Detaljer om håndskriftet

Blaðmerking með hendi Árna Magnússonar.

• Einn dálkur.
• Línufjöldi er 24-25 línur á hverri síðu.

Vantar í handritið.

Ein hönd, æfð og falleg.

Teikning af karli í herklæðum á spássíu bl. 19v.

Skreyttir upphafsstafir bálka (1r, 36r), sex línur að stærð.

Rauðir og bláir upphafsstafir í upphafi hvers kafla, tvær eða þrjár línur að stærð, margir með hala niður eða upp eftir spássíu.

Rauðar kaflafyrirsagnir með hendi skrifarans.

Víða spássíugreinar (t.d. 10r og 16v).

• Seðill 1 (202 mm x 157 mm): „Þetta blað num. 14 fékk ég 1703 af Jóni nokkrum Einarssyni, heimilismanni í Garði á Suðurnesjum. Þar með fylgdi blað úr Grágás í sama slags formi sem þetta, og með líkri skrift, þó eigi hinni sömu, sem mér virðist. Höfðu þessi 2 blöð verið utan um kver, og vissi maðurinn ekkert til, hvaðan þau til sín komin væru. Jón þessi var annars kynjaður norðan úr landi.“
• Seðill 2 (138 mm x 98 mm): „Þetta blað númer 27 er komið frá Vilhjálmi, er var á Kirkjubóli, til þess er ég fékk það af 1706.“

Skrifað skömmmu eftir lögtöku Jónsbókar, hugsanlega á bilinu 1281-1294 (sjá  ONPRegistre , bls. 445). Í  Katalog I bls. 421, er það hins vegar tímasett til um 1300.

Af spássíugrein á bl. 16v má ráða að handritið hafi verið eign Jóns Hallgrímssonar á Eyrarlandi  í Eyjafirði um miðja 17. öld. Um sama leyti skrifar Bjarni Jónsson nafn sitt neðst á bl. 1r.

Ekki er ljóst hvernig Árni Magnússon eignaðist meginhluta handritsins, en þau blöð eru vel farin þótt í brotum hafi að líkindum verið notuð utan um bækur. Blað 14 fékk Árni árið 1703 hjá Jóni Einarssyni heimilismanni í Garði á Suðurnesjum, en blað 27 árið 1706, hjá Vilhjálmi sem var á Kirkjubóli (sbr. seðla).

Stofnun Árna Magnússonar á Íslandi tók við handritinu 11. júlí 1981.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í februar 1973.