Skráningarfærsla handrits

Þjskjs 3a

Gregoríus mikli páfi: Moralia in Iob 20 og 21

Tungumál textans
latína

Innihald

1 ( 1r-4v )
Gregoríus mikli páfi: Moralia in Iob 20 og 21
Athugasemd

Brot úr bókum 20 og 21

Blöðin eru í öfugu broti. Bl. 2r og bl. 2v koma í raun á undan bl. 1r og 1v. Það sama á við bl. 4r og bl. 4v sem koma á undan bl. 3r og bl. 3v. Tvinnin hafa í upprunalegu handriti verið hvort ofan á öðru. Bl. 2r hefur verið fremst, þar á eftir bl. 2v, síðan bl. 4r og bl. 4v. Ofan á síðara tvinni hafa verið önnur blöð og miðað við lengd textans sem vantar mætti giska á að tvö tvinn eða fjögur blöð vanti á milli. Á eftir þeim hafa síðan komið bl. 3r og bl. 3v og að lokum bl. 1r og bl. 1v.

Efnisorð
Biblían
1.1 (1r)
Upphaf

„ ... si patenter fateatur dicens quantum ad humane ...“

Niðurlag

„ ... eos alius invident vivere ... “

Athugasemd

Bl. 1r inniheldur texta úr bók 21 í kafla VI-X.

Efnisorð
Biblían
1.2 (1v)
Upphaf

„ ... per veritatem. vera enim mater satagit ut eius filius ... “

Niðurlag

„ ... sublimia virtutum moderamina in quo tanta est auctori[tas] ... “

Athugasemd

Bl. 1v inniheldur texta úr bók 21 í kafla X-XIII.

Efnisorð
Biblían
1.3 (2r)
Upphaf

„ ... clamore currere est subortis causarum ...“

Niðurlag

„ ... et esse sub sentibus compu ... “

Athugasemd

Bl. 2r inniheldur texta úr bók 20 í kafla XIV-XV.

Efnisorð
Biblían
1.4 (2v)
Upphaf

„ ... tabant. Quia peccatorum delectationibus ...“

Niðurlag

„ ... conditi sunt non intelligunt eo etiam cogno[tionem] ... “

Athugasemd

Bl. 2v inniheldur texta úr bók 20 í kafla. XV-XVI.

Efnisorð
Biblían
1.5 (3r)
Upphaf

„ ... per auctorem veo mundicie luxuria cogitata ... “

Niðurlag

„ ... moribus contempser[un]t. Floreant igitur ... “

Athugasemd

Bl. 3r inniheldur texta úr bók 21 í kafla II-IV.

Efnisorð
Biblían
1.6 (3v)
Upphaf

„ ... iniqui a flore eternit[ati]s alieni ...“

Niðurlag

„ ... quod est scire me faciat ac ... “

Athugasemd

Bl. 3v inniheldur texta úr bók 21 í kafla IV-VI.

Efnisorð
Biblían
1.7 (4r)
Upphaf

„ ... nem acceptum per imaginem ...“

Niðurlag

„ ... et frenum posuit in os meum ... “

Athugasemd

Bl. 4r inniheldur texta úr bók 20 í kafla XVI-XXI.

Efnisorð
Biblían
1.8 (4v)
Upphaf

„ ... frenum sibi apud quosdam positum cognoverant ...“

Niðurlag

„ ... parumper a te et in misericordia sempiterna miseratus sumtui ... “

Athugasemd

Bl. 4v inniheldur texta úr bók 20 í kafla XXI-XXIV.

Efnisorð
Biblían

Lýsing á handriti

Blaðefni

Skinn.

Blaðfjöldi
4 blöð (342-350 mm x 252-275 mm).
Kveraskipan
2 tvinn.
Umbrot

Tvídálka. 50 línur í hvorum dálki.

Leturflötur er í hvorum dálki 275 mm x 90-96. mm. Innri dálkur er breiðari.

Ástand
Blöð eru nokkuð slétt. Afar ljóst skinn. Bl. 1r, 2v, 3r og 4v eru dekkri þar sem þau hafa snúið út. För eftir saumgöt uppi og niðri, á ytri jaðri för sem gerð hafa verið til þess að halda línum lesmáls beinum. Nokkrar dökkar blekklessur á bl. 1r. Texti er smár og skýr með dökku bleki. Seinna tvinnið (bl. 3r-4v) hefur ekki verið brotið saman alveg samsíða. Á því eru för eftir saumgöt uppi og niðri og nokkur önnur lítil göt.
Skrifarar og skrift

Óþekktur skrifari. Leturbreyting er á hluta af bl. 3v þar sem letur í innri dálka er stærra og lausara í sér á kafla. Síðan verður það aftur eins og áður. Erfitt að segja til um ástæðuna fyrir breytingunni.

Spássíugreinar og aðrar viðbætur
Á fyrra tvinni (bl.1r-2v) hefur verið skrifað með daufum stöfum á spássíu: „Christoffer Heidemans jordbog 1660.“ Þar hafa einnig nokkur orð verið skrifuð á spássíu, tvö orð á ytri jaðar bl. 2v og talan 165 skrifuð milli dálka á bl. 2v. Á ytri jaðar bl. 2r hefur verið skrifað eitt orð, auk einnar setningar neðst á spássíu. Á síðara tvinni (bl. 3r-4v) hefur verið skrifað með daufum stöfum: „Johan kleins Islandske Jordbog lewert til Heideman 1683.“

Uppruni og ferill

Ferill
Tvinnin tvö hafa verið höfð utan um ólíkar bækur sama manns, þ.e. jarðarbókum Christoffers Heidemans frá 1660 og 1683, af skrift á spássíu að dæma, en koma greinilega upprunalega úr sama latínuhandriti.

Aðrar upplýsingar

Skráningarferill

Skráð á handritasviði Stofnunar Árna Magnússonar í íslenskum fræðum.

SHH skráði 30. júní 2021.
Lýsigögn
×

Lýsigögn