Skráningarfærsla handrits

Lbs 2156-2157 8vo var upphaflega eitt handrit með hendi Jakobs Sigurðssonar. Um var að ræða andlegt kvæðasafn í tveimur hlutum bundið í skinnband. Sigmundur Matthíasson Long eignaðist handritið um 1866 og skipti því árið 1896 upp í tvö bindi eftir hlutunum og eru það Lbs 2156-2157 8vo. Fremstu blöðin hér í Lbs 2156 8vo eru með hendi Sigmundar (uppfylling). Sigmundur fékk handritið frá Jórunni Brynjólfsdóttur í Hnefilsdal og nefndi það Hnefilsdalsbók. Í þessum fyrri hluta eru Guðspjallasálmar eftir séra Einar Sigurðsson, skrifaðir upp eftir Vísnabókinni frá 1612 (Hólaprent) og nokkrir aðrir sálmar þar fyrir aftan eftir séra Ólaf Jónsson á Söndum.

15 sálmar.