Detaljer om håndskriftet

• Tvídálka.
• Texti á bl. 151r-151v skrifaður í löngum línum þvert yfir síðuna.

Sögustafir á bl. 1v, 2r, 5v, 9r-v, 27r, 31r, 34r, 51r, , 61v, 67v, 91r og 107v, í upphafi bálka og annarra meginefnisþátta.

Upphafsstafur í mynd dreka á innskotsbl. 19r.

Pennaflúraðir upphafsstafir við önnur textaskil, margir með myndum af andlitum.

Rauðritaðar fyrirsagnir.

Viðbætur við texta:

• Bl. 18-23 innskotsblöð tímasett til ca 1500-1550 (sbr. ONPRegistre , bls. 442), bætt við í staðinn fyrir blöð sem hafa glatast.
• Bl. 152-156 innskotsblöð (eitt kver) tímasett til c1500-1525 (sbr. ONPRegistre , bls. 442).
• Innri dálkur á bl. 150v og bl. 151r-v, sem upprunalega var autt, skrifað ca 1500 (sbr. ONPRegistre , bls. 442).
• Formáli skrifaður ca 1500 (sbr. Katalog I , bls. 285) fyrir miðju á bl. 157v, sem annars er autt.

Aðrar viðbætur:

• Ýmsar áritanir á bl. 1r, sem upprunalega var autt.
• Spássíugreinar með gamalli hendi við kaflana í Kristinrétti Árna biskups á bl. 107v-121r, um það hvaðan hin ýmsu ákvæði laganna eru tekin. Einnig yngri spássíugreinar.

Handritið var skrifað á Íslandi. Meginhluti þess var skrifaður ca 1363, skv. áritun á bl. 149r, en viðbætur eru tímasettar til ca 1500 og fyrri hluta 16. aldar (sbr. ONPRegistre , bls. 442).

Björn Magnússon á Bæ á Rauðasandi átti handritið árið 1594 og ánafnaði þá bróður sínum (sbr. bl. 1r). Björn fékk handritið frá móðurföður sínum, Eggerti Hannessyni lögmanni, samkvæmt því sem Árni Magnússon segir standa með gylltum stöfum utan á gömlu bandi (sbr. AM 435 a 4to, bl. 176v-178r). Árni nefndi handritið Skarðsbók eftir syni Björns, Eggerti á Skarði. Árið 1697 eða 1698 fékk Árni handritið frá Þórði Jónssyni í Kaupmannahöfn, en hann hafði fengið það frá Þorsteini Þórðarsyni, móðurbróður sínum.

Stofnun Árna Magnússonar á Íslandi tók við handritinu 3. júní 1975.

• Svart-hvítar ljósmyndir á Det Arnamagnæanske Institut í Kaupmannahöfn.
• Ljósprent í Corpus Codicum Islandicorum Medii Aevi XVI (1943).
• Svart-hvítar ljósmyndir af bl. 9r, 9v, 91r og 107v á Stofnun Árna Magnússonar á Íslandi.