Detaljer om håndskriftet

• Af blaði 76 er aðeins varðveittur stubbur við kjölinn.
• Vantar blöð á eftir blaði 133.
• Skorið hefur verið af spássíum.

Bl. 1v: Blekteikning af Kristi á krossinum og María og Jóhannes standa undir.

Bl. 2r: Blekteikning af konungi í hásæti með öxi og valdaepli. Hásætið, skammelið og ramminn eru skreytt með kynjaskepnum og dýrum.

Bl. 2v: Blekteikning af konungi í hásæti með veldissprota og valdaepli. Hásætið, skammelið og ramminn eru skreytt með kynjaskepnum og dýrum.

Upphafsstafir í ýmsum litum og með myndum á bl. 4v, 9v, 30r, 53v, 58v, 80r og 86v.

Upphafsstafir í ýmsum litum.

Rauðritaðar fyrirsagnir.

Bókahnútar á bl. 139r-v.

Á spássíum eru athugasemdir, nöfn og þess háttar.

• Tveir seðlar með hendi Árna Magnússonar.
• Seðill 1 (165 mm x 105 mm): „Lögbók þá er landsskrifarinn léði mér describens hann svo, að hún hafi verið í 4to, vel þriggja fingra þykk. Hafi aftan við hana verið Kristinréttar 2 að vísu Item heil sorp réttarbætur og statutur gamlir lögmannadómar og í bland hafi þetta er aftan við bókina var occuperað eins mikið pláss í bókinni, og lögbókin sjálf. Hana hafði átt Guðmundur Eyjólfsson á Melum á Kjalarnesi og mun á henni í misvarium stað finnast hans nafn eða hans sonar Snjólfs.“
• Seðill 2 (67 mm x 126 mm): „Jónsbók. Réttarbætur nokkrar. Kristinréttur Árna biskups. 4to ekki rétt gömul, sine ligatura. Ég trúi ég hafi þessa bók fengið af Sigurði Sigurðssyni landsskrifara.“
• Lýsing Jóns Sigurðssonar á handritinu liggur með.

Tímasett til um 1530 (sjá  ONPRegistre , bls. 445), en til 1500-1550 í  Katalog I , bls. 428.

Árni Magnússon fékk handritið hjá Sigurði Sigurðssyni landskrifara (sbr. seðil). Áður átti það Guðmundur Eyjólfsson á Melum á Kjalarnesi (sbr. seðil), en auk þess er nafn sonar hans Einars Eyjólfssonar að finna á bl. 45 og 70. Aftast segist Ketill Guðmundsson eiga handritið með réttu og einnig virðist Sigurður Valdason hafa verið eigandi (sbr. bl. 26r).

Nafn í handriti: Brandur Einarsson (bl. 42r).

Stofnun Árna Magnússonar á Íslandi tók við handritinu 9. desember 1974.

Svart-hvítar ljósmyndir á Det Arnamagnæanske Institut í Kaupmannahöfn.