Skráningarfærsla handrits

Pappír með vatnsmerkjum.

Vatnsmerki 1. Aðalmerki: Fangamark CHVORK, fyrir ofan er Hermans orf flagg og ártal 1670 fyrir neðan // Ekkert mótmerki (1-3, 5, 8, 10-11, 13).

Vatnsmerki 2. Aðalmerki: Dárahöfuð, 4 stórar bjöllur á kraga, stór Hermes kross og 3 stórir hringir á staf (18-20, 24) // Mótmerki: Fangamark RONDEL (17, 21-23, 25-26).

Blaðmerkt með bleki 1, 5, 10… 20, 25 og 26. Blöðin á milli, þ.e. 2, 3, 4,… 6, 7, 8, 9… 11, 12, o.s.frv. eru merkt með blýanti.

5 kver:

• Kver I: spjaldblað - fylgigögn 1 (eitt tvinn + eitt blað)
• Kver II: bl. 1-16 (8 tvinn: 1+16, 2+15, 3+14, 4+13, 5+12, 6+11, 7+10, 8+9)
• Kver III: bl. 17-24 (4 tvinn: 17+24, 18+23, 19+22, 20+21)
• Kver IV: bl. 25-26 (1 tvinn: 25+26)
• Kver V: aftara saurblað 1 - spjaldblað (eitt tvinn)

• Eindálka.
• Leturflötur er ca 250-255 mm x 150-160 mm.
• Línufjöldi er ca 34-36.
• Kaflaskipting, 39 kaflar.

• Blettir eru víða á blöðum; texti þó yfirleitt læsilegur (sbr. t.d. 10v-12r).
• Texti á spássíum hefur sumstaðar skerts vegna afskurðar blaða, sjá t.d. blað 1v.

• Með hendi Hinriks Magnússonar.
• Kansellískrift.

Fyrsti höfuðstafur er ca 3 línur og fínlega skreyttur (bl. 1r). Aðrir höfuðstafir eru um 1-2 línur og eru minna skreyttir.

Fyrsta lína kafla er skrifuð með aðeins hærri og skreyttum stöfum.

• Aftast leysir Árni Magnússon úr upphafsstöfum skrifarans, með hendi um 1720: Hinrik Magnússon er bjó í Saurbæ (26v).
• Spássíugreinar, sbr. t.d. á blöðum 1v-2r.

• Fastur seðill (45 mm x 149 mm) á blaði 1r með hendi Árna Magnússonar: „Eyrbyggja saga. Úr bók er ég fékk af monsieur Jónasi Daðasyni.“
• Laus miði með upplýsingum um forvörslu bands.

Handritið er skrifað á Íslandi og tímasett til 17. aldar í  Katalog I, bls. 92, en virkt skriftartímabil skrifara var á s.hl. 17. aldar. Rannsóknir á vatnsmerkjum benda til þess að handritið hafi verið ritað eftir 1670.

Handritið var áður hluti af stærri bók (sbr. seðil). Í þeirri bók voru einnig blöð sem nú eru í AM 163 k fol., AM 163 i fol., AM 164 c fol. og AM 5 fol.. Jakob Benediktsson (1958, xviii-xix) hélt því fram að AM 108 fol. hafi verið í sömu bók og AM 129 fol., AM 163 k fol. og AM 164 c fol. en Beeke Stegmann telur líklegara að blöðin sem nú eru í AM 108 fol. hafi verið í öðru handriti sem Árni Magnússon fékk frá Jónasi Daðasyni Gam.

Árni Magnússon fékk bókina sem handritið tilheyrði frá Jónasi Daðasyni (sjá seðil).

Stofnun Árna Magnússonar tók við handritinu 4. mars 1974.

• Svart-hvítar ljósmyndir á Det Arnamagnæanske Institut í Kaupmannahöfn.