Detaljer om håndskriftet

Pappír með vatnsmerkjum.

• Vatnsmerki 1: Aðalmerki: Stórt skjaldarmerki Amsterdam (bl. 2, 3, 6, 5, 7, 10, 11 ).

  Mótmerki: Einn stakur stafur (bl. 1, 4, 5, 8, 9, 12 ).

• Vatnsmerki 2: Aðalmerki: Dárahöfuð með kraga og sjö bjöllum (bl. 13, 16 ).

Blaðmerking 1-16 (1r-16r) með rauðu bleki, með hendi Kålunds. Hann merkir einnig seðilinn sem er fremst með a og þann sem er aftast með b.

Fjögur kver:

• Kver I: bl. 1-4 (1+4, 2+3), 2 tvinn.
• Kver II: bl. 5-8 (5+8, 6+7), 2 tvinn.
• Kver III: bl. 8-12 (9+12, 10+11), 2 tvinn.
• Kver IV: bl. 13-16 (13+16, 14+15), 2 tvinn.

• Eindálka.
• Leturflötur er 160-170 mm x 130-140 mm.
• Línufjöldi er 23-27.
• Griporð, pennaflúruð.
• Lok kaflans endar í totu bl. 16v.

Aftast í handritinu eru gamlar viðgerðir (sjá einkum 13r og 16v, 14v og 15r), en einnig ummerki um enn eldri viðgerðir sem hafa verið fjarlægðar. Þær hafa náð inn á leturflöt og skilið eftir sig límklessur og óhreinindi. Af þeim sökum er texti sumstaðar torlæsilegur (13v og 14r, 15v og 16r).

Ein hönd, óþekktur skrifari, fljótaskrift.

Á stöku stað eru blekdregnir upphafsstafir (1-4 línur) dregnir ögn stærra og örlítið skreyttir.

Fyrirsagnir og upphaf kafla eru skrifuð með kansellískrift.

Lítill bókarhnútur á bl. 1v.

Skreyting við eða umhverfis griporð.

• Víða eru leiðréttingar inni í texta og á stöku stað út á spássíum.
• Á efri hluta 16v er gömul viðgerð, sem er pappírsræma upp við kjöl, og hefur hún verið límd yfir síðustu orð í nokkrum línum. Á pappírsræmuna hefur e-r skrifað það sem límt var yfir.
• Athugasemd við texta á 16v, e.t.v. með hendi skrifara.

• Fastur seðill (153 mm x 127 mm) fremst með hendi Árna Magnússonar með upplýsingum um feril og uppruna: „Frá Páli lögmanni. Var aftast í því volumine er fremst var á Knýtlinga saga.“
• Fastur seðill (185 mm x 123 mm) aftast með hendi Árna Magnússonar með upplýsingum um handritið: „Hér aftan við var continuatio síra Jóns Egilssonar, sem ég ekki sendi Magnúsi, svo vítt ég man. Hönd Þórðar Jónssonar, postea post á Staðarstað, stóð á spássíunni, þar nú er pappír á límdur aftast. Það hefur hann skrifað þá studiosus var hér í Kaupenhafn, circa 1690. Continuatio tók til á Þorláki biskupi helga.“

Skrifað á Íslandi. Kålund tímasetur handritið til 17. aldar ( Katalog (I) 1889:611).

Var áður aftast í handriti þar sem Knýtlinga saga var fremst (líklega AM 1006 4to). Aftan við Hungurvöku er upphafið á Biskupaannálum Jóns Egilssonar (hefjast hér á Þorláki helga), en afgangurinn var fjarlægður úr handritunu og blað límt yfir upphafið. Það blað hefur nú verið fjarlægt. Athugasemd með hendi séra Þórðar Jónssonar á Staðastað er á spássíu á 16v, skrifuð á stúdentsárum hans í Kaupmannahöfn c1690 (sbr. seðla).

Árni Magnússon fékk handritið frá Páli Vídalín lögmanni (sbr. seðil).

Stofnun Árna Magnússonar á Íslandi tók við handritinu 9. febrúar 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.