Skráningarfærsla handrits

Síðari tíma blýantsblaðmerking 1-92 (1r-154r), þ.e. upprunaleg blöð handrits eru öll blaðmerkt, en innskotsblöð eru ómerkt. Sá sem blaðmerkti hefur hins vegar óvart skrifað töluna 12 tvisvar, þ.e. blað 13 er blaðmerkt 12 o.s.frv.

Ellefu kver:

• 2 stök blöð.
• Kver I: 7 blöð, 3 tvinn og 1 stakt blað.
• Kver II: 9 blöð, 4 tvinn og 1 stakt blað.
• Kver III: 12 blöð, 6 tvinn.
• Kver IV: 8 blöð, 4 tvinn.
• Kver V: 8 blöð, 4 tvinn.
• Kver VI: 8 blöð, 5 tvinn og 4 stök blöð.
• Kver VII: 8 blöð, 4 tvinn.
• Kver VIII: 8 blöð, 4 tvinn.
• Kver IX: 8 blöð, 7 tvinn og 1 stakt blað.
• Kver X: 8 blöð, 4 tvinn.
• Kver XI: 7 blöð, 3 tvinn og 1 stakt blað.

• Leturflötur er
• Línufjöldi er 22-25.
• Griporð.

Bl. 24, 25, 30, 67, 78, 90 og 91 rifin, texti þó aðeins skertur á bl. 67 og 78.

Ein hönd

Óþekktur skrifari, sama hönd og á Lbs 183 fol. ( Einar G. Pétursson 1998:225 ).

• Við band hefur auðum blöðum verið skotið inn í handritið, e.t.v. til að skrifa á skýringar við textann ( Einar G. Pétursson 1998:223 ). Svo virðist sem blöð þessi hafi staðið aftan við hvert blað í handritinu, en síðar hafa sum þeirra verið skorin eða rifin burt og af sumum er einungis eftir rifrildi (milli bl. 7 og 8, 20 og 21, 30 og 31, 32 og 33, 59 og 60, 66 og 67, 86 og 87, 90 og 91). Heil blöð eru nú 55.
• Víða eru athugasemdir við textann á spássíum, t.d. 10r, 32r-v og 33r.
• Bendistafir eru á stöku stað á spássíum þar sem vísur eru í texta, t.d. 23v og 24r.
• Neðst á bl. 5r og inni í textanum á 5v, hefur einhver sett sviga utan um textann með blýanti. Einnig hefur sá sami og þetta gerði strikað á fáeinum stöðum niður eftir texta.

• Fremst í handritinu er laust blað þar sem útskýrð eru bönd og skammstafanir. Höndin virðist vera frá því um 1800 og er áþekk hönd Finns Magnússonar prófessors. Vera kann að upplýsingarnar á blaðinu hafi átt að auðvelda útlendingi að lesa handritið ( Einar G. Pétursson 1998:222 ). Í blaðinu er vatnsmerki sem notað var af dönsku fyrirtæki á árunum 1805-1832, þannig að um það leyti hefur blaðið verið skrifað ( Einar G. Pétursson 1998:229 ).
• Á þremur stöðum í hdr. hefur lausum seðlum verið stungið inn, en ekki er ljóst hver tilgangurinn er. Á tveimur þeirra er ritað mál.

Skrifað á fyrri hluta 18. aldar og fyrir 1725 ef það er skrifað beint eftir handriti Odds Sigurðssonar lögmanns AM 552 n 4to ( Einar G. Pétursson 1998:224 og 226 ).

Fyrst er vitað um hdr. í eigu Richard Heber (1773-1833), en síðan eignaðist Sir Thomas Philipps (1792-1872) það. Eftir dauða hans virðist það hafa verið í eigu erfingja hans til 1945 er afgangurinn af safni hans var seldur til fyrirtækisins William H. Robinson. Guðmundur Axelsson fornbókasali keypti það hjá Sotheby´s 28. júní 1977 og seldi það Stofnun Árna Magnússonar. Í uppboðsskrá segir að hdr. sé skrifað fyrir Ólaf Gunnlaugsson í Svefneyjum, en Einar G. Pétursson telur það óvíst. Handritið gæti hafa borist til Englands um hendur Finns Magnússonar eða Gríms Thorkelín en engar heimildir eru um það ( Einar G. Pétursson 1998:226-229 ).

Stofnun Árna Magnússonar á Íslandi tók við handritinu 1977.