Skráningarfærsla handrits

Skinn.

Eindálka. 13 meginlínur. Nokkrar línur skrifaðar með smærra letri á fyrri síðu.

Leturflötur er 270 mm x 216 mm.

Blek er að hluta nokkuð máð. Bl. 1r er ljósara og skýrara. Línur af saumgötum fyrir miðju. Efsti hluti blaðs og hluti af texta og nótum hefur verið skorinn af. Sumir af litunum sem myndin var máluð með hafa innihaldið tærandi efni sem hafa slitið skinnið. Það hefur valdið því að göt komu á skinnið og litirnir hafa fölnað.

Óþekktur skrifari.

Upphafsstafurinn G er mynd af Ólafi dýrlingi í hásæti. Utan um stafinn fléttast vafningar með laufblöðum sem eru teiknuð með svörtum línum á skinnið. Stærri laufblöðin er skyggð með rauðu. Út frá þeim koma smærri lauf með grænum æðum. Ólafur hefur rauða kórónu og ljósan geislabaug. Litur kyrtilsins er fölnaður, en hann gæti hafa verið grænleitur. Skikkja hans, daufrauð, er tekin saman í hálsmáli með skrautnál. Hann er í rauðtíglóttum skóm og með ljósa hanska. Í hægri hönd heldur hann á öxinni Hel en á bók í vinstri. Öxlin er með brúnleitt axarskaft en gráblátt blað með rauðri egg. Ólafur situr á bekk með hvítleitri sessu. Sætið er gulleitt með bláu þverbandi. Bókin er í blágráu textaspjaldi. Á því eru sex rauðir deplar. Ólafur er með skegg og hátt enni. Bakgrunnur er blár.

Stærri upphafsstafir grænir. Rautt dregið í aðra upphafsstafi. Rauðar fyrirsagnir og nótur dregnar á rauðar línur.