Skráningarfærsla handrits

Fyrir árin 1662-1663.

Óheil. Nokkur bréfanna sem vantar eru í NKS 1392 fol.

Afrit af landamerkjabréfi frá árinu 1557. Í bréfinu er að finna vitnisburð 11 manna sem fengnir voru til að ákveða rétt landamerki á milli jarðanna Kaldbaks og Hörgsholts og á milli Hruna og Hörgsholts í Hrunamannahreppi. Áður voru ekki til skriflegar heimildir um landamerki á milli þessara jarða, einungis munnlegar frásagnir. Dags. í Hruna í Hrunamannahreppi mánudaginn eftir Krossmessu að vori 1557. Afrit dags. í Skálholti 11. maí 1662.

Afrit af jarða og landamerkjabréfi frá árinu 1605 þar sem Bjarni Sigurðsson seldi sr. Guðmundi Gíslasyni jörðina Moldartungu í Holtamannahreppi, 30 hundruð að dýrleika. Í staðinn fékk Bjarni frá sr. Guðmundi alla jörðina Hörgsholt í Hrunamannahreppi, 30 hundruð að dýrleika. Í bréfinu er lýst landamerkjum á milli jarðanna Kaldbaks og Hörgsholts og á milli Hruna og Hörgsholts. Dags. í Gaulverjabæ í Flóa 10. apríl 1605. Afrit dags. í Skálholti 11. maí 1662.

Afrit af jarðabréfi frá árinu 1625 þar sem sr. Halldór Daðason seldi Bjarna Sigurðssyni jörðina Hólmlátur á Skógaströnd, 40 hundruð að dýrleika. Í staðinn fékk sr. Halldór frá Bjarna alla jörðina Hörgsholt í Hrunamannahreppi, 30 hundruð að dýrleika. Í bréfinu er lýst landamerkjum á milli jarðanna Kaldbaks og Hörgsholts og á milli Hruna og Hörgsholts. Dags. í Hruna í Hrunamannahreppi 14. desember 1625. Afrit dags. í Skálholti 12. maí 1662.

Afrit af jarðabréfi frá árinu 1640 þar sem Gísli Jónsson seldi sr. Halldóri Daðasyni 5 hundraða hlut í jörðinni Geldingaholti í Eystri hreppi. Á móti seldi sr. Halldór Gísla 5 hundraða hlut í jörðinni Efstabæ í Skorradal. Dags. í Hruna í Hrunamannahreppi 13. janúar 1640. Afrit dags. í Skálholti 21. október 1662.

Afrit af jarðabréfi frá árinu 1643 þar sem Bjarni Jónsson, með samþykki bróður síns Gísla Jónssonar, seldi sr. Halldóri Daðasyni 5 hundraða hlut í jörðinni Geldingaholti í Eystri hrepp. Fyrir þennan jarðarhlut greiddi sr. Halldór Bjarna 10 hundruð í lausafé sem skyldi greiðast um næstu fardaga. Dags. í Hruna í Hrunamannahreppi 16. janúar 1643.

Á eftir bréfinu er staðfesting votta þess efnis að Bjarni Jónsson hafi meðtekið 10 hundruð frá sr. Halldóri í greiðslu fyrir 5 hundraða hlut í jörðinni Geldingaholti. Dags. í Hruna í Hrunamannahreppi 20. janúar 1645. Afrit beggja bréfanna dags. í Skálholti 21. október 1662.

Afrit af bréfi frá árinu 1640 þess efnis að Margrét Stefánsdóttir hafi gefið sonum sínum, Gísla og Bjarna Jónssonum, 5 hundruð hvorum í jörðinni Geldingaholti í Eystri hrepp og þeim sé heimilt að ráðstafa þessum jarðarhlutum eins og þeim sýnist. Dags. í Geldingaholti í Eystri hrepp 2. mars 1640. Afrit dags. í Skálholti 21. október 1662.

Bréfið er nr. 6A í handritinu.

Afrit af bréfi frá árinu 1641 þar sem sr. Jón Jónsson samþykkir sölu frænda sinna, Gísla og Bjarna Jónssona, á 10 hundraða hlut í jörðinni Geldingaholti í Eystri hrepp til sr. Halldórs Daðasonar. Dags. í Hruna í Hrunamannahreppi 8. desember 1641. Afrit dags. í Skálholti 21. október 1662.

Afrit af jarðabréfi frá árinu 1640 þar sem Gísli Jónsson seldi sr. Halldóri Daðasyni 5 hundraða hlut í jörðinni Efstabæ í Skorradal. Fyrir þennan jarðarhlut greiddi sr. Halldór Gísla 10 hundruð í lausafé sem skyldu greiðast um næstu fardaga auk ábýlis á jörðinni Berghyl í Hrunamannahreppi. Dags. í Geldingaholti í Eystri hrepp 2. mars 1640. Afrit dags. í Skálholti 21. október 1662.

Afrit af jarðabréfi frá árinu 1589 þar sem Þorsteinn Hallvarðsson seldi Stefáni Gunnarssyni hálfa jörðina Geldingaholt í Eystri hrepp, 10 hundruð að dýrleika. Fyrir þennan hlut greiddi Stefán Þorsteini meðal annars 10 málnytu kúgildi, sex hundruð í geldum peningum og tvö hundruð í dauðum peningum. Dags. að Einarshöfn á Eyrarbakka 12. febrúar 1589. Afrit dags. í Skálholti 21. október 1662.

Afrit af bréfi frá árinu 1607 þar sem Stefán Gunnarsson gefur dóttur sinni, Margréti Stefánsdóttur, jörðina Björk í Sandvíkurhreppi, 10 hundruð að dýrleika, 10 hundraða hlut í jörðinni Geldingaholti í Eystri hrepp auk 8 hundraða í fríðum og ófríðum peningum. Dags. að Oddgeirshólum 4. júlí 1607. Afrit dags. í Skálholti 22. október 1662.

Afrit af dómsbréfi frá árinu 1583. Bréfið er dómur kveðinn upp á þingi að Gröf í Hrunamannahreppi, að beiðni Stefáns Gunnarssonar, um gjöf Guðrúnar Gísladóttur til sonar síns, Gísla Stefánssonar. Guðrún gaf honum 10 hundraða hlut í jörðinni Oddgeirshólum fyrir hálfa jörðina Geldingaholt og kom dómsmönnum saman um að þessi gjöf væri lögmæt og Gísli Stefánsson væri réttur eigandi 10 hundraða hlutar í jörðinni Oddgeirshólum. Dags. í Skálholti 18. júní 1583. Afrit dags. í Skálholti 22. október 1662.

Afrit af bréfi frá árinu 1592. Bréfið er vitnisburðarbréf þar sem sr. Jón Egilsson og Ástríður Vermundsdóttir staðfesta að þau hafi verið viðstödd og heyrt Guðrúnu Gísladóttur gefa syni sínum, Gísla Stefánssyni, 10 hundraða hlut í jörðinni Oddgeirshólum fyrir hálfa jörðina Geldingaholt. Dags. að Hólum í Hrunamannahreppi 17. maí 1592. Afrit dags. í Skálholti 20. október 1662.

Í bréfinu gefur Brynjólfur biskup Þorvarði Magnússyni umboð til að taka á móti tveimur þriðju hlutum í jörðinni Kalastöðum á Hvalfjarðarströnd af bræðrunum sr. Einari og Þórarni Illugasonum. Í bréfinu lýsti sr. Einar einnig landamerkjum á milli jarðanna Kalastaða, Saurbæjar og Innrahólms í votta viðurvist. Sjá AM 273 fol., nr. 205 og 212. Dags. á Kalastöðum á Hvalfjarðarströnd 9. apríl 1662.

Bréfið er í brotinu 4to.

Blað 12v er autt.

Í bréfinu er jörðinni Kalastöðum skipt á milli eigenda sinna en Brynjólfur biskup hafði keypt tvo þriðju hluta jarðarinnar af bræðrunum sr. Einari og Þórarni Illugasonum. Fóru skiptin fram 8. og 9. apríl 1662 á milli Þorvarðar Magnússonar, í umboði biskups, og Þórðar Illugasonar sem átti nú þriðjungshlut í jörðinni á móti biskupi. Kölluðu hvor um sig til þrjá fulltrúa til að annast skipti á húsum, túnum, engjum og hagalandi. Sjá bréf nr. 13. Dags. á Kalastöðum á Hvalfjarðarströnd 10. apríl 1662.

Húsin á Kalastöðum á Hvalfjarðarströnd skoðuð og ástand þeirra metið. Dags. á Kalastöðum á Hvalfjarðarströnd 9. apríl 1662. Afrit dags. í Skálholti 27. maí 1662.

Bréfið er nr. 15A í handritinu.

Brynjólfur biskup veitir Magnúsi Kortssyni umboð yfir jörðum Skálholtsdómkirkju í Skammbeinsstaðaumboði auk biskupstíundarumboðs í Rangárvallasýslu, á milli Þjórsár og Jökulsár. Í bréfinu er gerð grein fyrir skyldum Magnúsar sem umboðsmanns biskups og skyldum leiguliða Skálholtsjarða gagnvart umboðsmanninum. Dags. í Skálholti 12. maí 1662.

Brynjólfur biskup veitir Jóni Ólafssyni ábýli á jörðinni Hraungerði. Dags. í Skálholti 13. maí 1662.

Í bréfinu seldi Brynjólfur biskup Jóni Ólafssyni sex leigukúgildi með jörðinni Hraungerði fyrir 20 ríkisdali. Auk þess seldi biskup honum þrjú kúgildi til viðbótar fyrir þrjá unga hesta. Dags. í Skálholti 13. maí 1662.

Brynjólfur biskup veitir Jóni Ásmundssyni áframhaldandi ráðsmannsumboð yfir jörðum Skálholtsstaðar í Hamraumboði og út með sjó. Dags. í Skálholti 14. maí 1662.

Í bréfinu boðar Brynjólfur biskup sr. Einar Illugason prófast í Kjalarnessþingi og presta í hans umdæmi til prestastefnu á Þingvöllum sumarið 1662. Ástæða boðunarinnar var að heyra málflutning sr. Þorsteins Björnssonar, fyrrverandi sóknarprests á Útskálum, varðandi Útskáladóm þar sem sr. Þorsteinn var dæmdur fyrir hórdómsbrot og missti prestembætti sitt í kjölfarið. Bað biskup prófastinn og prestana að hlusta á málflutning sr. Þorsteins og bera fram andmæli. Var prestastefnudagurinn 1. júlí 1662 frátekinn vegna þessa máls og vonaði biskup að þar með væri því lokið. Dags. í Skálholti 15. maí 1662.

Fjórir menn kvörtuðu til Guðmundar Jónssonar sýslumanns í Árnessýslu og töldu að Jón Ásmundsson umboðsmaður Hamraumboðs hafi tekið af þeim of marga fiska í vertíðarlok. Bað Guðmundur Jónsson biskup að koma á sáttum milli Jóns Ásmundssonar og mannanna fjögurra. Dags. í Skálholti 18. maí 1662.

Fimm erindrekar Brynjólfs biskups skoða og meta ástand bæjarhúsanna á jörðinni Vatnsleysu, en Eiríkur Þorsteinsson ábúandi á helmingi jarðarinnar var nú látinn. Dags. á Vatnsleysu 17. maí 1662. Afrit dags. í Skálholti 18. maí 1662.

Sex dómkvaddir menn voru fengnir til að meta, að beiðni Guðmundar Jónssonar sýslumanns í Árnessýslu, hvort Eiríkur heitinn Þorsteinsson hafi byggt hálfa jörðina Vatnsleysu eins og lög og konungsbréf sögðu til um. Þar sem jörðin og bæjarhúsin voru í mikilli niðurníðslu þá dæmdu þeir að Eiríkur heitinn hafi ekki annast jörðina eins og leiguliða bar og því brotið lög og kong majestets bréf. Dags. 17. maí 1662. Afrit dags. í Skálholti 18. maí 1662.

Á manntalsþingi að Bakkárholti í Ölfusi kváðu sex dómkvaddir menn upp dóm um afhendingu Torfa Hákonarsonar á jörðinni Bakkárholti til sr. Jóns Daðasonar. Í bréfinu er að finna lýsingu á landamerkjum jarðarinnar Bakkárholts. Bréfið er skrifað upp eftir þingbók Guðmundar Jónssonar sýslumanns í Árnessýslu. Dags. að Bakkárholti í Ölfusi 3. maí 1662. Afrit dags. í Skálholti 18. maí 1662.

Að beiðni Guðmundar Jónssonar sýslumanns voru sex erindrekar fengnir til að skoða dómkirkjujörðina Efstadal í Grímsnesi. Jón Skýðason sem verið hafði leiguliði á jörðinni í 25 ár var nú hættur búskap vegna aldurs. Dags. í Efstadal í Grímsnesi 19. maí 1662. Afrit er ódags.

Þorsteinn Þorsteinsson gefur vitnisburð um að Jón Ásmundsson vinnumaður, sem var með öðrum vinnumönnum Skálholtsstaðar við útróðra í Krýsuvík, hafi með leynd tekið og flutt burt þrjár álnir af viðartrjám sem Skálholtsstaður átti í Krýsuvík. Dags. í Skálholti 22. og 23. maí 1662.

Bréfið er nr. 26A í handritinu.

Næsta bréf hefur númerið 27B, í stað 26B.

Sr. Árni Halldórsson kirkjuprestur í Skálholti kvittar fyrir að Brynjólfur biskup hafi greitt honum 20 ríkisdali í kaup fyrir síðastliðið ár. Dags. í Skálholti 23. maí 1662.

Bréfið er nr. 27B í handritinu.

Sr. Halldór Daðason afhendir Brynjólfi biskup jörðina Hörgsholt eins og samkomulag þeirra vegna legorðsmáls Daða Halldórssonar við Ragnheiði Brynjólfsdóttur gerði ráð fyrir. Auk þess veitti sr. Halldór syni sínum, sr. Árna Halldórssyni, umboð til að afhenda Brynjólfi biskup hálfa jörðina Geldingaholt í Eystri hrepp. Í bréfinu samþykkir Halldóra Einarsdóttir, eiginkona sr. Halldórs, formlega borgunarsamkomulagið við Brynjólf biskup. Einnig greiddi sr. Halldór biskupi nú 75 hundraða skuld vegna Daða Halldórssonar. Sjá AM 273 fol., nr. 296 og 306. Dags. að Hruna í Ytri hrepp 29. maí 1662.

Ekkert bréf nr. 29.

Brynjólfur biskup samþykkir og staðfestir val sóknarpresta í Snæfellssýslu þar sem þeir völdu sr. Björn Snæbjörnsson, sóknarprest á Staðarstað, í embætti héraðsprófasts í Snæfellssýslu. Dags. í Skálholti 2. júní 1662.

Sex erindrekar Brynjólfs biskups skoða og lýsa húsakosti á jörðinni Geldingaholti. Einnig afhendir sr. Árni Halldórsson Brynjólfi biskup hálfa jörðina Geldingaholt, í umboði föður síns sr. Halldórs Daðasonar. Í bréfinu er landamerkjum jarðarinnar lýst. Sjá bréf nr. 28. Dags. að Háholti í Geldingaholtslandi og Skáldabúðum 4. júní 1662. Afrit dags. í Skálholti 5. júní 1662.

Jón Jónsson ábúandi á jörðinni Skáldabúðum, lýsir fyrir Brynjólfi biskup landamerkjum jarðarinnar Skáldabúða. Dags. að Skáldabúðum í Eystri hrepp 4. júní 1662.

Í bréfinu er lýst húsakosti á jörðinni Skáldabúðum. Dags. að Skáldabúðum í Eystri hrepp 4. júní 1662. Afrit dags. í Skálholti 5. júní 1662.

Brynjólfur biskup ritar meðmælabréf fyrir Steinunni Finnsdóttur sem dvalið hafði í Skálholti um fimm ára skeið. Dags. í Skálholti 10. júní 1662.

Sr. Jón Bjarnason skilar til Brynjólfs biskups reikningi yfir afgjöld, landskuld og leigur í Bjarnanessumboði fyrir árið 1661. Bréfið er ódags.

Brynjólfur biskup kvittar fyrir að sr. Jón Bjarnason umboðsmaður Bjarnanessumboðs hafi staðið skil á afgjöldum, landskuld og leigum í Bjarnanessumboði Skálholtsstaðar fyrir árið 1661 og til fardaga 1662. Dags. í Skálholti 19. júní 1662.

Páll Teitsson á Vatnsendagrund skilar til Brynjólfs biskups reikningi yfir vorgjöld af jörðum biskupsins í Borgarfirði. Dags. á Vatnsendagrund í Skorradal 20. júní 1662.

Brynjólfur biskup afhendir Oddi Eyjólfssyni, vegna Jóns Eyjólfssonar yngri, átta ríkisdali og tólf fjórðunga smjörs fyrir andvirði 2 hundraða hlutar í jörðinni Þorláksstöðum sem biskup keypti af Jóni yngri í október 1661. Eftir stóðu 3 hundruð ógreidd af kaupverðinu. Sjá AM 273 fol., nr. 228 og 229. Dags. í Skálholti 21. júní 1662.

Jarðabréf þar sem Guðbjörg Árnadóttir seldi Brynjólfi biskup alla jörðina Haga á Vopnafirði, 12 hundruð að dýrleika. Á móti seldi Brynjólfur biskup Guðbjörgu hálfa jörðina Hjartastaði, 10 hundruð að dýrleika, 1 hundraðs kú, 12 ær með lömbum og tveggja skjólna ketil um kauptíð. Auk þess fékk Guðbjörg ábúð á konungsjörðinni Brimnesi á Seyðisfirði fyrir lífstíð. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd biskups. Dags. að Brimnesi á Seyðisfirði 28. apríl 1661. Afrit dags. í Skálholti 23. júní 1662.

Jarðabréf þar sem Ólafur Sigfússon seldi Brynjólfi biskup tvo þriðju hluta jarðarinnar Vakursstaða, 8 hundruð að dýrleika, og alla jörðina Hróaldsstaði, 6 hundruð að dýrleika, báðar jarðirnar á Vopnafirði. Á móti seldi Brynjólfur biskup Ólafi alla jörðina Fagranes á Langanesi, 12 hundruð að dýrleika, auk 6 hundraða í lausafé. Samningnum fylgdi það skilyrði að föðursystir Ólafs, Sólrún Sigurðardóttir, fengi að búa á Hróaldsstöðum svo lengi sem hún vildi. Einnig fékk Ólafur ábýli á ónefndri jörð með þeim skilmála að hann hjálpaði Brynjólfi biskup að eignast alla jörðina Vakursstaði, en þriðjungur hennar var í eigu systur Ólafs, Þórunnar Sigfúsdóttur. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd biskups. Sjá AM 273 fol., nr. 127. Dags. að Meðalnesi í Fellum 28. janúar 1662. Afrit dags. í Skálholti 23. júní 1662.

Jarðabréf þar sem Sölvi Gunnlaugsson seldi Brynjólfi biskup alla jörðina Þorvaldsstaði á Langanesi, 8 hundruð að dýrleika. Á móti seldi Brynjólfur biskup Sölva fjórðungshlut í jörðinni Skjöldólfsstöðum í Jökulsárdal, 5 hundruð að dýrleika. Þar að auki lofaði biskup að útvega Sölva annað hvort 8 hundraða hlut til viðbótar í Skjöldólfsstöðum eða alla jörðina Hjarðarhaga í Jökulsárdal, 10 hundruð að dýrleika. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd biskups. Sjá AM 273 fol., nr. 254. Dags. að Hofteigi í Jökulsárdal 28. mars 1662. Afrit dags. í Skálholti 23. júní 1662.

Jarðabréf þar sem Sigurður Jónsson seldi Brynjólfi biskup alla jörðina Jökulsá á Borgarfirði eystri, 6 hundruð að dýrleika. Á móti seldi Brynjólfur biskup Sigurði 2 hundraða hlut í jörðinni Aragerði á Fáskrúðsfirði. Einnig lofaði biskup að taka son Sigurðar, Gísla Sigurðsson, til skólavistar í Skálholtsskóla um óákveðinn tíma eða þar til pilturinn gæti hlotið prestvígslu. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd biskups. Dags. að Meðalnesi 2. apríl 1662. Afrit dags. í Skálholti 23. júní 1662.

Jarðabréf þar sem Guðrún Árnadóttir seldi Brynjólfi biskup alla jörðina Snjóholt, 6 hundruð að dýrleika. Á móti seldi Brynjólfur biskup Guðrúnu 11 hundraða hlut í jörðinni Stóra Steinsvaði á Útmannasveit eða hlut í annarri jörð ef Guðrún kysi heldur. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd biskups. Dags. að Stóra Sandfelli í Skriðdal 21. janúar 1662. Afrit dags. í Skálholti 23. júní 1662.

Erindrekar Brynjólfs biskups skoða og lýsa húsakosti á jörðinni Þorvaldsstöðum á Langanesi sem Sölvi Gunnlaugsson hafði nýlega selt biskupi. Sjá bréf nr. 41. Dags. að Þorvaldsstöðum á Langanesi 19. apríl 1662. Afrit dags. í Skálholti 23. júní 1662.

Hjalti Jónsson, umboðsmaður jarða Brynjólfs biskups á Austfjörðum, sendir biskupi yfirlit yfir trjá og hvalreka á jörðunum Bakka og Höfn á Langanesi. Dags. 26. apríl 1662. Afrit dags. í Skálholti 23. júní 1662.

Í bréfinu samþykkir Tumi Hallsson sölu föður síns, Halls Björnssonar, á helmingi jarðarinnar Saurstaða í Jökulsárhlíð til Brynjólfs biskups. Sjá AM 273 fol., nr. 46. Dags. á Bakka á Langanesi 26. apríl 1662. Afrit dags. í Skálholti 23. júní 1662.

Hjalti Jónsson, í umboði Brynjólfs biskups, afhenti Tuma Hallssyni 24 ríkisdali og sex nýja katla sem var greiðsla fyrir hálfa jörðina Saurstaði sem Brynjólfur biskup keypti af föður Tuma, Halli Björnssyni. Sjá AM 273 fol., nr. 46. Dags. að Syðri Vík 29. apríl 1662. Afrit dags. í Skálholti 23. júní 1662.

Jón Jónsson sendir Brynjólfi biskup yfirlit yfir trjáreka á jörðinni Vindfelli á Vopnafirði. Bréfið er ódags. Afrit dags. í Skálholti 23. júní 1662.

Bréfið er prentað í bókinni Úr bréfabókum Brynjólfs Sveinssonar. Sjá Jón Helgason (útg.). Úr bréfabókum Brynjólfs Sveinssonar. Safn Fræðafélagsins um Ísland og Íslendinga XII, bls. 138-141. Kaupmannahöfn: Hið íslenzka fræðafélag, 1942.

Erfðaskrá þar sem Brynjólfur biskup skiptir eignum sínum á milli barna sinna, Ragnheiðar og Halldórs, með samþykki eiginkonu sinnar, Margrétar Halldórsdóttur, sem lagði einnig sína fjármuni til skiptanna. Hér er að finna nákvæmt yfirlit yfir eignir biskupshjónanna í Skálholti árið 1662, bæði jarðeignir og lausafé. Dags. í Skálholti 1662.

Henrik Bjelke lénsherra skrifaði bréfið upp eftir konungsbréfinu og sendi það til Brynjólfs biskups. Bréfið er á dönsku. Dags. í Kaupmannahöfn 3. maí 1650. Afrit dags. í Skálholti 25. júní 1662.

Erick Munck kaupmaður á Eyrarbakka staðfestir að hann hafi móttekið rentu Skálholtsstaðar og kirkna Skálholtsumdæmis til Íslenska verslunarfélagsins í Kaupmannahöfn, alls 1892 ríkisdali. Dags. á Eyrarbakka 15. júní 1662. Afrit dags. í Skálholti 27. júní 1662.

Í bréfinu lýsir Brynjólfur biskup yfir að til að minna á “þakklæti við almáttugan Guð fyrir sína náð og þolinmæði og þakklæti” hafi hann ákveðið að gefa alla jörðina Reyni á Akranesi til fátækra ekkna. Afgjalda og aftekta af jörðinni muni njóta “ærleg og guðhrædd, sorgbitin ekkja sem á þrjú skilgetin börn eða þaðan af fleiri”. Veitti biskup sr. Jóni Jónssyni prófasti í Borgarfirði umboð yfir jörðinni og treysti honum til að finna jörðinni góðan ábúanda. Dags. í Skálholti 26. júní 1662.

Bréfið er prentað í bókinni Úr bréfabókum Brynjólfs Sveinssonar. Sjá Jón Helgason (útg.). Úr bréfabókum Brynjólfs Sveinssonar. Safn Fræðafélagsins um Ísland og Íslendinga XII, bls. 141-142. Kaupmannahöfn: Hið íslenzka fræðafélag, 1942.

Brynjólfur biskup afhendir syni sínum, Halldóri Brynjólfssyni, og Bjarna Hallgrímssyni eitt tólfrætt hundrað og 20 ríkisdali. Halldór var á leið til Englands í nám og bað biskup Bjarna Hallgrímsson, sem búsettur var í Yarmouth á Englandi, að vera honum innan handar. Átti Bjarni að annast þessa fjármuni og útdeila þeim til Halldórs “til þarflegra nauðsynja, kosts og klæða og annars nauðsynlegs uppheldis, svo að hann sé vel og ærlega afhaldinn, en þó til einskis óhófs eða þarfleysu”. Lofaði Halldór föður sínum að varast allt óhóf og ofneyslu, drykkjuskap eða skuldasöfnun. Dags. í Skálholti 27. júní 1662.

Brynjólfur biskup greiðir Bjarna Hallgrímssyni 12 ríkisdali fyrir tin sem Bjarni flutti hingað til lands frá Englandi að beiðni biskups. Dags. í Skálholti 27. júní 1662.

Í bréfinu samþykkir Sigríður Sigurðardóttir, eiginkona sr. Magnúsar Péturssonar prófasts í Skaftafellssýslu, sölu á 30 hundraða hlut í jörðinni Holti í Svarfaðardal til Brynjólfs biskups. Sjá AM 273 fol., nr. 293. Dags. 21. júní 1662.

Stefán Einarsson skilar til Brynjólfs biskups reikningi yfir biskupstíundir í Skaftafellssýslu að Múlakvísl sem gjaldast áttu vorið 1662. Dags. í Skálholti 28. júní 1662.

Brynjólfur biskup kvittar fyrir að Stefán Einarsson hafi staðið skil á biskupstíundum í Skaftafellssýslu sem gjaldast áttu vorið 1662.

Brynjólfur biskup kvittar fyrir að Hermann á Iðu hafi afhent honum 2 ríkisdali frá Einari Jónssyni á Núpsstað. Sjá AM 273 fol., nr. 189. Dags. í Skálholti 28. júní 1662.

Í bréfinu staðfestir Brynjólfur biskup að hann hafi meðtekið 24 ríkisdali frá Þorleifi Magnússyni vegna biskupstíunda úr Barðastrandarsýslu. Dags. á Þingvöllum 1. júlí 1662.

Í bréfinu eru fjórar kvittanir Brynjólfs biskups, gerðar á Þingvöllum. Ísleifur Magnússon afhenti 14 ríkisdali sem skyldu vera syni hans til uppihalds í Skálholtsskóla. Eilífur Sveinsson í Galmanstungu afhenti 6 ríkisdali. Sr. Jón Ólafsson afhenti biskupi 10 ríkisdali og 72 álnir vaðmáls í afgjöld af Skálholtsvík og Ámundi Þormóðsson afhenti 22 ríkisdali tveimur sonum sínum til uppihalds í Skálholtsskóla. Dags. á Þingvöllum 30. júní og 1. júlí 1662.

Brynjólfur biskup greiðir sr. Sigurði Oddssyni 60 ríkisdali fyrir kúgildi sem Helga Jónsdóttir átti með jörðinni Hraungerði. Sjá bréf nr. 17, 18 og 27. Dags. á Þingvöllum 1. júlí 1662.

Jón Sigurðsson staðfestir að Brynjólfur biskup hafi greitt sér 16 ríkisdali í lækningarlaun fyrir að græða Jón Gissursson skólapilt í Skálholti og Jón Eiríksson. Einnig lofaði biskup honum tólf fjórðungum smjörs og 6 vættum fiska í viðbótargreiðslu. Sjá AM 273 fol., nr. 259. Dags. í Skálholti 1. júlí 1662.

Á eftir bréfinu er yfirstrikuð staðfesting biskups þess efnis að hann hafi á Þingvöllum greitt Þórði Jónssyni í Hítardal 4 og hálfan ríkisdal í afgjöld af hálfu Kálfafelli í Hornafirði. Ódags.

Verðmat á katli sem Guðmundur Torfason erfði eftir Halldóru Jónsdóttur, tengdamóður Brynjólfs biskups. Var ketillinn metinn á fjögur ærgildi. Dags. í Skálholti 6. júlí 1662.

Jarðabréf þar sem Magnús Kortsson, fyrir hönd erfingja Magnúsar Þorsteinssonar, seldi Brynjólfi biskup alla jörðina Efra Lækjardal, 16 hundruð að dýrleika. Fyrir jörðina greiddi biskup Magnúsi eitt tólfrætt hundrað ríkisdali. Jörðin var seld til skuldalausnar Magnúsar Þorsteinssonar eftir dómi sem dæmdur var á Þjóðólfshaga 1662. Dags. á Þingvöllum 1. júlí 1662.

Sr. Grímur Bergsveinsson staðfestir að Brynjólfur biskup hafi afhent sér 33 ríkisdali en þessa peninga átti sr. Grímur að færa Pétri Þórðarsyni á Innra Hólmi á Akranesi. Dags. á Þingvöllum 2. júlí 1662.

Bréfritari : Þórður Jónsson

Sr. Þórður Jónsson í Hítardal staðfestir að Brynjólfur biskup hafi greitt sér landskuld af 10 hundraða hlut í jörðinni Kálfafelli, alls 3 og hálfan ríkisdal. Einnig greiddi biskup honum einn ríkisdal í landskuld af 6 hundraða hlut í jörðinni Gullberastöðum. Dags. á Þingvöllum 3. júlí 1662.

Sr. Árni Halldórsson kvittar fyrir að Brynjólfur biskup hafi afhent sér gylltan silfurkaleik með ógylltri patínu sem sr. Árni átti að færa sr. Þorleifi Claussyni, presti á Útskálum. Brynjólfur biskup fékk þennan kaleik frá sr. Þorsteini Björnssyni fyrir að taka son hans, Jón Þorsteinsson, til skólavistar í Skálholtsskóla. Kaleikinn keypti svo sr. Þorleifur af biskupi fyrir 30 ríkisdali. Dags. í Skálholti 6. júlí 1662.

Brynjólfur biskup kvittar fyrir að sr. Þorleifur Clausson hafi greitt sér 18 ríkisdali, einn krossdal og einn sléttan dal vegna fisks sem aflaðist við útróðra frá Garði veturinn áður. Dags. í Skálholti 6. júlí 1662.

Þorvarður Magnússon sendir Brynjólfi biskup yfirlit yfir hluti sem hann fékk afhenta í vertíðarlok frá Ásgeiri Arnoddarsyni og tilheyrðu skipi biskups á Skaga, meðal annars árar, reipi, segl, austurtrog og fleira. Dags. á Skipaskaga 25. júní 1662. Afrit dags. í Skálholti 6. júlí 1662.

Í bréfinu lofar Brandur Árnason að selja Brynjólfi biskup jörðina Skálanes á Seyðisfirði fyrir það verð sem þeir yrðu ásáttir um. Dags. að Meðalnesi 3. maí 1662.

Bréfið er nr. 70A í handritinu.

Bréfið er frumbréf í brotinu 4to.

Blað 63v er autt.

Hjalti Jónsson, umboðsmaður jarða Brynjólfs biskups á Austfjörðum, greiðir Sigurði Björnssyni fyrir andvirði jarðarinnar Hjarðarhaga sem Brynjólfur biskup keypti af honum. Dags. að Meðalnesi 21. júní 1663.

Bréfið er nr. 71A í handritinu.

Bréfið er frumbréf með eiginhandar undirskriftum í brotinu 4to., samfast við bréf nr. 70A.

Á blaði 64v er aðeins utanáskrift bréfs nr. 70A: Lögveð biskupsins í Skálanesi í Seyðarfirði af Brandi Árnasyni. Anno 1663.

Í bréfinu samþykkir sr. Þorleifur Clausson sættargjörðina sem fram fór á milli Brynjólfs biskups og sr. Halldórs og sr. Jóns Daðasona vegna legorðsmáls Daða Halldórssonar við Ragnheiði Brynjólfsdóttur. Þorleifur var giftur Sigríði, dóttur sr. Halldórs Daðasonar. Sjá AM 273 fol., nr. 296. Dags. í Skálholti 3. júlí 1662. Afrit dags. í Skálholti 7. júlí 1662.

Sr. Þorleifur Clausson afhendir Brynjólfi biskup reikning yfir smjör og fisk Skálholtsstaðar í Garði fyrir árin 1661 og 1662. Dags. 4. júlí 1662. Afrit dags. í Skálholti 7. júlí 1662.

Sigurður Björnsson kvittar fyrir að Hjalti Jónsson, fyrir hönd Brynjólfs biskups, hafi greitt sér í lausafé andvirði hálfrar jarðarinnar Hjarðarhaga. Dags. að Meðalnesi 23. júní 1661. Afrit dags. í Skálholti 7. júní 1662.

Tveir erindrekar Brynjólfs biskups skoða ástand bæjarhúsanna á jörðinni Brúnavík á Borgarfirði eystri. Dags. í Brúnavík 20. apríl 1662. Afrit dags. í Skálholti 7. júní 1662.

Fimm erindrekar Brynjólfs biskups skoða ástand bæjarhúsanna á jörðinni Snotrunesi á Borgarfirði eystri. Dags. á Snotrunesi 28. maí 1662. Afrit dags. í Skálholti 7. júlí 1662.

Sjö erindrekar Brynjólfs biskups skoða ástand bæjarhúsanna á jörðinni Hvoli á Austfjörðum. Dags. á Hvoli 25. maí 1662. Afrit dags. í Skálholti 7. júlí 1662.

Yfirlit yfir trjáreka á jörðinni Brúnavík á Borgarfirði eystri veturinn 1661-1662. Dags. 20. apríl 1662. Afrit dags. í Skálholti 7. júlí 1662.

Jóhann Klein umboðsmaður á Bessastöðum kvittar fyrir að Hjalti Jónsson hafi greitt afgjöld af lénsjörðum sínum á Austfjörðum, frá fardögum 1661 til fardaga 1662, alls 8 ríkisdali. Bréfið er á dönsku. Dags. á Þingvöllum 29. júní 1662. Afrit dags. í Skálholti 8. júlí 1662.

Jóhann Klein umboðsmaður á Bessastöðum kvittar fyrir að Halldór Brynjólfsson hafi greitt afgjöld af lénsjörðum sem hann hafði umboð yfir á Austfjörðum, frá fardögum 1661 til fardaga 1662, alls 13 ríkisdali. Bréfið er á dönsku. Dags. á Þingvöllum 29. júní 1662. Afrit dags. í Skálholti 8. júlí 1662.

Brynjólfur biskup afhenti Jóni Einarssyni 6 ríkisdali og bað hann að koma þeim til Péturs Þórðarsonar á Innra Hólmi á Akranesi. Dags. í Skálholti 14. júlí 1662.

Jón Eiríksson meðkennir að hann skuldi Brynjólfi biskup eitt hundrað. Skuldin var þannig tilkomin að Brynjólfur biskup hafði greitt Jóni Sigurðssyni að Káranesi í Kjós lækniskostnað Jóns Eiríkssonar. Lofaði Jón að greiða biskupi eitt hundrað fyrir sumarlok, í góðum og gildum landaurum. Sjá bréf nr. 62. Dags. í Skálholti 10. júlí 1662.

Sigmundur Jónsson sendir Brynjólfi biskup reikning yfir meðtekin smjörgjöld af Herdísarvíkurbúi. Dags. í Skálholti 10. júlí 1662.

Bréfið er óheilt. Neðri hluti blaðsins er rifinn.

Bréf nr. 84 vantar. Það er ekki nefnt í registri bókarinnar.

Bréf nr. 85 vantar. Skv. registri bókarinnar var titill þess: Reikningur Árna Pálssonar á Staðarfiski fluttum á Eyrarbakka og innsettum í Staðarhúsið.

Brynjólfur biskup skrifar meðmælabréf til Kaupmannahafnarháskóla fyrir Guðbrand Jónsson stúdent úr Skálholtsskóla. Bréfið er á latínu. Dags. á Þingvöllum 3. júlí 1662.

Fyrri hluta bréfsins vantar. Titill er skrifaður eftir registri bókarinnar.

Blað 74r er óheilt, innri jaðar blaðsins er rifinn en hefur verið viðgerður með óskrifuðu blaði.

Í bréfinu greiðir Brynjólfur biskup Magnúsi Kortssyni eitt tólfrætt hundrað ríkisdali (120 ríkisdali) sem var andvirði jarðarinnar Efra Lækjardals. Magnús Kortsson seldi biskupi jörðina á Þingvöllum sumarið 1662 til skuldalausnar barna Magnúsar heitins Þorsteinssonar, sýslumanns og umboðsmanns Skammbeinsstaðaumboðs, en Magnús Kortsson var tengdasonur Magnúsar Þorsteinssonar. Sjá bréf nr. 64. Bréfið er ódags.

Síðari hluta bréfsins vantar.

Bréf nr. 88 vantar. Skv. registri bókarinnar var titill þess: Ingibjargar Jónsdóttur uppgjöf á 5 hundruðum í Vatnsenda í Ólafsfirði Árna Jónssyni til handa.

Bréf nr. 89 vantar. Skv. registri bókarinnar var titill þess: Commendatia Árna Jónssonar til Kaupenhafnar.

Bréf nr. 90 vantar. Skv. registri bókarinnar var titill þess: Sendibréf biskupinum tilskrifað af herra Henrik Bielke um kóngs erindi.

Bréf nr. 91 vantar. Skv. registri bókarinnar var titill þess: Sendibréf biskupsins M. Brynjólfs Sveinssonar til prófasta og presta um fríheit Jóns Þórarinssonar.

Bréf nr. 92 vantar. Skv. registri bókarinnar var titill þess: Sendibréf biskupsins M. Brynjólfs Sveinssonar til Staðarlandseta í Flóa um leignaskilun á Eyrarbakka.

Afrit af gjafabréfi sem gert var að Miðfelli í Hrunamannahreppi föstudaginn eftir uppstigningardag árið 1577. Bréfið er próventugjörningur þar sem Guðrún Jónsdóttir gaf Guðrúnu Gísladóttur 10 hundraða hlut í jörðinni Geldingaholti og 6 málnytukúgildi sér til framfæris. Bréfið er skrifað í Skálholti tveimur árum síðar en þá var Guðrún Jónsdóttir látin. Sjá bréf nr. 101 og 102. Dags. í Skálholti 5. apríl 1579. Afrit dags. í Skálholti 1662.

Fyrri hluta bréfsins vantar. Titill bréfsins er skrifaður eftir registri bókarinnar.

Sendibréf Brynjólfs biskups til sr. Sigurðar Oddssonar að Stafholti, prófasts í Borgarfirði og annarra sóknarpresta í Borgarfirði og Snæfellssýslu. Á Alþingi sumarið 1662 meðtók Brynjólfur biskup bréf frá sr. Halldóri Jónssyni á Ölvastöðum þar sem hann segist engin viðbrögð hafa fengið frá prestunum í Borgarfirði og Snæfellssýslu við ósk sinni um fjárhagsaðstoð. Biskup er undrandi á að prestarnir tregist við að veita "þetta lögboðið ölmusuverk" og ítrekar skyldu prestanna til að aðstoða sr. Halldór. Sjá AM 273 fol., nr. 287. Dags. í Skálholti 20. júlí 1662.

Sendibréf Brynjólfs biskups til sr. Halldórs Daðasonar í Hruna. Þar tjáir biskup sr. Halldóri að hann hafi sent sr. Árna Halldórsson, prest í Skálholti og son sr. Halldórs, til Hruna til að vera föður sínum til aðstoðar í hans "aldurdómi og veikleika". Daði Halldórsson hafði verið vígður aðstoðarprestur hjá föður sínum í Hruna en missti embættið er upp komst um samband hans við Ragnheiði Brynjólfsdóttur. Segir biskup að sr. Árni hverfi frá Skálholti með sínum vilja og þeirra beggja samþykki. Dags. í Skálholti 21. júlí 1662.

Bréf nr. 96 vantar. Skv. registri bókarinnar var titill þess: Arfahyllingareiður Íslands.

Bréf nr. 97 vantar. Skv. registri bókarinnar var titill þess: Islands obligatia og supplicatia.

Bænaskrá presta til konungs skrifuð fyrir Kópavogsfundinn árið 1662 í tilefni af einveldisskuldbindingu Íslands. Í bókinni er einungis niðurlag bréfsins þar sem segir að afrit bænaskrárinnar sé rétt uppskrifað eftir frumbréfinu. Dags. í Skálholti 3. ágúst 1662.

Fyrri hluta bréfsins vantar. Titill bréfsins er skrifaður eftir registri bókarinnar.

Blað 77v er autt.

Í bréfinu afturkallar sr. Þórður Sveinsson opinberlega öll ummæli sem hann hefur uppi haft um Brynjólf biskup, í ræðu, bréfum eða öðru skrifi og biður biskup að fyrirgefa sér og styrkja til betri hegðunar. Dags. í Kópavogi 30. júlí 1662. Afrit dags. í Skálholti 3. ágúst 1662.

Afrit af jarðabréfi frá árinu 1563 þar sem hjónin Magnús Jónsson og Guðrún Jónsdóttir seldu Gísla Sveinssyni hálfa jörðina Geldingaholt í Eystri hrepp fyrir 12 hundruð í lausafé. Dags. á jólaföstu 1563. Afrit dags. í Skálholti 21. október 1662.

Afrit af vitnisburði sem gerður var á Miðfelli 4. dag páska 1577. Í bréfinu lýsti Gísli Sveinsson yfir að Guðrún Jónsdóttir skyldi hafa 10 hundraða hlut úr jörðinni Geldingaholti til framfæris eftir sinn dag, auk 6 kúgilda. Skyldi Guðrún ákveða hvort hún vildi búa hjá einhverju barna sinna eða hjá Guðrúnu Gísladóttur sem var eiginkona Gísla Sveinssonar. Bréfið var skrifað í Skálholti tveimur árum síðar en þá var Gísli látinn. Sjá bréf nr. 93. Dags. í Skálholti 7. mars 1579. Afrit dags. í Skálholti 21. október 1662.

Afrit af dómi frá árinu 1583 sem kveðinn var upp á þingi að Gröf í Hrunamannahreppi. Dómurinn kveður upp úr um ágreining á milli sr. Guðmundar Gíslasonar og Stefáns Gunnarssonar um réttmætan eiganda hálfrar jarðarinnar Geldingaholts. Samkvæmt dóminum taldist jörðin réttmæt eign erfingja Guðrúnar heitinnar Gísladóttur því Guðrún Jónsdóttir kaus sér búsetu hjá henni. Sjá bréf nr. 93 og 101. Dags. í Skálholti 7. júní 1583. Afrit dags. í Skálholti 21. október 1662.

Blað 81r er autt.

Kaupmálabréf hjónaefnanna Halldórs Einarssonar, yfirbryta í Skálholti, og Hallberu Magnúsdóttur samþykkt í Skálholti af Brynjólfi biskup og foreldrum verðandi brúðhjóna í viðurvist fimm trúlofunarvotta. Voru þau síðan gefin saman í hjónaband 29. september 1662. Dags. í Skálholti 24. ágúst 1662 og 29. september 1662.

Brynjólfur biskup veitir Birni Þorvaldssyni ábýli og öll byggingarráð á dómkirkjujörðinni Vindási á Landi. Dags. í Skálholti 23. september 1662.

Pétur Þórðarson staðfestir að hann hafi móttekið 6 ríkisdali frá Brynjólfi biskup. Sjá bréf nr. 81. Dags. á Innra Hólmi á Akranesi 24. september 1662. Afrit dags. í Skálholti 14. október 1662.

Brynjólfur biskup greiðir Erlendi Þorsteinssyni smið kaup fyrir smíðavinnu sína á Vatnsendagrund frá haustinu 1661 til 24. október 1662. Á þeim tíma smíðaði Erlendur meðal annars predikunarstól, altari, krosshús og skemmu og annaðist viðarflutninga frá Hvalfirði til Vatnsendagrundar. Dags. í Skálholti 24. og 25. september 1662.

Bréfið er nr. 106A í handritinu.

Jarðabréf þar sem Pétur Þórðarson seldi Brynjólfi biskup 5 hundraða hlut í jörðinni Skipaskaga á Akranesi. Fyrir þennan jarðarhlut greiddi biskup Pétri 36 ríkisdali og 16 vættir fiska. Samninginn gerði Oddur Eyjólfsson, skólameistari í Skálholti, í umboði Brynjólfs biskups. Dags. að Innra Hólmi á Akranesi 24. september 1662.

Undir fyrirsögn bréfs nr. 107 heldur bréf nr. 106B áfram. Bréf nr. 107 hefst á blaði 85r.

Reikningur yfir greiðslur Brynjólfs biskups til Þórólfs Guðmundssonar vegna kaupa biskups á jörðinni Syðri Gröf í Flóa árið 1659. Jarðabréfið er í AM 272 fol., nr. 233. Sjá einnig AM 273 fol., nr. 54 og 94. Bréfið er ódags.

Blað 86v er autt.

Jarðabréf þar sem Brynjólfur biskup seldi Bjarna Eiríkssyni, ráðsmanni Skálholtsstaðar, fjórar jarðir eða jarðarhluta. Þetta voru öll jörðin Hörgsholt í Hrunamannahrepp, 30 hundruð að dýrleika, hálf jörðin Geldingaholt í Eystri hrepp, 10 hundruð að dýrleika og öll jörðin Kvísker í Öræfum, 6 hundruð að dýrleika. Í skiptum fyrir þessar fjórar jarðir seldi Bjarni Eiríksson Brynjólfi biskup alla jörðina Ás í Fellum á Fljótsdalshéraði, 30 hundruð að dýrleika. Kaupunum fylgdu einnig jarðir Áskirkju sem voru Fjallsel, 6 hundruð að dýrleika, Kross, 6 hundruð að dýrleika og Hafrafell, 18 hundruð að dýrleika. Dags. í Skálholti 7. október 1662.

Í bréfinu selur Brynjólfur biskup Bjarna Eiríkssyni innistæðukúgildi með jörðunum Hörgsholti, Skáldabúðum, Kvískerjum og Geldingaholti í skiptum fyrir kúgildi jarðarinnar Áss í Fellum. Dags. í Skálholti 7. október 1662.

Brynjólfur biskup vígir Benedikt Pétursson til aðstoðarprests hjá sr. Auðunni Jónssyni, sóknarpresti að Hesti í Borgarfirði. Sr. Auðunn óskaði eftir aðstoðarpresti "sökum elli sinnar, veikrar sjónar, líkamsþunga og veikleika torfæruvega milli kirknanna og í sóknirnar, mannfjölda og annars þess háttar". Var Benedikt prestvígður í Skálholtsdómkirkju sunnudaginn 12. október 1662. Dags. í Skálholti 13. október 1662.

Brynjólfur biskup birtir og auglýsir fyrir Árna Pálssyni lögréttumanni dóm sem gengið hafði á manntalsþingi að Bakkárholti 3. maí 1662 um lögmæti sölu Árna Pálssonar á jörðinni Bakkárholti til Hákonar Bjarnasonar og sr. Jóns Daðasonar. Aðkoma biskupsins að þessu máli varðaði engisítak dómkirkjujarðarinnar Gljúfurs í Ölfusi í landi Bakkárholts. Samkvæmt jarðabréfinu myndi Skálholtsdómkirkja missa þetta ítak. Afráðið var að útkljá málið á næsta Öxarárþingi, sumarið 1663. Dags. í Skálholti 13. október 1662.

Reikningur Árna Pálssonar lögréttumanns í Þorlákshöfn sendur Brynjólfi biskup. Dags. í Skálholti 13. október 1662.

Bréfritari : Magnús Pétursson

Í bréfinu segir sr. Magnús Pétursson, prófastur í Skaftafellssýslu, að Guðný Pálsdóttir hafi afhent sér bækur að andvirði 6 ríkisdala. Biður sr. Magnús Brynjólf biskup að greiða Guðnýju verð bókanna, fyrir sína hönd. Dags. 18. september 1662. Afrit dags. í Skálholti 14. október 1662.

Afrit af jarðabréfi frá árinu 1626 þar sem herra Oddur Einarsson Skálholtsbiskup seldi sr. Bjarna Ormssyni jörðina Jökulsá á Borgarfirði eystri, 6 hundruð að dýrleika. Á móti seldi sr. Bjarni herra Oddi 5 hundraða hlut í jörðinni Möðruvöllum í Kjós auk 8 ríkisdala í lausafé. Í bréfinu er lýsing á jörðinni Jökulsá og lengd Jökulsársands. Sigurður Jónsson á Egilsstöðum sendi Brynjólfi biskup jarðabréfið, ásamt sendibréfi. Sjá bréf nr. 116. Dags. í Skálholti 2. júlí 1626. Afrit dags. í Skálholti 14. október 1662.

Sendibréf Sigurðar Jónssonar á Egilsstöðum til Brynjólfs biskups. Þar segir Sigurður að hann hafi aldrei fengið í hendur bréflega lýsingu á landamerkjum jarðarinnar Jökulsár á Borgarfirði eystri og ekki sé víst hvort Jökulsársandur tilheyri jörðinni Jökulsá eða jörðinni Bakka. Í bréfinu lýsir Sigurður landamerkjum jarðarinnar eins og hann telur þau rétt vera. Dags. á Egilsstöðum 15. september 1662. Afrit dags. í Skálholti 15. október 1662.

Brot úr sendibréfi Einars Magnússonar lögréttumanns í Njarðvík á Borgarfirði eystri til Brynjólfs biskups þar sem hann lýsir staðháttum og næstu jörðum við Jökulsá á Borgarfirði eystri. Með bréfinu fylgdi lýsing Einars á landamerkjum jarðanna Jökulsár og Hvols. Sjá bréf nr. 118 og 119. Dags. í Njarðvík á Borgarfirði eystri 7. september 1662. Afrit dags. í Skálholti 15. október 1662.

Í bréfinu lýsir Einar Magnússon lögréttumaður í Njarðvík á Borgarfirði eystri landamerkjum jarðarinnar Jökulsár á Borgarfirði eystri. Dags. í Njarðvík á Borgarfirði eystri 6. september 1662. Afrit dags. í Skálholti 15. október 1662.

Í bréfinu lýsir Einar Magnússon lögréttumaður í Njarðvík á Borgarfirði eystri landamerkjum jarðarinnar Hvols á Borgarfirði eystri. Dags. í Njarðvík á Borgarfirði eystri 6. september 1662. Afrit dags. í Skálholti 16. október 1662.

Þann 15. ágúst 1662 seldi Gissur Pálsson Brynjólfi biskup þriðjungshlut í jörðinni Berufirði fyrir aðra ónefnda fastaeign. Nú var Gissur kominn til Skálholts og óskaði eftir að fá til eignar jarðarhlut á Austfjörðum en ekki annars staðar á landinu. Biskup gat ekki svarað þessari beiðni Gissurar að svo stöddu en á meðan ekki finndist jarðarhlutur við hæfi þá skyldi Gissur njóta allra afgjalda af jörðinni Berufirði. Dags. í Skálholti 17. október 1662.

Brynjólfur biskup vígir Illuga Vigfússon til aðstoðarprests hjá föður sínum, sr. Vigfúsi Illugasyni sóknarpresti á Setbergi í Eyrarsveit. Var Illugi prestvígður í dómkirkjunni í Skálholti 19. október 1662 sem var 21. sunnudagur eftir trinitatis. Dags. í Skálholti 19. október 1662.

Í bréfinu lofar Gissur Pálsson, fyrir hönd systra sinna Guðrúnar og Guðrúnar Pálsdætra, að selja Brynjólfi biskup 9 hundraða hlut í jörðinni Berufirði, en systurnar voru eigendur þessa jarðarhluta. Dags. í Skálholti 20. október 1662. Afrit dags. í Skálholti 20. október 1662.

Bréfritari : Bjarni Eiríksson

Sendibréf Bjarna Eiríkssonar til Brynjólfs biskups en meðfylgjandi bréfinu voru gjörningsbréf varðandi jörðina Ás í Fellum, Hafrafell í Fellum og Torfuland sem var eign Áskirkju. Jarðabréf þar sem Brynjólfur biskup keypti af Bjarna Eiríkssyni jörðina Ás í Fellum með Hafrafelli og Torfulandi, sjá bréf nr. 109. Gjörningsbréfin sem fylgdu sendibréfinu, sjá bréf nr. 124-126. Dags. að Oddgeirshólum 22. október 1662. Afrit dags. í Skálholti 26. október 1662.

Afrit af jarðabréfi frá árinu 1566 þar sem Eiríkur Snjólfsson seldi eiginkonu sinni, Þuríði Þorleifsdóttur, jörðina Ás í Fellum. Með Ási fylgdu jarðirnar Hafrafell, Kross og Fjallsel en þær voru eign kirkjunnar að Ási. Dags. föstudaginn fyrir Pálsmessu um veturinn 1566. Afrit dags. í Skálholti 27. október 1662.

Vitnisburðarbréf þar sem Bjarni Snjólfsson, Hjalti Jónsson, Stefán Jónsson og Grímur Jónsson lýsa yfir að jörðin Hafrafell sé eign kirkjunnar að Ási. Staðfestu þeir að dómur hafi gengið um réttmæti jarðabréfs Eiríks Snjólfssonar og Þuríðar Þorleifsdóttur og þar hafi eignarhald Áskirkju á jörðunum Hafrafelli, Krossi og Fjallseli verið staðfest. Dags. að Ási í Fellum 17. september 1654. Afrit dags. í Skálholti 27. október 1662.

Einar Magnússon, lögréttumaður í Njarðvík á Borgarfirði eystri, staðfestir að dómur hafi gengið á þriggja hreppa þingi að Egilsstöðum um réttmæti jarðabréfs þar sem Eiríkur Snjólfsson seldi eiginkonu sinni, Þuríði Þorleifsdóttur, jörðina Ás í Fellum. Niðurstaða dómsins var sú að jarðirnar Torfuland, Hafrafell, Kross og Fjallsel væru eign Áskirkju í Fellum. Dags. að Ási í Fellum 16. september 1654. Afrit dags. í Skálholti 27. október 1662.

Máldagi kirkjunnar að Ási í Fellum á Fljótsdalshéraði skrifaður upp eftir Vísitasíubók Vilkins biskups, en bókin var geymd í Skálholti. Dags. í Skálholti 27. október 1662.

Máldagi kirkjunnar að Ási í Fellum á Fljótsdalshéraði frá árinu 1576, skrifaður upp eftir Vísitasíubók herra Gísla Jónssonar Skálholtsbiskups. Dags. í Skálholti 27. október 1662.

Brynjólfur biskup veitir Birni Halldórssyni ábýli á dómkirkjujörðinni Auðsholti í Ölfusi, frá næstu fardögum og til frambúðar "á meðan hann heldur og uppfyllir kong majestatis bréf, recess og önnur mandata sem út eru gefin um jarðanna ábúð". Í bréfinu er nákvæm útlistun á skyldum landseta á jörðum dómkirkjunnar í Skálholti. Dags. í Skálholti 8. nóvember 1662.

Afrit af jarðabréfi frá árinu 1654 þar sem Árni Pálsson, lögréttumaður í Þorlákshöfn, seldi Hákoni Bjarnasyni jörðina Bakkárholt í Ölfusi, 23 hundruð að dýrleika. Í staðinn fékk Árni þrjá jarðarhluta frá Hákoni: 10 hundraða hlut í Hömrum í Holtum, hálfan Útskálahamar í Kjós, 8 hundruð að dýrleika og Gautastaði í Fljótum, 20 hundruð að dýrleika. Jörðina Bakkárholt seldi Hákon Bjarnason síðan strax til sr. Jóns Daðasonar. Dags. að Bakkárholti í Ölfusi 11. maí 1654. Afrit dags. í Skálholti 8. nóvember 1662.

Jarðabréf þar sem Narfi Einarsson seldi Brynjólfi biskup eitt hundrað og 80 álna hlut í jörðinni Gröf í Grímsnesi, en Narfi hafði áður selt biskupi jafnstóran hlut í jörðinni. Fyrir þennan jarðarpart greiddi biskup Narfa 3 hundruð og 100 álnir í lausafé. Dags. í Skálholti 9. nóvember 1662.

Brynjólfur biskup veitir Narfa Einarssyni ábýli á dómkirkjujörðinni Efstadal í Grímsnesi svo lengi sem þeim báðum um semst. Í bréfinu er lýst skyldum Narfa sem landseta á jörð Skálholtsdómkirkju. Dags. í Skálholti 9. nóvember 1662.

Afrit af gömlu jarðakaupabréfi frá árinu 1463, skrifað upp eftir máldagabók Skálholtskirkju. Þar seldi Magnús Árnason Þorgils Finnbogasyni jörðina Ás í Fellum á Fljótsdalshéraði í skiptum fyrir alla jörðina Ljótsstaði á Vopnafirði og hálfa jörðina Breiðumýri í Þistilfirði. Í bréfinu er lýsing á landamerkjum jarðarinnar Áss auk útlistunar á hlunnindum hennar. Dags. að Ási í Fellum þriðja dag hinn næsta fyrir Festum Mathei apostoli et Evangelistæ 1463. Afrit dags. í Skálholti 11. nóvember 1662.

Afrit af bréfi frá árinu 1592 úr máldagabók Skálholtskirkju. Í bréfinu er yfirlýsing Þuríðar Þorleifsdóttur þess efnis að kirkjan að Ási í Fellum eigi jarðirnar Hafrafell, 9 hundruð að dýrleika, Kross, 6 hundruð að dýrleika, Fjallsel auk 12 hundraða í fríðum og ófríðum peningum. Sjá bréf nr. 124. Dags. á Skeggjastöðum 14. júní 1592. Afrit dags. í Skálholti 13. nóvember 1662.

Magnús Kortsson skilar til Brynjólfs biskups reikningi yfir meðteknar biskupstíundir úr Rangárvallasýslu sem gjaldast áttu vorið 1662. Dags. í Skálholti 13. nóvember 1662.

Brynjólfur biskup kvittar fyrir að Magnús Kortsson hafi skilað reikningi yfir meðteknar biskupstíundir úr Rangárvallasýslu auk reiknings yfir vorgjöld af jörðum dómkirkjunnar í Skammbeinsstaðaumboði frá fardögum 1661 til fardaga 1662. Dags. í Skálholti 13. nóvember 1662.

Magnús Einarsson að Gröf í Grímsnesi samþykkir sölu systkina sinna, Narfa og Guðrúnar, á þeirra hlutum í jörðinni Gröf til Brynjólfs biskups. Einnig lofaði Magnús að selja Brynjólfi biskup fyrstum manna sinn hlut í jörðinni, ef til þess kæmi að hann vildi eða þyrfti að selja. Sjá AM 273 fol., nr. 160 og 213 og AM 274 fol., nr. 131. Dags. í Skálholti 17. nóvember 1662.

Bréfið er prentað í bókinni Úr bréfabókum Brynjólfs Sveinssonar. Sjá Jón Helgason (útg.). Úr bréfabókum Brynjólfs Sveinssonar. Safn Fræðafélagsins um Ísland og Íslendinga XII, bls. 153. Kaupmannahöfn: Hið íslenzka fræðafélag, 1942.

Sr. Árni Halldórsson kvittar fyrir að hafa móttekið full laun fyrir starf sitt sem kirkjuprestur í Skálholti. Sr. Árni hvarf nú frá Skálholti til að gerast aðstoðarprestur föður síns í Hruna, sr. Halldórs Daðasonar. Sjá bréf nr. 95. Dags. í Skálholti 26. nóvember 1662.

Páll Gíslason lögréttumaður á Hvanneyri kvittar fyrir að Brynjólfur biskup hafi að fullu greitt sér andvirði hálfrar jarðarinnar Brúsholts í Borgarfirði. Sjá jarðabréfið í AM 273 fol., nr. 174. Dags. á Hvanneyri í Borgarfirði 9. nóvember 1662. Afrit dags. í Skálholti 4. desember 1662.

Brynjólfur biskup kvittar fyrir að Þorvarður Magnússon hafi staðið full skil á afgjöldum í Heynessumboði auk inntekta og úttekta í sjávarútvegsumboðinu í Hvalfirði og á Akranesi. Dags. í Skálholti 5. desember 1662.

Jarðabréf þar sem Sigurður Jónsson seldi Brynjólfi biskup fjórðungshlut í jörðinni Hólum í Hvammssveit, 4 hundruð að dýrleika. Samningurinn var gerður með samþykki eiginkonu Sigurðar, Guðnýjar Þórðardóttur, en hún var eigandi þessa jarðarhluta. Í staðinn fengu þau hjónin óákveðinn 4 hundraða jarðarhlut á Suðurlandi. Einnig lofaði biskup þeim góðri jörð til ábýlis. Samninginn gerði Þorvarður Magnússon í umboði biskups. Dags. á Miðsandi á Hvalfjarðarströnd 29. nóvember 1662. Afrit dags. í Skálholti 7. desember 1662.

Ekkert blað nr. 112.

Bréfritari : Bjarni Oddsson

Viðtakandi : Bjarni Eiríksson

Brot úr sendibréfi sem Bjarni Oddsson skrifaði Bjarna Eiríkssyni árið 1659 þar sem hann samþykkir að selja honum hálfa jörðina Hafrafell í Fellum. Dags. 2. dag páska 1659. Afrit dags. í Skálholti 16. desember 1662.

Bréfritari : Bjarni Oddsson

Viðtakandi : Bjarni Eiríksson

Brot úr sendibréfi sem Bjarni Oddsson skrifaði Bjarna Eiríkssyni árið 1659 þar sem hann samþykkir að selja honum hálfa jörðina Hafrafell í Fellum. Dags. sunnudaginn fyrsta í vetri 1659. Afrit dags. í Skálholti 16. desember 1662.

Brynjólfur biskup afhendir Þórði Jónssyni 10 ríkisdali en þá átti hann að færa Páli Gíslasyni lögréttumanni á Hvanneyri til láns frá biskupi. Dags. í Skálholti 14. desember 1662.

Reikningur yfir landskuld og leigur jarðarinnar Áss í Fellum og af jörðum Áskirkju, gerður af Bjarna Eiríkssyni. Bréfið er ódags.

Jón Ásmundsson sendir Brynjólfi biskup reikning yfir meðteknar biskupstíundir í Árnessýslu sem gjaldast áttu árið 1662. Bréfið er ódags.

Brynjólfur biskup staðfestir að Jón Ásmundsson hafi staðið skil á afgjöldum í Hamraumboði og biskupstíundaumboði í Árnessýslu. Dags. í Skálholti 19. janúar 1663.

Jarðabréf þar sem Guðmundur Jónsson seldi Brynjólfi biskup 11 aura og tveggja álna hlut í jörðinni Gröf í Grímsnesi. Salan var gerð með samþykki eiginkonu Guðmundar, Guðrúnar Einarsdóttur, en hún var eigandi þessa jarðarhluta. Greiddi biskup þeim hjónum fyrir 2 hundruð og 19 álnir í lausafé. Dags. í Skálholti 29. janúar 1663.

Brynjólfur biskup skrifar meðmælabréf fyrir Guðmund Herjólfsson. Bréfið er á latínu. Dags. í Skálholti 9. febrúar 1663.

Brynjólfur biskup veitir Magnúsi Árnasyni ábýli á dómkirkjujörðinni Ferju í Flóa. Magnús hafði verið ábúandi á dómkirkjujörðinni Sólheimum í Ytra hrepp frá árinu 1655 en kaus nú, að eigin ósk, ábýli á jörðinni Ferju í staðinn. Í bréfinu er að finna skilmála ábúðar hans á jörðinni. Þar á meðal það skilyrði að hann haldi við tollferjunni yfir Ölfusá "svo hún jafnan sé til reiðu ferðug og gagnleg öllum flytjandi og ferjandi mönnum eftir máldaga þeim sem þar um er gjörður að fornu og nefndur er máldagi að Á í Vilkins máldaga". Dags. í Skálholti 9. mars 1663.

Árni Pálsson lögréttumaður í Þorlákshöfn sendi Brynjólfi biskup tóbak og við vigtun reyndist það vera 7 merkur. Var það fært til geymslu í brytaskemmunni í Skálholti. Dags. í Skálholti 12. febrúar 1663.

Máldagi Áskirkju í Fellum á Fljótsdalshéraði tekinn saman eftir hinum ýmsu heimildum sem finna mátti í Skálholti, máldagabókum, registrum Skálholtskirkju frá fyrri biskupum, bréfabókum Skálholtsbiskupa frá fyrri tíð og jarðabréfum frá mismunandi tímum. Dags. í Skálholti 19. febrúar 1663.

Bréfið er yfirstrikað í handritinu.

Brynjólfur biskup veitir Þormóði Einarssyni ábýli á dómkirkjujörðinni Súluholti í Flóa, svo lengi sem hann kýs og ekkja hans eftir hans dag. Í bréfinu er útlistun á skyldum Þormóðs sem leiguliða á jörð Skálholtsdómkirkju. Dags. í Skálholti 18. febrúar 1663.

Afrit af dómi sem kveðinn var upp á þriggja hreppa þingi á Egilsstöðum á Héraði árið 1641 þess efnis að Torfuland sé eign Áskirkju í Fellum á Fljótsdalshéraði. Dags. á Egilsstöðum á Héraði 14. október 1641. Afrit dags. í Kirkjubæ á Síðu 17. febrúar 1651 og í Skálholti 15. febrúar 1663.

Afrit af tveimur gjörningsbréfum sem vörðuðu jörðina Ás í Fellum á Fljótsdalshéraði. Fyrra bréfið er samningur sem gerður var árið 1654 á milli Bjarna Eiríkssonar og Bjarna Snjólfssonar til að leysa ágreining um eignarlönd jarðanna Fjallsels, sem var eign Áskirkju í Fellum, og Staffells. Hluti jarðarinnar Fjallsels var innan landamerkja jarðarinnar Staffells og virtist þeim skýringin vera sú að í upphafi hafi einn eigandi verið að báðum jörðunum. Fólst í samkomulaginu að öll lönd jarðanna tveggja, "fyrir utan vanalegar töður og engjar", yrðu sameiginleg eign Fjallsels og Staffells. Dags. að Ási í Fellum 19. september 1654. Seinna bréfið er lögfesta Bjarna Snjólfssonar þar sem hann lýsti opinberlega yfir að jörðin Staffell í Fellum sé eign sín og sinna erfingja, innan þeirra landamerkja sem lýst er í bréfinu. Í lögfestunni var tekið fram að hluti jarðarmagnsins sé sameign Staffells og Fjallsels. Dags. að Ási í Fellum 4. maí 1656. Afrit beggja bréfanna dags. í Skálholti 15. febrúar 1663.

Í bréfinu samþykkir Sigríður Bjarnadóttir sölu eiginmanns síns, Bjarna Eiríkssonar, á jörðinni Ási í Fellum til Brynjólfs biskups en jörðin var eign Sigríðar. Sölunni fylgdi það skilyrði að þau hjónin fengju öll byggingarumráð á dómkirkjujörðinni Þorlákshöfn, hvort sem þau kysu að búa þar sjálf eða leigja hana öðrum. Sjá jarðabréfið, bréf nr. 109. Dags. að Oddgeirshólum í Flóa 5. desember 1662. Afrit dags. í Skálholti 15. febrúar 1663.

Brynjólfur biskup svarar sendibréfi sem Matthías Guðmundsson sýslumaður í Snæfellssýslu sendi honum, en Jón Þórarinsson afhenti bréfið í Skálholti. Í bréfinu biðlaði Matthías til biskups að veita Jóni Þórarinssyni aflausn kristilegrar kirkju. Biskup sendi Jón til baka með bréf til presta Snæfellssýslu. Sjá bréf nr. 158. Dags. í Skálholti 15. febrúar 1663.

Brynjólfur biskup skrifar bréf til prófastsins í Snæfellssýslu, sóknarprestsins að Ingjaldshóli og sóknarmönnum kirkjunnar þar sem hann tilkynnir þeim að hann hafi veitt Jóni Þórarinssyni opinbera aflausn í dómkirkjunni í Skálholti. Biskup telji sér skylt að taka á þeim málum sem sóknarprestar treysti sér ekki til að leysa úr. Biður hann þess að "söfnuðurinn láti sér og kristilega fara við [Jón], í öllum greinum, svo vér séum allir sem fyrst vinir og vel sáttir, nær kallið kemur". Dags. í Skálholti 15. febrúar 1663.

Reikningsuppgjör Brynjólfs biskups við Bjarna Eiríksson vegna starfa hans sem ráðsmaður Skálholtsstaðar. Reikningurinn náði yfir síðustu tvö ár, frá 28. febrúar 1661. Dags. í Skálholti 18. febrúar 1663.

Brynjólfur biskup kvittar fyrir að Bjarni Eiríksson hafi gert honum reikningsskil vegna ráðsmannsembættis Bjarna við Skálholtsstað, frá afstaðinni Hamarsrétt 1661 til afstaðinnar Hamarsréttar 1662. Dags. í Skálholti 18. febrúar 1663.

Í bréfinu veitir Bjarni Eiríksson Ásmundi Jónssyni umboð til að afhenda Hjalta Jónssyni, umboðsmanni Brynjólfs biskups á Austfjörðum, jörðina Ás í Fellum um næstu fardaga ásamt öllum hennar eignum, þar með talið eignum Áskirkju. Ef Ásmundur skyldi forfallast þá biður Bjarni Grím undir Ási að afhenda jörðina í sínu nafni. Dags. í Skálholti 18. febrúar 1663.

Brynjólfur biskup og Bjarni Eiríksson lýsa sameiginlega yfir að á næsta manntalsþingi að Hraungerði í Flóa verði tekið til dóms mál varðandi þær eignir sem fallið hafi úr eignaskrá (inventarium) kirkjunnar að Ási í Fellum, en áttu að fylgja kirkjunni samkvæmt Vísitasíubók herra Gísla Jónssonar Skálholtsbiskups frá árinu 1576. Bjarni Eiríksson sagði að þessar eignir hafi ekki fylgt kirkjunni þegar hann varð eigandi jarðarinnar Áss en biskup taldi á hinn bóginn að Bjarna bæri að greiða fyrir þær eignir sem horfið hefðu úr inventarium kirkjunnar. Dags. í Skálholti 18. febrúar 1663.

Brynjólfur biskup og Bjarni Eiríksson gera sín á milli samkomulag um skiptingu landskuldar á jörðunum Ási í Fellum annars vegar og hins vegar á jörðunum Hörgsholti, hálfu Geldingaholti, Skáldabúðum og Kvískerjum. Ákváðu þeir að frá því jarðakaupin voru gerð, þann 7. október 1662, og fram til næstu fardaga þá skyldu landskuld, biskupstíundir og ljóstollar allra jarðanna skiptast jafnt þeirra á milli. Sjá jarðabréfið, bréf nr. 109. Dags. í Skálholti 18. febrúar 1663.

Brynjólfur biskup veitir sr. Álfi Jónssyni ábýli á dómkirkjujörðinni Kaldaðarnesi í Flóa ásamt meðfylgjandi jörðum og býlum. Í bréfinu er útlistun á skyldum og kvöðum ábúanda á dómkirkjujörð, þar á meðal mannslán í Grindavík árlega, 10 álna hestlán og 5 álna dagsláttur. Að ósk biskups er sr. Álfur undanþeginn þessum kvöðum "vegna annarar góðvildar hans og okkar langvarandi málbragðskynningar". Dags. í Skálholti 19. febrúar 1663.

Í bréfinu gefa fimm menn vitnisburð um landamerki á milli jarðanna Ásbrandsstaða og Eystra Skálaness á Vopnafirði. Dags. að Hrafnsstöðum á Vopnafirði 27. apríl 1658. Afrit dags. í Skálholti 1. mars 1663.

Í bréfinu er að finna vitnisburð Þorsteins Kolbeinssonar um landamerki á milli jarðanna Ásbrandsstaða og Eystra Skálaness á Vopnafirði. Dags. á ytri hjáleigu frá Krossavík 25. maí 1658. Afrit dags. í Skálholti 3. mars 1663.

Hjalti Jónsson býður feðgunum Bjarna Snjólfssyni og Þorsteini Bjarnasyni til kaups jarðarpart þann sem Þórunn Bjarnadóttir átti í jörðinni Staffelli. Þórunn vildi selja þeim sinn jarðarhluta ef þeir feðgar útveguðu henni Jón Sigurðsson bartskera í Káranesi "til að græða hennar meinsemd, sem hún væri af þvinguð, því hún treysti honum framar öðrum þar til vegna reyndrar framkvæmdar í soddan tilfellum". Dags. að Brú í Jökuldalshlíð 24. september 1662.

Hjalti Jónsson, í umboði Brynjólfs biskups, greiðir Bjarna Ögmundssyni andvirði jarðarinnar Hrafnabjarga á Útmannasveit, alls 12 hundruð í lausafé. Einnig samdist þeim um að Bjarni og kona hans, Guðrún Þorkelsdóttir, skyldu njóta frís ábýlis á jörðinni um sína ævidaga eða svo lengi sem þau gætu búskap haldið. Dags. að Hrafnabjörgum á Útmannasveit 28. nóvember 1662. Afrit dags. í Skálholti 1. mars 1663.

Bárður Magnússon staðfestir að Hjalti Jónsson, fyrir hönd Brynjólfs biskups, hafi greitt sér að fullu fyrir þann hlut sem biskup keypti af honum í jörðinni Snotrunesi. Sjá AM 273 fol., nr. 39 og 40. Dags. að Brúnavík á Borgarfirði eystri 14. nóvember 1662. Afrit dags. í Skálholti 1. mars 1663.

Marteinn Magnússon, Árni Árnason og Þórður Árnason staðfesta að Hjalti Jónsson, fyrir hönd Brynjólfs biskups, hafi greitt þeim að fullu andvirði þeirra jarðarhluta sem biskup keypti af þeim. Hjalti greiddi þeim Árna og Þórði fyrir jörðina Kjólsvík og Marteini fyrir jörðina Snotrunes. Sjá AM 273 fol., nr. 34, 37 og 38. Dags. að Snotrunesi á Borgarfirði eystri 15. nóvember 1662. Afrit dags. í Skálholti 1. mars 1663.

Erlendur Steingrímsson staðfestir að Hjalti Jónsson, fyrir hönd Brynjólfs biskups, hafi greitt sér að fullu fyrir jarðarpart þann í Snotrunesi sem biskup keypti af honum. Sjá AM 273 fol., nr. 71. Dags. að Njarðvík á Borgarfirði eystri 16. nóvember 1662. Afrit dags. í Skálholti 1. mars 1663.

Kolbeinn Árnason staðfestir að Hjalti Jónsson, fyrir hönd Brynjólfs biskups, hafi greitt sér að fullu fyrir eins hundraðs hlut í jörðunum Snortunesi og Kjólsvík sem biskup keypti af honum. Sjá AM 273 fol., nr. 69. Dags. að Kóreksstöðum á Héraði 28. nóvember 1662. Afrit dags. í Skálholti 1. mars 1663.

Jarðabréf þar sem Einar Böðvarsson og stjúpbörn hans seldu Halldóri Brynjólfssyni, syni Brynjólfs biskups, 5 hundraða hlut í jörðinni Bót á Fljótsdalshéraði í skiptum fyrir jafnstóran hlut í annarri jörð á Héraði, sem enn var óákveðið hver yrði, eða lausafé. Samninginn gerði Hjalti Jónsson, umboðsmaður jarða Brynjólfs biskups á Austfjörðum, fyrir hönd Halldórs Brynjólfssonar. Dags. að Gagnstöð á Fljótsdalshéraði 16. nóvember 1662. Afrit dags. í Skálholti 1. mars 1663.

Brynjólfur biskup lýsir yfir að hann hafi lagt aftur undir Áskirkju í Fellum 10 hundruð í heimalandi sem samþykkt var af herra Gissuri Einarssyni Skálholtsbiskup árið 1541. Þessi 10 hundruð hafði Snjólfur Rafnsson, fyrrum eigandi jarðarinnar Áss, leyst til sín þegar hann eignaðist jörðina. Biskup setur þann fyrirvara að hann eða hans erfingjar geti síðar leyst aftur til sín þennan 10 hundraða jarðarhlut. Dags. í Skálholti 1. mars 1663.

Bréfið er yfirstrikað í handritinu.

Erindrekar Brynjólfs biskups skoða húsakost á jörðinni Ási í Fellum og tveimur hjáleigum hennar, Sigurðargerði og Ássgerði. Auk þess gefa ábúendur jarðanna upplýsingar um árlega landskuld og kúgildaleigu. Dags. að Ási og Sigurðargerði 28. desember 1662 og Ássgerði 29. desember 1662. Afrit dags. í Skálholti 1. mars 1663.

Erindrekar Brynjólfs biskups skoða húsakost á jörðum Áskirkju í Fellum en það voru jarðirnar Kross, Fjallsel, Hafrafell og Torfa. Auk þess gefa ábúendur jarðanna upplýsingar um árlega landskuld og kúgildaleigu. Dags. að Torfu 15. desember 1662, Krossi 3. janúar 1663 og Fjallseli og Hafrafelli 8. janúar 1663. Afrit dags. í Skálholti 1. mars 1663.

Í bréfinu samþykkir Sigurður Einarsson kaup Brynjólfs biskups á jörðinni Bergsholti í Staðarsveit, 16 hundruð að dýrleika, en jörðina átti faðir Sigurðar, Einar Torfason. Jarðakaupin fóru fram tíu árum áður eða 20. mars 1653. Dags. í Skálholti 3. mars 1663.

15 skólapiltar við Skálholtsskóla báru vitni vegna andláts Bjarna Björnssonar samnemanda þeirra við skólann. Viku fyrir jól tók Bjarni þá sótt "sem hér hefur á þessum stað á yfirstandandi vetri á mörgu fólki þungt legið", en hann lést tveimur dögum fyrir jól og var jarðsettur í Skálholti á aðfangadag. Lýstu skólapiltarnir yfir að hvorki áður en hann tók sóttina, né á meðan henni stóð, hafi Bjarna skort mat, hjúkrun eða aðra umönnun. Eftir andlátið var hann, samkvæmt vitnisburði skólapiltanna, vel búinn líkklæðum og lagður í vandaða kistu. Dags. í Skálholti 8. mars 1663.

Skrá yfir persónulegar eigur sem Bjarni Björnsson skólapiltur lét eftir sig í Skálholti þegar hann lést. Dags. í Skálholti 8. mars 1663.