„Vér Stephán með guðs náð biskup í Skálholti gjörum góðum mönnum kunnigt …“
„… Og til sannenda hér um festum vér vort innsigli með þessara dándi manna innsiglum skrifað í sama stað, degi og ári sem fyrr segir.“
Íslenzkt fornbréfasafnVIII. nr. 483, bl. 632-634. Reykjavík 1906-1913
Lofunarbréf og bókareiður Björns Guðnasonar við Stephán biskup (DI VIII:632). Síðustu línur bréfsins eru með annarri hendi þar sem taldir eru upp vottar að gjörningnum en þeir eru: Narfi ábóti, bróðir Ögmundur í Viðey, Vigfús Erlendsson lögmaður, síra Einar Snorrason, og séra Helgi Jónsson. Nokkrar afskriftir eru til af þessu bréfi, sjá DI VIII:632.
Óþekktir skrifarar.
Á blaði 1v með annarri hendi en bréfið: „lofan biorns gudnasonar vid biskup stefan“.
Umbúðir frá 1996 eða fyrr (370 mm x 290 mm x 9 mm).
Af sex innsiglum er eitt varðveitt og einn innsiglisþvengur að auki.
Bréfið var skrifað á Íslandi.
Bréfið var skrifað í Ögri 21. ágúst 1517.
Stofnun Árna Magnússonar á Íslandi tók við bréfinu í desember 1996.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1996 eða fyrr.
Eldri umbúðir, einföld mappa úr brúnum pappír, liggur með í öskjunni.