Detaljer om håndskriftet

Hver meginefnisþáttur er skrifaður með sinni hendi og með nokkuð misjöfnum hætti.

Rauðir upphafsstafir í fyrri hluta (bl. 1-49) og frá bl. 82 eru upphafsstafir í ýmsum litum.

Rauðritaðar fyrirsagnir í fyrri hluta (bl. 1-49) og aftur frá bl. 82.

• Hér og þar eru seinni tíma spássíugreinar.
• Á neðri spássíu bl. 59v er skrifuð með sérstakri hendi grein um allda tal.
• Á neðri spássíu bl. 68v er trúarkvæði í fjórum línum.
• Á ytri spássíu bl. 72v er eftirfarandi grein með hendi frá 16. öld: fod bok er imbegla þat vil ecſna ſem hana ſkilur vel
• Á spássíum er og að finna ýmis mannanöfn. Á bl. 11r með sérstakri hendi frá um 1400: magnus palls ritadi mik. Á 55r með hendi frá um 1600: Olafur Skvlaſon. Á bl. 2r með 17. aldar hendi er Jón Oddsson sagður eigandi og á bl. 67v er greint frá afsali hans á handritinu til Ólafs Magnússonar með því skilyrði að það gangi síðan til Jóns Ólafssonar.

Árni Magnússon skrifar efnisyfirlit og þrjá seðla.

Bl. 1r-49v eru tímasett til c1300-1325, en bl. 50r-77r13 og 77v-98v til c1470 (sjá  ONPRegistre , bls. 457). Handritið er hins vegar tímasett til um 1400 í  Katalog II , bls. 39.

Árni Magnússon fékk handritið frá Jóni Árnasyni skólameistara, en hann frá séra Jóni að Stað, syni Ólafs Magnússonar á Reykjarhóli (sbr. seðil og AM 435 a 4to). Ólafur fékk handritið frá Jóni Oddssyni (sbr. spássíugreinar).

Stofnun Árna Magnússonar á Íslandi tók við handritinu 24. apríl 1992.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í juni 1977.