Skráningarfærsla handrits

Blöð bókarinnar bera merki slits og raka og eru mörg hver máð og dökk. Þau virðast hafa orðið fyrir skemmdum eftir að þau voru sett í kápuna. Víða eru göt og rifur og einnig skemmdir á blaðhornum. Skinnbætur hafa verið saumaðar á horn bl. 83 (efst), 93-94, 97 og 98 (neðst) og áþekkar skinnbætur virðast hafa verið á bl. 64, 85-87 og 90-92.

Ein hönd að mestu, vönduð og lítillega flúruð bréfaskrift með nokkrum stílbrigðum. Aðrar hendur virðast leysa hana af hólmi á bl. 58v-59r og 74v-76r. (Viðbætur á bl. 88r-89v, 95r-96v, 99r-120v og skinnbótum með hendi frá fyrri hluta 16. aldar).

Rauðritaðar fyrirsagnir.

Litaðir upphafsstafir.

• Bl. 88r-89v, 95r-96v og 99r-120v innskotsblöð með hendi frá fyrri hluta 16. aldar. Með sömu hendi eru eyðufyllingar á skinnbótum á bl. 83 (efst), 93-94, 97 og 98 (neðst) og textaviðbót á spássíu bl. 48v.
• Merkt við fall Gunnars á bl. 49v, í í kringum 1500.
• Spássíugrein á bl. 58v með hendi frá um 1400: fra kara ok nıal&ſsonu m .
• Spássíugrein á bl. 84v með hendi frá 17. öld: Gvnlaugur Orms..
• Spássíugreinar með sömu hendi og eyðufyllingar, eða samtímahendi: Jon Bıanaſon heur þetta klorat, markus hallz ſon ert om ur , ave maia og sennilega önnur bæn.
• Titlar á bl. 1r með hendi frá 18. öld: Niala og Nihala, og með sömu hendi: Bibliothecæ Regiæ Sub Littera G.

Tímasett til um 1300 (viðbætur til fyrri hluta 16. aldar) í Katalog KB , bls. 55-56 (sjá einnig ONPRegistre , bls. 472).

Handritið var fyrrum í eigu Brynjólfs Sveinssonar biskups og gaf hann því nafnið Gráskinna (sbr. athugagrein Árna Magnússonar?)). Í skrá Þormóðs Torfasonar um handrit send Konunglegu bókhlöðunni í Kaupmannahöfn frá Íslandi árið 1662, er getið annars vegar um Njali cujusdam historia mutila, quarto, er Brynjólfur biskup sendi, og hins vegar Njali historia mutila, quarto, sem komið er frá Þormóði sjálfum. Sennilegt virðist að fyrrnefnda handritið sé Gráskinna og hið síðarnefnda sé annaðhvort GKS 2868 4to eða GKS 2869 4to, en hugsanlegt er einnig að þessi tvö síðastnefndu handrit, sem eru um margt áþekk að gerð og broti og geyma ekki sama texta, hafi verið sett saman í eina bók.

Stofnun Árna Magnússonar á Íslandi tók við handritinu 10. nóvember 1980.

• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi.