Manuscript Detail

• Upprunaleg blaðmerking með dökku bleki, 1-48. Blöð 4 og 5 eru ómerkt.
• Síðari tíma blaðmerking með rauðu bleki, 1-51.

• Tvídálka.
• Línufjöldi er ca 48.
• Griporð undir dálkum.
• Eyður fyrir upphafsstafi.
• Bendistafir: W eða v á spássíu og á milli dálka er tákn um vísu í texta.
• Á blaði 6v má sjá dæmi um hvernig leturflöturinn er afmarkaður.
• Saga Þórðar hreðu og Vatnsdæla enda í totu, sbr. blöð 12r og 25r.

• Mörg blöð hafa verið skorin úr handritinu og blað 5 er skaddað vegna afskurðar.
• Á neðri spássíu blaðs 34v stendur hér vantar c. 2 blöð.
• Blöð 35 og 36 hafa ekki verið heil þegar á þau var skrifað.
• Á blaði 37r hefur textinn skaddast og stafir síðustu 6 lína í hægri dálki máðst burt að hluta.
• Blöð eru sum stökk og skítug, sjá til dæmis bl. 1r og 7r.

Með hendi Brynjólfs Jónssonar á Efstalandi., blendingsskrift.

Óþekktur skrifari skrifar niðurlag lokakafla Vatnsdæla sögu á blöðum 24v-25r, kansellískrift.

Síðasti kafli Vatnsdæla sögu er viðbót með yngri hendi.

• Seðill (195mm null x 145mm null) með hendi Jóns Ólafssonar úr Grunnavík er límdur á blað 2r: „Laxdæla sagan í þessari bók er progenies þeirrar membrana í folio sem Björn Magnússon gaf Thomæ Bartholino viger það víst. Hún kann þéna til samburðar, þar sem pergaments bókin er nú ólæs orðin. Þórðar hreðu saga. Egils saga í þessari bók er ekki tekin úr nefndri Björns Magnússonar membrana, er sumstaðar styttri og víða öðruvísi orðuð. Sýnist annars að vera víða rangt skrifuð. Vatnsdæla sagan virðist mér vera eins og þær almennilegu, id est, tekin úr Vatnshornsbókinni [Vatnshyrnu] sem nú á heima í Bibliotheca Reseniana Hafniæ en er hér afleitlega rangt skrifuð. “.
• Seðill (188 null x 142 null) með hendi Árna Magnússonar er límdur á blað 2r: „Mér virðist sama hönd á þessari bók, sem á Hungurvöku og Þorláks sögu er herra Þorlákur hefur látið skrifa á kálfskinn í 4to og ég nú á. Er svo líkast til að geta að herra Þorlák hafi ég þessa bók rita látið. Kannski hún sé komin frá Hólum með Þormóði Torfasyne Anno 1662. Mig minnir Thomæ Bangii nafn stæði á bókinni þar sem saurblaðið er nú raderað. En ég hefi fengið hana aftur [frá] Rosencrantz sem ég sé af numero 625 sem framan á saurblaðinu stendur. Hoc ultima scripti 1723.“

Handritið er skrifað á Íslandi. Talið er að Brynjólfur Jónsson hafi skrifað það fyrir Þorlák Skúlason biskup. Það er tímasett til 17. aldar í Katalog I , bls. 91.

Á seðli með hendi Jóns Ólafssonar úr Grunnavík eru athugasemdir um þrjár sagnanna og tengsl Laxdæla sögu og Egils sögu við fólíóhandrit sem Björn Magnússon gaf Thomas Bartholin. Vatnsdæla sögu telur Jón skrifaða eftir Vatnshyrnu í bókasafni Resens.

Árni Magnússon keypti bókina eftir Jens Rósencrantz 1695.

Hún er sennilega komin frá Hólum með Þormóði Torfasyni 1662.

Nafnið Thomas Bangius stendur innan á titilblaði.

Stofnun Árna Magnússonar tók við handritinu 8. nóvember 1973.

Stafrænar myndir á www.sagnanet.is.

Svart-hvítar ljósmyndir á Det Arnamagnæanske Institut í Kaupmannahöfn.