Skráningarfærsla handrits

• Aðalmerki: Tvöfaldur kross með kórónu efst (bl. 1, 3, 6, 8, 9, 12).

Vatnsmerki á auka tvinni er stórt skjaldarmerki Amsterdam. (Sama vatnsmerki finnst á innri saurblöðum AM 410 4to.)

Handritið er blaðsíðumerkt 1-21, síðari tíma viðbót.

Tvö kver:

• Kver I: 1-8 (1+8, 2+7, 3+6, 4+5), 4 tvinn.
• Kver II: 9-12 (9+12, 10+11), 2 tvinn.

• Eindálka.
• Leturflötur er 170 mm x 130 mm.
• Línufljöldi er 26-30.
• Tvö skástrik marka enda rímna-línu.
• Leturflötur er afmarkaður með þurroddi við ytri spássíu.
• Griporð á bl. 8v, pennaflúruð.
• Síðustu orð á síðu hanga á stöku stað undir leturfleti.

• Blettir við jaðar.
• Bleksmitun.

Séra Jón Pálsson, fljótaskrift en latína er með snarhönd. (

Sama hönd og AM 410 4to.)

Upphafsstafir blekdregnir skrautstafir (1-2 línur).

Fyrirsagnir og fyrsta lína rituð í kansellískrift.

Skreyting við eða umhverfis griporð.

Lítill bókarhnútur á bl. 11r.

Jaðar hefur verið litaður dökk blár.

Spássíugrein frá 18. öld á bl. 1r þar sem vísað er í „Specimen Runicum“ Magnúsar Ólafssonar um hver höfundur rímnanna sé, „Sigurdus Cæcus“.

Eitt blað (203 mm x 156 mm) fremst með hendi Árna Magnússonar: „Ólafs rímur Tryggvasonar Sigurðar blinda. Fengnar 1712 í octobri hjá monsieur Þormóði Torfasyni, og voru þá innbundnar framan við annála. Tvenna, gamla og Björns á Skarðsá. Eru (sem mér sýnist) með hendi eins skrifara herra Þorláks biskups á Hólum, og var bókin öll með sömu hendi rituð.“

Skrifað á Íslandi með hendi skrifara Þorláks Þórðarsonar biskups (sbr. seðil), en handritið er tímasett til 17. aldar í Katalog II, bls. 12.

Var áður hluti af stærra handriti þar sem í voru Annálar Björns á Skarðsá, bundnir aftan við (sbr. seðil). Einnig voru blöð sem nú eru í AM 410 4to í þessu handriti.

Árni Magnússon fékk blöðin frá Þormóði Torfasyni í október 1712 (sbr. seðil).

Árið 1730 voru blöðin hluti af No 606 in 4to (sbr. AM 456 fol., bl. 24r; AM 477 fol., 42r).

Stofnun Árna Magnússonar á Íslandi tók við handritinu 23. janúar 1984.

• Svart-hvítar ljósmyndir á Det Arnamagnæanske Institut í Kaupmannahöfn.
• Filma á handritadeild Landsbókasafns Íslands-Háskólabókasafns.