Manuscript Detail

Pappír með vatnsmerkjum.

• Vatnsmerki 1: Aðalmerki: Skjaldarmerki Amsterdam 1 (bl. 2, 6) // Ekkert mótmerki.
• Vatnsmerki 2: Aðalmerki: Skjaldarmerki með bjálkum, fjaðraskúfi og kóróna efst (bl. 4, 11-14). // Ekkert mótmerki.
• Vatnsmerki 3: Aðalmerki: Skjaldarmerki Amsterdam 2 (bl. 1) // Fangamark ICD (á fremra spjaldblaði).
• Vatnsmerki 4: Aðalmerki: Skjaldarmerki með ljóni í tvöföldum ramma (bl. 16) // Mótmerki: Fangamark HP (á aftara spjaldblaði).

• Sjá má upprunalega blaðmerkingu þar sem í hægra horni blaðs 2r stendur með dökku bleki „332“. Sömuleiðis er blað 16r merkt samkvæmt upprunalegri blaðmerkingu „(346)“ en það var gert síðar. Fyrir utan þessi tvö blöð verður ekki vart við slíkar merkingar.
• Síðari tíma blaðmerking er með rauðu bleki á rektósíðum blaða: 1-16.

4 kver:

• I: spjaldblað - bl. 1 (eitt tvinn + tvö blöð: spjaldblað, fremra saurblað 1+bl. 1, fylgigögn 1 á milli)
• II: bl. 2-7 (3 tvinn: 2+7, 3+6, 4+5)
• III: bl. 8-15 (3 tvinn + tvö stök blöð: 8+13, 9+12, 10+11, 14, 15)
• IV: bl. 16 - spjaldblað (eitt tvinn + eitt blað: 16+saurblað, spjaldblað)

• Eindálka.
• Leturflötur er ca 270 mm x 163 mm.
• Línufjöldi er ca 40-42.
• Leturflötur markast af pennadregnum línum við innri og ytri spássíur.
• Griporð eru á blöðum 2r-15v. Þau eru afmörkuð með pennastrikum.
• Kaflaskipting (1-10 (kafli 1 er ónúmeraður)) er með misjöfnum hætti; kaflanúmer koma ýmist fyrir inni í línu, sbr. blöð 2r og 4v; eða vel aðgreind, sbr. blöð 14r og 14v.

• Sums staðar eru blettir á blöðum (sbr. blöð 5-6).
• Texti blaðs 1v sést í gegn (sjá blað 1r).

• Handritið er að mestu skrifað með einni fljótaskriftarhendi. Skrifari er óþekktur.

• Blöð 1v og 16r með hendi skrifara Árna Magnússonar.

• Um það bil tólf línur á blaði 12v eru skrifaðar af óþekktum skrifara.

• Rétt fyrir ofan miðju á blaði 12r þéttist skriftin og því skriftarlagi er haldið að uppskrift óþekkta skrifarans á blaði 12v; sama skriftarlagi er haldið eftir að uppskrift hans lýkur og rétt fyrir neðan mitt blað tekur við skriftarlag meginhlutans. Skriftin er þó mjög blönduð og á meginhluta blaða 13v-15r koma fyrir fljótaskriftar-s í bland við aðrar gerðir; f nær niður fyrir línu og háleggir stafa eru ýmist með belg eða án svo dæmi séu tekin; e-in eru sömuleiðis af blandaðri gerð.

• Blöð 1 og 16 voru sett inn á tíma Árna Magnússonar. Þau eru hvort um sig hluti tvíblöðungs og skrifað er einungis á blað 1v og á blað 16r. Blöð 1r og 16v eru auð. Farið er með hinn hluta tvíblöðunganna sem fremra og aftara saurblað í núverandi bandi.
• Safnmark og upplýsingar um eldri skráningu er skrifað með hendi Kålunds á fremra band verso.

• Seðill (101 mm x 106 mm) með hendi Árna Magnússonar, er á milli saurblaðs og blaðs 1r: „Úr bók Jóns Þorlákssonar. | Er afleitlega röng. “[Aftan á er strikað yfir sögubrot með ritarahendi:] „rkars ens digra faud | de hun þau vera ákaf | upptekenn bein þór- |modur Snorra G. hun | sagde Gudny þau lyt | oc suo suort sem snyd | þau beyn grafinn þar | ur kyrckiann. Nu lyka | esingia Eyrbyggia“

Handritið er skrifað á Íslandi og tímasett til síðari hluta 17. aldar í Katalog I , bls. 130.

Handritið var áður hluti af stærri bókum (sbr. seðil).

• Fyrst var það ásamt blöðum sem nú eru í AM 130 fol. AM 163 e fol., AM 181 i fol., AM 163 m fol., AM 164 b fol. og AM 297 b 4to.
• Svo var það í enn stærri bók sem aukalega innihélt blöð sem nú eru í AM 161 fol., AM 139 fol., AM 212 fol. og AM 156 fol.

Stóru bókina sem handritið tilheyrði þegar Árni Magnússon fékk það kom til hans frá Jóni Þorlákssyni sýslumanni Múlasýslu (sbr. seðil).

Árið 1730 var handritið hluti af No. 163 in fol. (sbr. AM 456 fol., 4v-5r og AM 477 fol., 7v-8r).

Stofnun Árna Magnússonar á Íslandi tók við handritinu 26. júní 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.