Skráningarfærsla handrits

• Blaðsíðumerking 1-162 (bls. 15-16 eru tvítaldar (8bis)).

Ellefu kver.

• Kver I: blöð 1-8 + 8bis, 4 tvinn + 1 stakt blað.
• Kver II: blöð 9-16, 4 tvinn.
• Kver III: blöð 17-22, 2 tvinn+ 2 stök blöð.
• Kver IV: blöð 23-30, 4 tvinn.
• Kver V: blöð 31-38, 4 tvinn.
• Kver VI: blöð 39-46, 4 tvinn.
• Kver VII: blöð 47-54, 4 tvinn.
• Kver VIII: blöð 55-62, 4 tvinn.
• Kver IX: blöð 62-70, 4 tvinn.
• Kver X: blöð 71-79, 3 tvinn + 3 stök blöð.
• Kver XI: blöð 80-81, 1 tvinn.

• Eindálka.
• Leturflötur er ca 150-155 mm x 125-130 mm.
• Línufjöldi er ca 26.
• w eða v á spássíu er merki um vísu í textanum (sjá 48v-49v).
• Ónúmeraðar kaflafyrirsagnir eru á stöku stað (sjá t.d. á blöðum 10r og 17v-18r).

• Blöð eru víða blettótt og skítug (sjá t.d. blöð18v-19r).
• Blað 78 er minna en önnur blöð handritsins; innskotsblað skrifarans sjálfs.

• Með hendi séra Jóns Pálssonar (sbr. Jón Helgason, Nordæla. Afmæliskveðja til prófessors, dr. phil. og jur: Sigurðar Nordals (Rv.1956), 126-28), blendingsskrift.

• Á stundum er fyrsta lína eða orð við efnisskil með stærra og settara letri en meginmálið (sjá t.d. blöð1v og 7r).

• Nótur á bókfelli í eldra bandi.

• Titill á efri spássíu á blaði 1r er með yngri hendi: Eigla.

• Seðill (153 mm x 141 mm) skrifaður af ritara Árna Magnússona, með viðbót með hendi Árna sjálf: „Egils saga Skallagrímssonar fengin af Jóni Einarssyni. Úttekin úr bók er verið hafði í eigu herra Þorláks Skúlasonar 1621. Síðan hafði Guðbrandur Þoláksson gefið Jóni (nokkrum) Jónssyni bókina. Jón Jónsson, fékk síra Þorsteini Jónssyni (á Eiðum) hana 1662. En síra Þorsteinn Jónsson gaf hana Kristrúnu dóttur sinni 1678, á Eiðum. Jón prentari Snorrason meinar þetta sé hönd Halldórs á Sílastöðum í Kræklingahlíð. Skólameistarinn Magnús Markússon meinar það sé ekki hans hönd, og pretenderar þó hana grant að þekkja. Qvicqvid hit, þá skrifaði Halldór jafnlega rangt.“.

Handritið er skrifað á Íslandi og tímasett til ca 1600-1640, en til fyrri hluta 17. aldar í  Katalog I , bls. 648.

Það var áður hluti af stærri bók. Í þeirri bók voru einnig AM 380 4to, AM 404 4to og AM 446 4to. Jón Snorrason prentari áleit Halldór á Sílastöðum skrifara en Magnús Markússon skólameistari taldi svo ekki vera (sbr. seðil).

Uppskriftin er að hluta til eftir Aug. 9 10 4to í Wolfenbüttel (sbr. AM 450 a 4to) en einnig eftir AM 132 fol. AM 128 fol er hins vegar skrifað eftir AM 458 4to.

Árni Magnússon fékk handritið frá Jóni Einarssyni á Hólum, úr bók sem verið hafði í eigu Þorláks Skúlasonar biskups 1641. Guðbrandur Þorláksson gaf hana síðan Jóni Jónssyni, sem gaf hana séra Þorsteini Jónssyni á Eiðum 1662. Þorsteinn gaf hana svo Kristrúnu dóttur sinni á Eiðum,1678  (sbr. seðil).

Stofnun Árna Magnússonar á Íslandi tók við handritinu 17. mars 1995.

• Stafrænar myndir á www.sagnanet.is.
• Svart-hvítar ljósmyndir á Det Arnamagnæanske Institut í Kaupmannahöfn.
• Svart-hvítar ljósmyndir á Stofnun Árna Magnússonar á Íslandi, sem keypti þær af Arne Mann Nielsen í ágúst 1986. Á sama tíma keypti SÁM reneg.filmu af Det Arnamagnæanske Institut (askja nr. 270).