„Það gjöri ég Jón prestur Jónsson góðum mönnum kunnigt með þessu mínu opna bréfi …“
„… í Árnesi í Trékyllisvík festum beati thorlaci episcopi confessoris anno domini þúsund fimmhundruð átta.“
Íslenzkt fornbréfasafnVIII. nr. 214, bl. 256-257. Reykjavík 1906-1913
Jón Jónsson tekur í umboði Ólafs Gilssonar prófasts á Ströndum bókareið af Jóni Dagstyggssyni um það að hann hefði aldrei hnykkt eða jarðvarpað, slegið eða dregið Einar heitinn Bjarnason, og að engri sinni tilverkan hefði Einar þurft að flýja samvistir við Þórkötlu konu sína (DI VIII:256).
Skrifari óþekktur.
Umbúðir frá 1996 eða fyrr.
Ekkert innsigli er varðveitt.
Bréfið var skrifað á Íslandi.
Í niðurlagi bréfsins kemur fram að það var skrifað í Árnesi í Trékyllisvík 23. desember 1508.
Stofnun Árna Magnússonar á Íslandi tók við bréfinu í desember 1996.
Gert var við bréfið og búið um það í nýjum umbúðum af forvörðum á viðgerðarstofu Det Arnamagnæanske Institut í Kaupmannahöfn árið 1996 eða fyrr.
Eldri umbúðir, einföld mappa úr brúnum pappír, liggur með í öskjunni.