Skráningarfærsla handrits

Blaðnúmer hefur verið fært inn með rauðu bleki á miðja efri spássíu rektósíðna (ásamt safnmarki vinstra megin á neðri spássíu 1r).

Tvö samföst blöð (eitt tvinn) innan úr bók.

• Tvídálka.
• Leturflötur er ca 267 mm x 190 mm.
• Á bl. 1 og 2r eru 40 línur í dálki, en á 2v er 41 lína í hvorum dálki.

Blöðin bera þess merki að hafa verið notuð sem kápa utan um bók: brot eru í skinninu og 1r og 2v sums staðar máð og skítug. Skorið hefur verið af ytri spássíum og nærri gengið leturfleti svo að sums staðar (einkum á bl. 2) vantar ysta staf í línu.

Óþekktur skrifari, karlungaskrift.

Fyrirsögn með rauðu bleki.

Upphafsstafur með rauðu bleki.

Eftirfarandi spássíugreinar með ungri hendi (19. öld?):

• Á bl. 1r neðst vinstra megin: Cum hoc folio cf. 619 in 4to p. 95 1-98 2.
• Á bl. 2r neðst vinstra megin: Cum hoc folio cf. 619 in 4to p. 136 28-145 16.

• Fastur seðill (142 null x 99 null) með hendi Árna Magnússonar með upplýsingum um feril: „Frá séra Þorsteini Ketilssyni 1728. Er úr ærið gamalli predikunarbok.“.
• Safnmarksmiði innan á fremra bandi.
• Miði með upplýsingum um gamla skráningu innan á fremra bandi.

Handritið er skrifað á Íslandi. Það er tímasett til 12. aldar í  Katalog I , bls. 198, en til ca 1150 í  Early Icelandic Script , bls. iii (nr. 2) og ONPRegistre , bls. 436.

Árni Magnússon fékk frá séra Þorsteini Ketilssyni að Hrafnagili í Eyjafjarðarsýslu 1728.

Stofnun Árna Magnússonar á Íslandi tók við handritinu 18. júní 1997.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi (keyptar af Arne Mann Nielsen í febrúar 1985).