Detaljer om håndskriftet

Pappír.

Handritið mun fyrst hafa verið í eigu Brynjólfs Sigurðssonar Sívertsen, síðar prests á Útskálum (sbr. krot á aftara saurblaði: B. Sig.). Síðar gekk það til stjúpsonar hans, Helga G. Thordarsen, síðar biskups (sbr. áritun hans á bl. 2r). Loks til sonarins Sigurðar Brynjólfssonar Sívertsen, síðar prests á Útskálum (sbr. áritun „S. Brinj. 1823“ á bl. 1r). Neðst á bl. 1r, í hægra horni, virðist standa LL = Lupus loricatus (brynjaður úlfur). Afi Brynjólfs var Brynjólfur Thorlacius sýslumaður á Hlíðarenda í Fljótshlíð, en hann mun einnig hafa notað þetta bókmerki, eins og Brynjólfur Sveinsson biskup.

Í upphafi handritsins stendur að nú sé árið 1783, og má því ætla að handritið sé skrifað það ár. Þá var Brynjólfur Sívertsen 16 ára. Ef til vill er ólíklegt að handritið sé með hans hendi, en hann var þá við nám hjá Helga Sigurðssyni konrektor í Skálholti. Sigurður sonur Brynjólfs var 15 ára þegar hann fékk handritið 1823.

Lbs 5257-5302 8vo. Afhent 21. september 2022 af Sigurjóni Páli Ísakssyni en handritin eru úr safni Böðvars Kvaran. Sigurjón keypti handritin í Bókakaffinu í Ármúla á tímabilinu 9. október 2021 – 17. september 2022, fyrir milligöngu Bjarna Harðarsonar og Jóhannesar Ágústssonar. Bókakaffið keypti safn Böðvars árið 2021. Sjá einnig Lbs 1073-1077 fol. og Lbs 5762-5786 4to.