Skráningarfærsla handrits

Pappír með vatnsmerkjum. Aðalmerki: dárahöfuð með 5 meðalstórum bjöllum á kraga, Hermes kross?, 3 stórir hringir (IS5000-02-0113a_8), bl. 2, 5-6, aftasta saurblað í handriti. Stærð: 129 x 73 mm, fjarlægð á milli vatnslína á báðum megin vatnsmerkisins: 77 mm. Notað í 1651.

Handritið hefur verið blaðmerkt síðar, 1-7. Blað 8 er ótölusett.

Eitt kver: 10 blöð, 5 tvinn.

• Eindálka.
• Leturflötur er ca 235-240 mm x 135-115 mm.
• Línufjöldi er ca 26-29.
• Eyður fyrir upphafsstafi kafla.

• Bleksmitun: texti sést í gegnum blöðin.
• Dálitlar vatnsskemmdir en hafa ekki áhrif á texta.

Með hendi Jóns Erlendssonar í Villingaholti, hálfblendingsskrift.

Upplýsingar um eiganda á neðri spássíu bl. 1r (sjá feril).

Handritið var skrifað á Íslandi 1651 (sbr. skrifaraklausu á bl. 7v). Það var áður hluti af stærri bók (sbr. seðil í AM 113 b fol.).

Sr. Torfi Jónsson Dýrfirðingur í Gaulverjabæ átti bókina sem handritið tilheyrði (árið 1683?) og hafði erft hana eftir Brynjólf Sveinsson biskup (sbr. spássíugrein á bl. 1r og seðil í AM 113 b fol.). Árni Magnússon fékk hana frá Þorláki Þórðarsyni um 1690 og tók í sundur (sbr. seðil í AM 113 b fol.).

Stofnun Árna Magnússonar á Íslandi tók við handritinu 8. apríl 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Negatíf örfilma frá 1992 á Stofnun Árna Magnússonar á Íslandi, ljósmyndari Jóhanna Ólafsdóttir (askja 386).