Skráningarfærsla handrits

• Á blöðum 7r-14v sést upprunaleg blaðmerking ekki lengur eða er að mestu afmáð. Blöð 15-28 bera blaðsíðutal á rektósíðum.
• Síðari tíma blaðmerking er í vinstra horni neðst (með bleki), 7-28 (pappírskverið fremst er ónúmerað en minnir á efni fyrri hlutans í AM 748 I a 4to).

Fjögur kver.

• Kver I: blöð 1-6; 3 tvinn (pappír).
• Kver II: blöð 7-14; 4 tvinn (skinn).
• Kver III: blöð 15-24; 4 tvinn + 2 stök blöð (skinn).
• Kver IV: blöð 25-28; 2 tvinn (skinn).

• Eindálka.
• Leturflötur er ca 155-165 null x 110-120 null.
• Línufjöldi er ca 35.
• Víða má sjá línumerkingar; örmjóar rifur hafa verið ristar á ytri spássíu.
• Rauðar fyrirsagnir
• v á spássíu er merki um vísu í textanum.

• Glatast hefur úr handritinu á eftir blöðum 8 og 12.
• Fyrirsagnir með rauðum lit eru víða ill- eða ólæsilegar (sbr. t.d. blöð 14v og 22r).
• Ytri spássía hefur verið skorin af blaði 8 en að því er virðist án þess að skerða textann.
• Neðri spássía hefur verið skorin af blaði 23; texti virðist óskertur.
• Blekblettir eru á blaði 16v.
• Saggablettir eru víða á blöðum (sbr. t.d. blöð 7 og 25).

• Fyrirsagnir eru með rauðu bleki (sjá t.d. blað 26r). Fyrirsögn Íslendingadrápu Hauks Valdísarsonar er með svörtu bleki (sjá t.d. blað 28r).

• Upphafsstafir eru með rauðu og grænu bleki (sjá t.d. blöð 18v-19r).

• Upphafsstafir og ýmiss konar tilvísunarmerki eru víða á spássíum (sbr. t.d. blað 13v-14r og 15v-16r).
• Ýmiss konar spássíuskrif með síðari tíma höndum, þar á meðal hugsanlega e-k nafnalisti á neðri spássíu blaðs 15r; þar er einnig endurtekið e-k ákall til Guðs heillan í Guði… sem einnig er á blaði 8v. Talið er hugsanlegt að handritið hafi verið kennslubók þar sem á neðri spássíu blaðs 25r stendur: Guð gef mér aða læra þessa bók með öðru góðu en hún er vond. Guð faðir miskunni…

Þrír seðlar merktir ''a', 'b', 'c' eru á milli saurblaðs og blaðs 1r:

• Seðill 'a' stendur fyrir seðil 'a' sem fylgir AM 748 I a 4to (tilheyrir blöðum 1-6).
• Seðill 'b' stendur fyrir seðil 'b' sem fylgir AM 748 I a 4to (tilheyrir blöðum 1-6).
• Seðill 'c' stendur fyrir seðil 'c' sem fylgir AM 748 I a 4to (tilheyrir blöðum 1-6).

Handritið er skrifað á Íslandi og það er tímasett til ca 1300-1325 (sjá  ONPRegistre , bls. 464), en um 1300 í  Katalog II , bls. 174-175.

Samkvæmt handritaskrá Árna Magnússonar (AM 435 a 4to, blöð 93v-95r; sjá hér að neðan) fékk hann handritið að gjöf árið 1691 frá séra Halldóri Torfasyni á Bæ (Gaulverjabæ) í Flóa. Þá var utan um það kápa er áður hafði verið notuð utan um verk eftir Lipsius og Árni telur óefað komna úr bókasafni Brynjólfs Sveinssonar biskups. Í handritinu sjálfu er ekki miklar upplýsingar að fá. Á blaði 15r er á spássíu röð mannanafna, að hluta með bæjarnöfnum (17. öld). Grein á blaði 25r bendir til að handritið hafi verið notað sem kennslubók (um 1600). Vísa hefur verið skrifuð á blað 8r (um 1600).

Stofnun Árna Magnússonar á Íslandi tók við handritinu 27. nóvember 1996. Fyrri hluti þess (AM 748 I a 4to) er á Det Arnamagnæanske Institut í Kaupmannahöfn.

• Svart-hvítar ljósmyndir á Det Arnamagnæanske Institut í Kaupmannahöfn.
• Ljósprentað í Corpus Codicum Islandicorum Medii Ævi 17 (1945).