Manuscript Detail

Handritið hefur nýlega verið blaðmerkt með blýanti, 1-22. Blað 23 er ótölusett.

Fjögur kver.

• Kver I: bl. 1-9, stakt blað og 4 tvinn.
• Kver II: bl. 10-17, 4 tvinn.
• Kver III: bl. 18-21, 2 tvinn.
• Kver IV: bl. 22-23, 1 tvinn.

• Eindálka.
• Leturflötur er ca 165-175 mm x 135-140 mm.
• Línufjöldi er 28-30.
• Vísur Gísla merktar á spássíum með Gísli kvað, og enn kvað hann, síðasta vísa Gísla.
• Málshættir merktir á spássíum með proverb.

• Krassað yfir 8 línur efst á bl. 1r.
• Vantar aftan af handritinu.

Með hendi séra Ólafs Gíslasonar á Hofi í Vopnafirði, fljótaskrift.

• Bl. 22-23 (ca 1/2 síða skrifuð) innskotsblað frá Árna Magnússyni með niðurlagi sögunnar.
• Spássíugreinar víða (sjá til dæmis bl. 7r-v og 9r-v. Nokkrar á latínu, sjá bl. 3v, 4v og 5v.
• Á nokkrum stöðum hefur verið strikað undir orð með rauðu bleki (sjá til dæmis bl. 2r-v, 6r, 21r og víðar.
• Á neðri spássíu bl. 2r hafa verið krotaðir stafirnir B og D nokkrum sinnum.

• Fastur seðill fremst (48 mm x 123 mm) með hendi Árna Magnússonar með upplýsingum um uppruna handritsins: „Gisla saga Surssonar. ur bokum sem eg feck af Sr Olafi Gislasyne ä Hofi i Vopnafirde“
• Laus seðill frá Kaupmannahöfn með upplýsingum um forvörslu.

• Handritið var skrifað á Íslandi. Það er tímasett til loka 17. aldar í  Katalog I , bls. 693. Var áður hluti af stærra handriti.
• Handritin AM 552 f 4to, AM 564 b 4to, AM 552 e 4to, AM 552 a 4to, AM 552 i 4to, AM 591 f 4to, AM 552 d 4to, AM 552 o 4to, AM 565 a 4to, AM 565 b 4to, AM 441 4to, AM 552 k alfa 4to, AM 591 c 4to , AM 591 d 4to, AM 591 h 4to og AM 459 4to, í þessari röð, hafa tilheyrt sömu bók (Loth, A. 1960).

Árni Magnússon tók úr bók sem hann fékk hjá skrifara, séra Ólafi Gíslasyni, (sjá seðil).

Stofnun Árna Magnússonar á Íslandi tók við handritinu 18. maí 1977.

• Stafrænar ljósmyndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Negatíf örfilma á Stofnun Árna Magnússonar á Íslandi. Askja 394.