Skráningarfærsla handrits

Pappír með vatnsmerkjum.

Vatnsmerki 1. Aðalmerki: Skjaldarmerki Amsterdam ( 1 , 3 , 5-6 , 9 , 10 , 12 , 14 , 17 , 18 ) // Mótmerki: Fangamark IB? ( 2 , 4 , 7-8 , 11 , 13 , 15 , 16 , Fangamörkin eru nokkuð óljós en virðast standa fyrir IB).

Handritið hefur verið blaðmerkt síðar, 1-18.

6 kver:

• I: spjaldblað - viðbót 1 (eitt tvinn + eitt blað)
• II: bl. 1-4 (2 tvinn: 1+4, 2+3)
• III: bl. 5-8 (2 tvinn: 5+8, 6+7)
• IV: bl. 9-16 (4 tvinn: 9+16, 10+15, 11+14, 12+13)
• V: bl. 17-18 (tvö blöð)
• VI: aftara saurblað - spjaldblað (eitt tvinn)

• Eindálka.
• Leturflötur er ca 285-292 mm x 165-170 mm.
• Línufjöldi er 38-45.
• Griporð.

Handritið hefur trosnað á jöðrum en gert hefur verið við það. Sumar spássíugreinar hafa skerst.

Óþekktur skrifari, fljótaskrift.

Pennaflúraðar fyrirsagnir og með stærra letri á bl. 1r, 4v, 1r, 9r, 13v, 16r.

Skreyttir upphafsstafir á bl. 1r (S), 4v (K), 9r (G), 13v (G), 16r (E).

Lítill bókahnútur á bl. 13v og 18v.

Sums staðar örlítið pennaflúr undir griporðum.

• Fastur seðill (147 mm x 146 mm) fremst með hendi Árna Magnússonar um uppruna handritsins. „Þessi Landnámabók er úttekin úr blöðum frá Sigurði Björnssyni lögmanni, hvar á voru Árna biskups saga og fleira. Er grei exemplar.“
• Athugasemd á miða sem límdur hefur verið innan á kápu um að héðan hafi verið tekinn seðill Árna Magnússonar og settur í AM 104 fol. þar sem hann á heima.
• Laus seðill frá Kaupmannahöfn með upplýsingum um forvörslu.

Handritið var skrifað á Íslandi. Það er tímasett til ca 1600-1677, en til 17. aldar í Katalog I , bls. 73. Það var e.t.v. áður hluti af stærri bók sem innihélt AM 217 a fol., AM 217 b fol., AM 217 c fol. og Eddukvæði (sbr. bl. 1r í AM 217 a fol.).

Uppskrift byggð á AM 104 fol. og eftirgerðum þess.

Árni Magnússon fékk handritið úr blöðum frá Sigurði Björnssyni lögmanni, en þau blöð eru nú flest í AM 217 a-c fol.. Sigurður erfði blöðin eftir tengdaföður sinn Sigurð Jónsson lögmann í Einarsnesi, sem átti bókina sem þau tilheyrðu (sbr. bl. 1a í AM 217 a fol.).

Stofnun Árna Magnússonar á Íslandi tók við handritinu 11. september 1974.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Ljósprent í Landnámabók. Íslenzk Handrit, Series in folio III (1974).