Skráningarfærsla handrits

Í safninu eru m.a. ljóðabréf, erfiljóð, tækifærisvísur, rímnaháttalykill og málrúnanöfn. Ljóðabréfin eru samin af þremur einstaklingum: Jóni Sigurðssyni skrifara handritsins og systrunum Jódísi og Margréti Sveinsdætrum frá Hofi í A-Skaftafellssýslu. Jón yrkir fjögur ljóðabréf til Jódísar og þrjú til Margrétar. Eftir Jódísi eru fimm ljóðabréf en sex eftir Margréti, öll stíluð á Jón (þ.e. ort til hans).

Einnig eru aftar í handriti nokkrar vísur eftir Jón og Jódísi ásamt ýmis konar kveðskap líkt og segir hér að ofan. Þó er einungis einn höfundur til viðbótar nafngreindur: Jón Þorkelsson á Heiði á Síðu (sjá málrúnanöfn aftast í handriti).