Skráningarfærsla handrits

Handritið var blaðmerkt af Kålund með rauðu bleki, 1-18.

Fjögur kver.

• Kver I: bl. 1-3, stök blöð.
• Kver II: bl. 4-9, 3 tvinn.
• Kver III: bl. 10-14, 2 tvinn og stakt blað (bl. 12).
• Kver IV: bl. 15-18, tvinn og 2 stök blöð (bl. 16 og 17).

• Eindálka.
• Leturflötur er ca 180-185 mm x 120-125 mm (fremsta blaðið er minna en hin og leturflötur minni, 175 mm x 115 mm).
• Línufjöldi er 33.
• Bendistafir á spássíum til að auðkenna vísur í texta, sjá bl. 2v, 9v, 10r, 12v, 18v og víðar.
• Leiðbeiningarstafir víða á spássíum, t.d. á bl. 4r, 7r, 10r, 11v-12r, 15r, 18v og víðar.

• Flest eru blöðin meira eða minna slitin, götótt, rifin og krumpuð. Síst sködduð eru bl. 1, 3, 4, 6, 11 og 13-15.
• Mikið hefur verið skorið af blöðum 16-17 og er ekki nema lítill hluti þeirra eftir.
• Textinn á bl. 3 er sérstaklega illa farinn.
• Saumgöt á neðri spássíu blaðs 7.

Með hendi Hauks Erlendssonar, textaskrift undir nokkrum áhrifum frá léttiskrift (Guðvarður Már Gunnlaugsson 2007).

Upphafsstafir í ýmsum litum, mest rauðum. Stærstir á bl. 8v (N) og 11r (H). Sá síðarnefndi er í grænum lit með rauðu flúri.

Rauðritaðar fyrirsagnir.

Línufyllingar víða með rauðu (sjá t.d. bl. 7r, 5r, 10v, 14r og víðar).

• Handritið er skrifað á Íslandi og tímasett til ca 1302-1310 (sjá  ONPRegistre , bls. 452), en til um 1300 í  Katalog I, bls. 589.
• Upprunalega hefur þetta handrit átt heima með AM 544 4to og AM 675 4to og hafa þau saman myndað eina bók sem kennd er við skrifarann og kölluð Hauksbók.
• Í handritaskránni í AM 435 a 4to, blað 111v og áfram, gefur Árni Magnússon yfirlit um efni allrar Hauksbókar (AM 371 4to, AM 544 4to og AM 675 4to).

Árni Magnússon fékk flest blöðin send til Kaupmannahafnar frá séra Ólafi Jónssyni, en faðir hans, séra Jón Torfason á Stað í Súgandafirði, fékk þau um 1660 frá Bjarna Indriðasyni í Skálavík. Jón tók þau í sundur og notaði utan um kver. Fjögur þessara blaða fékk Árni frá ýmsum stöðum á Íslandi eftir 1702. Áður virðast Jón Guðmundsson lærði og Brynjólfur Sveinsson biskup hafa notað þetta handrit, en Árni telur jafnvel að Brynjólfur hafi fengið það lánað frá Vestfjörðum (sbr. AM 435 a 4to, ff. 111v-115v).

Stofnun Árna Magnússonar á Íslandi tók við handritinu 6. júlí 1973.

• Svart-hvítar ljósmyndir á NorS Sprogsamlinger.
• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir af bl. 1-14 og sérstök mynd af bl. 2v, á Stofnun Árna Magnússonar á Íslandi, sem keypti þær af Arne Mann Nielsen í febrúar 1974.
• Ljósprent í  Manuscripta Islandica 5 (1960) og í  Íslenzk handrit. Series in fol. 3 (1974) .