Manuscript Detail

Blöð vantar í handritið.

Upphafsstafir rauðir, bláir, grænir eða í ýmsum litum.

Rauðar fyrirsagnir.

Bl. 58-59 og 62-63 innskotsblöð frá 17. öld.

• Tveir seðlar með hendi Árna Magnússonar.
• Seðill 1 (a) (95 mm x 118 mm): „Jónsbók. Réttarbætur. Formulæ Juridicæ nonnullæ. Kristinréttur nýi (Árna biskups) biskupa statutur nokkrar. Bókin er í 4to, ærið litlu, eður breiðu octavo.“
• Seðill 2 (124 mm x 93 mm): „Þessa lögbók hefi ég fengið frá biskupinum magister Jóni Vídalín. Hann hafði hana fengið í umboði Gríms Magnússonar, og hafði hún verið eign Magnúsar (brita) Gíslasonar föður Gríms. Bókina hefur fyrrum átt Bárður Gíslason í Vatnsdal, að sögn lögmannsins Páls Jónssonar Vídalín, sem þetta hefur eftir Gísla Magnússyni, Jóni Jónssyni í Laugardalshólum og Magnúsi (brita) Gíslasyni sjálfum.“
• Efnisyfirlit Jóns Sigurðssonar.

Handritið er tímasett um 1470 (sjá  ONPRegistre , bls. 465), en til 15. aldar í  Katalog II , bls. 351.

Árni Magnússon fékk handritið frá Jóni Vídalín biskupi, sem hafði fengið það í umboði Gríms Magnússonar, en átt hafði Magnús Gíslason, faðir Gríms. Handritið átti áður Bárður Gíslason í Vatnsdal, að sögn Páls Vídalíns lögmanns, sem hefur þetta eftir Gísla Magnússyni, Jóni Jónssyni í Laugardalshólum og Magnúsi Gíslasyni sjálfum (sjá seðil).

Stofnun Árna Magnússonar á Íslandi tók við handritinu 15. október 1975.

Svart-hvítar ljósmyndir á Det Arnamagnæanske Institut í Kaupmannahöfn.