Detaljer om håndskriftet

• Handritið hefur verið blaðmerkt síðar með rauðu bleki 1-41.

Níu kver.

• Kver I: bl. 1-8, 4 tvinn.
• Kver II: bl. 9, stakt blað.
• Kver III: bl. 10, stakt blað.
• Kver IV: bl. 11-14, 2 tvinn.
• Kver V: bl. 15, stakt blað.
• Kver VI: bl. 16-23, 4 tvinn.
• Kver VII: bl. 24-31, 4 tvinn.
• Kver VIII: bl. 32-37, 3 tvinn.
• Kver IX: bl. 38-41, 2 tvinn.

• Eindálka.
• Leturflötur er ca 140-150 mm x 110-115 mm.
• Línufjöldi er 26-29.
• Upphafsstafir kafla og fyrirsagnir ná stundum út fyrir leturflöt.

• Vantar framan og aftan af handritinu og á eftir bl. 15 (1 blað), 34 og 37.
• Upprunaleg skrift skafin burt af bl. 9v, 16r, 23v, 24r, 31v, 32r og 37v.
• Handritið er víða máð og illlæsilegt. Sjá til dæmis bl. 1r-2r, 14r, 24v, 31r, 34r.
• Vatnsskemmdir eru allvíða.
• Göt eru á bl. 11, 33, 41.

Óþekktur skrifari, textaskrift.

Rauðir upphafsstafir.

Rauðritaðar fyrirsagnir.

• Brot úr rímum með 17. aldar hendi á bl. 9r,16r og 23v-24r og eyðufylling með sömu hendi á bl. 37v.
• Bl. 2r: Nafn eiganda frá 17. öld (sjá feril).
• Bl. 5v og 16v: Klausur frá um 1500 sem innihalda mannanöfn (sjá feril).
• Ýmsar illlæsilegar spássíugreinar, að mestu frá 17. öld.
• Fyrirsagnir o.þ.h. á spássíum með hendi Árna Magnússonar.

Þrír seðlar fremst:

• Fastur seðill (101 mm x 108 mm) fremst með efnisskrá handritsins með hendiÁrna Magnússonar („“): „Vémundar saga og Víga skútu, vantar upphafið. Gullþóris saga, vantar í. Ljósvetninga saga, vantar endann.“
• Tveir fastir seðlar (208 mm x 156 mm) sem mynda tvinn með uppskrift rímu af bl. 9r, með hendi Árna Magnússonar („“), og uppskrift texta af bl. 8v, frá fyrri hluta 19. aldar, e.t.v. með hendi Þorsteins Helgasonar ( Katalog I 1889:712 ).
• Stafrétt uppskrift af útsköfnu blöðunum, sem var gerð með aðstoð kemískra efna í lok 19. aldar, fylgir í sérstöku hólfi í öskjunni sem handritið liggur í.
• Laus seðill frá Kaupmannahöfn með upplýsingum um forvörslu.

Handritið var skrifað á Íslandi. Það er tímasett til um 1400 ( Katalog I 1889:712 ).

Þorlákur Skúlason biskup hefur átt handritið, skv. því sem dóttir hans, Elín Þorláksdóttir, sagði Árna Magnússyni árið 1702 (sbr. AM 435 a 4to). Á spássíum koma fyrir nöfnin Guðrún og Gísli Guðmundsson, frá um 1500 (5v og 16v), og nafn eiganda, Ólafs Ólafssonar, frá 17. öld (2r).

Stofnun Árna Magnússonar á Íslandi tók við handritinu 30. mars 1976.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir af bl. 16v-32r (Þorskfirðinga sögu) á Stofnun Árna Magnússonar á Íslandi.