Skráningarfærsla handrits

• Aðalmerki: Kanna með einu handfangi (bl. 1, 2, 3).
• Á tvinni sem heldur utan um handritið er mótmerki „PDB“, sennilega af Skjaldarmerki Amsterdam (sjá t.d. AM 716 a 4to).

Blaðsíðumerking á efri ytri spássíu með svörtu bleki 1-8, síðari tíma viðbót.

Fjögur stök blöð sem hafa síðar verið fest saman til að mynda 2 tvinn.

• Eindálka.
• Leturflötur er 165 mm x 115 mm.
• Línufjöldi er 27-29.
• Griporð, pennaflúr.

• Blöð eru dökk og snjáð.
• Blöð eru flest óskorin.
• Blettótt.
• Eldri viðgerðir.
• Bleksmitun (bl. 4v).

Ein hönd, óþekktur skrifari, fljótaskrift.

Sami skrifari og í AM 716 a 4to, AM 716 b 4to, AM 716 i 4to og AM 716 k 4to (sbr. Katalog II, bls. 133-135).

Stafir í upphaf rímna eru dregnir aðeins stærri.

Skreyting við eða umhverfis griporð.

Ígildi bókahnúts, lykkja (bl. 4r).

• Á bl. 4v hefur síðari tíma hönd bætt við tveimur erindum.
• Síðari tíma hönd hefur bætt við númerum við erindin.

• Á tvinni sem er utan um handritið stendur með hendi Árna Magnússonar: „Ljómur.“
• Laus seðill frá forverði í Kaupmannahöfn: „AM 716 h 4to. Restaureret og indbundet af Birgitte Dall dec. 1978. Vedlagt: Gammelt bind.“

Handritið er skrifað á Íslandi og er tímasett til 17. aldar (sjá Katalog II, bls. 137).

Handritið var áður hluti af stærri bók. Í þeirri bók voru einnig blöð sem nú eru í AM 716 a 4to og AM 716 b 4to.

Árið 1730 voru blöðin hluti af No. 716 in 4to (sbr. AM 456 fol., 27r-v; AM 477 fol., 48v-49r). Þá voru einnig eftirfarandi kvæði í No. 716 in 4to, sem eru ekki lengur til: Píslarminning eignuð Kolbeini Grímssyni, upphaf: „Sárt er sverð í nurum“, Harmagrátur, upphaf: „Einn Guð almáttugur“ og Hugræða, upphaf: „Einn og þrennur allsvaldandi herra“, öll með einni hendi, með settaskrift.

Stofnun Árna Magnússonar á Íslandi tók við handritinu 10. október 1979.

Svart-hvítar ljósmyndir á Det Arnamagnæanske Institut í Kaupmannahöfn.