Detaljer om håndskriftet

Pappír með vatnsmerkjum.

Vatnsmerki 1. Aðalmerki: Bókstafur P með fjórlaufi // Ekkert mótmerki (1, 2, 3, 5/6, 24, 38, 44, 45/46, 47, 48, 54, 59, 61, 62, 66, 67, 68/69, 70, 71, 74, 79, 80, 81, 82, 83, 85, 92, 95, 107, 108/109, 110, 112).

Vatnsmerki 2. Aðalmerki: Hringlaga aflöng stykki // Ekkert mótmerki (6).

Vatnsmerki 3. Aðalmerki: sth? // Ekkert mótmerki (12, 26, 40, 55, 56/57, 58, 60, 76, 114).

Vatnsmerki 3. Aðalmerki: Litlir hringir // Ekkert mótmerki (35).

Vatnsmerki 4. Aðalmerki: Aflöng stykki // Ekkert mótmerki (36).

Vatnsmerki 5. Aðalmerki: Fjórlauf // Ekkert mótmerki (96).

Vatnsmerki 6. Aðalmerki: Fjórlauf að hluta til // Ekkert mótmerki (100, 116, 117, 124).

Handritið hefur verið blaðmerkt síðar með blýanti fyrir miðri neðri spássíu 1-126. Hlaupið er frá tölunni 100 yfir í 106. Nokkur blöð eru einnig merkt efst í horni ytri spássíu en óreglulega.

• Eindálka.
• Leturflötur er ca 92-124 mm x 82-90 mm.
• Línufjöldi er ca 16-28.

• Vantar bæði framan og aftan af bókinni sem og innanúr.
• Skorið hefur verið af ytri spássíu fremstu blaðanna og texti skerst dálítið við það.
• Blöðin eru fúin og trosnuð. Víða hefur texti glatast af jöðrum af þeim sökum og sums staðar eru einnig göt og rifur í blöðunum. Gert hefur verið við blöðin með pappír og sums staðar límdur þunnur ofinn viðgerðardúkur yfir blöðin til þess að styrkja þau.

Handritið er skrifað af skrifurum Gissurar biskups Einarssonar og ef til vill eitthvað af honum sjálfum, léttiskrift.

Upphafsstafir eru sums staðar örlítið pennaflúraðir, sjá á bl. 21v, 35v, 51r, 55v, 60v, 114v.

Smá pennaflúr efst á bl. 41r.

Litlir einfaldir bókahnútar á bl. 53r, 57v, 92r, 118v.

• Tveir seðlar með hendi Árna Magnússonar með upplýsingum um uppruna og feril o.fl.
• Seðill 1 (142 mm x 92 mm): „Fragment úr Bréfabók herra Gissurar er hjá mér í láni frá síra Hannesi Halldórssyni í Reykholti og vill hann það síðar aftur fá. Það sem hér vantar í verður fyllt úr þeirri in folio.“
• Laus seðill frá Kaupmannahöfn með upplýsingum um forvörslu.
• Seðill 2 (142 mm x 76 mm): „Hann gjörir hvorki rugl / né mas / sem þar aðrir er nú hafa fyrir / skemmstu utanfarið. “

Handritið var skrifað á Íslandi á árunum 1540-1548.

Árni Magnússon fékk að láni hjá séra Hannesi Halldórssyni í Reykholti (sjá seðil).

Stofnun Árna Magnússonar á Íslandi tók við handritinu 2. ágúst 1977.

Svart-hvítar ljósmyndir á Det Arnamagnæanske Institut í Kaupmannahöfn.

Stafrænar myndir Jóhönnu Ólafsdóttur á handrit.is.