (sbr. seðil). Fyrrum höfðu einnig Guðmundur West, sr. Páll á Melstað og Magnús Jónsson lögmaður bókina í höndum (sbr. AM 435 a 4to, bl. 180r).

Stofnun Árna Magnússonar á Íslandi tók við handritinu 2. september 1982.

Svart-hvítar ljósmyndir á Det Arnamagnæanske Institut í Kaupmannahöfn.