Skráningarfærsla handrits

• 1) Nýlegust er blaðmerking með blýanti: 1-103.
• 2) Eldri blaðsíðumerking sem hefst á blaði 12 er gerð með penna og merktar eru blaðsíður: 23-29, 73-83, 118-119, 132-140, 142-150, 152-160, 192-195.
• 3) Elsta blaðsíðumerkingin er með þeim hætti að yfirleitt er fyrsta blaðsíða í hverjum tug merkt og á stöku stað fimmta hver blaðsíða (undant. 198). Fyrsta slíka merkingin er á blaði 16r eða bls. 31, næst er 35 á blaði 18r og áfram er haldið: 41, 51, 61, 71, 81, 91, 101, 111, 121, 131, 141, 151, 161, 165, 171, 175, 181, 191, 198, 201, 205.

Samtals 14 kver.

• Kver I: blöð 1-6, 3 tvinn.
• Kver II: blöð 7-11, 2 tvinn + 1 stakt blað.
• Kver III: blöð 12-17, 3 tvinn.
• Kver IV: blöð 18-26, 4 tvinn + 1 stakt blað.
• Kver V: blöð 27-35, 4 tvinn + 1 stakt blað.
• Kver VI: blöð 36-41, 3 tvinn.
• Kver VII: blöð 42-49, 4 tvinn.
• Kver VIII: blöð 50-59, 5 tvinn.
• Kver IX: blöð 60-67, 4 tvinn.
• Kver X: blöð 68-73, 2 tvinn + 2 stök blöð.
• Kver XI: blöð 74-82, 4 tvinn + 1 stakt blað.
• Kver XII: blöð 83-89, 3 tvinn + 1 stakt blað.
• Kver XIII: blöð 90-97, 4 tvinn.
• Kver XIV: blöð 98-103, 2 tvinn + 2 stök blöð.

Blöð 1r-10v; eindálka:

• Leturflötur er ca 170-180 mm x 130-140 mm.
• Línufjöldi er ca 28-34.
• Kaflafyrirsagnir.

Blöð 12v-103v; tvídálka:

• Leturflötur er 165-168 mm x 125 mm.
• Línufjöldi er ca 30.
• Kaflafyrirsagnir.

• Skorið hefur verið af jaðri blaða.
  • Sneiðst hefur ofan af síðutitlum á stöku stað, sjá t.d. á blaði 51r.
  • Einnig hefur sneiðst af skrautstöfum sem dregnir hafa verið út úr leturfletinum t.d. af Þ-i á blaði 19r og A-i á blaði 87v.
• Víða eru saggablettir.
• Texti er víðast vel læsilegur. Rauðar fyrirsagnir eru þó máðar og aftasta blaðið (blað 103v) er æði notkunarnúið.
• Kápan er heilleg en nokkuð snjáð.

I. Blöð 1r-10v. Skrifari er óþekktur; léttiskrift.

II. blöð 12v-103v. Skrifari er óþekktur; árléttiskrift.

Handritið er allt lýst með litdregnum upphafsstöfum.

Stórir sögustafir (inndregnar línur ca 5-10) eru víða við upphaf meginbálka. Stafirnir eru íburðarmiklir og ná stundum meðfram leturfleti alls blaðsins, t.d. stafurinn Þ á blaði 19r.

• Blegurinn á Þ-i myndar nokkrum sinnum umgjörð mynda, s.s.
  • í upphafi Kristindómsbálks á blaði 15v (9 inndregnar línur),
  • í upphafi Mannhelgi á blaði 19r (8 inndregnar línur),
  • í upphafi Kaupabálks á blaði 64v (9 inndregnar línur) og
  • í upphafi Þjófabálks á blaði 77v (8 inndregnar línur);
• H er sögustafur
  • í upphafi Landabrigðabálks á blaði 39r (8 inndregnar línur) og
  • í upphafi Rekabálks á blaði 60r (8 inndregnar línur);
• F í upphafi Þingfararbálks á blaði 12v (10 inndregnar línur);
• S í upphafi Erfðatals á blaði 30r (5 inndregnar línur);
• Z í upphafi Farmannalaga á blaði 71r (9 inndregnar línur);
• A í upphafi Kristinréttar á blaði 87v (8 inndregnar línur).

Stafir með boga- og laufmynstri:

• F í upphafi Kvennagiftinga á blaði 28r (7 inndregnar línur) er álíka íburðarmikill og sögustafirnir.
• E í upphafi Búnaðarbálks (Landsleigubálks) á blaði 42v (8 inndregnar línur) er einnig íburðarmikið en eins og fyrrnefnt F skreytt boga- og laufmynstri.

Minni upphafsstafir og minna skreyttir (3-6 inndregnar línur (yfirleitt 3)) eru í upphafi annarra bálka / kafla. Flestir eru með laufskreyti eða bogadregnu flúri sem dregið er út fyrir leturflötinn og meðfram honum, s.s. til dæmis:

• M og K á blaði 27v (3 inndregnar línur);
• N (tvenns konar) á blaði 70r (3 inndregnar línur);
• L á blaði 82r (6 inndregnar línur);
• Þ á blaði 71v (3 inndregnar línur).

Stafir með mannsandlitum eða fígúrum:

• Á blaði 14v: S (3 inndregnar línur) með drekaflúri
• Á blaði 69v: A (3 indregnar línur); göltur eða e.k. ferfætlingur er hluti af skreytingum A-sins.
• Á blaði 78v: Tvenns konar N (3 inndregnar línur). Í þeim eru mannsandlit.

Rauðritaðar fyrirsagnir eru alls staðar við upphaf bálka / kafla.

• Á fremra saurblaði fjallar Jón Eiríksson um innihald og aldur.
• Blöð 1-11 eru viðbót frá 17. öld.
• Rúnastafróf er á blaði 46v og með rúnum er ritað á blað 103v Jón Ólafsson á mig. Á sama blaði og á blaði 46r er setningin einnig með latnesku letri.
• Nafnið Gudda Magnúsardóttir er á blaði 63r .
• Í upphafsstafinn A á blaði 87v hefur verið skrifað : Jón Þorláksson á.
• Lítt læsilegar spássíugreinar eru á blöðum 74r, 82r, 87r og 103r.

Handritið er skrifað á Íslandi á fjórtándu öld en viðbætur á sautándu öld (sbr. Katalog KB bls 70-71).

Handritið var keypt á uppboði hjá Hegerlund, 1786.

Stofnun Árna Magnússonar á Íslandi tók við handritinu ?