Handrit.is
 

Skráningarfærsla handrits

SÁM 100

Handrit hefur ekki verið myndað stafrænt

Rímur; Ísland, 1856

Nafn
Eiríkur Pálsson ; Prjóna-Eiríkur 
Fæddur
30. maí 1825 
Dáinn
10. mars 1900 
Starf
Skáld 
Hlutverk
Skrifari; Ljóðskáld; Höfundur 
Ítarlegri upplýsingar
Nafn
Halldór Steinmann 
Fæddur
25. desember 1866 
Dáinn
17. október 1962 
Starf
Verkamaður 
Hlutverk
Eigandi; Skrifari 
Ítarlegri upplýsingar
Nafn
Valgerður Hilmarsdóttir 
Fædd
15. maí 1956 
Starf
 
Hlutverk
Skrásetjari 
Ítarlegri upplýsingar
Tungumál textans
Íslenska

Innihald

1(1r-56r)
Rímur af Birni Hítdælakappa
Titill í handriti

„Rímur af Birni Hítdælakappa. 1ta ríma“

Upphaf

Langar mig við ljóðadís …

Aths.

Tólf rímur, ortar 1856 „fyrir Engilráð Stefánsdóttur“ (sjá nánar Rímnatal 1966: 82).

Efnisorð

Lýsing á handriti

Blaðefni
Pappír.
Blaðfjöldi
56 blöð (170-172 mm x 102 mm).
Tölusetning blaða

Seinni tíma tölusetning blaða með blýanti: 1-56. Blað 56v er upprunalega autt; nú þakið pennaprufum.

Kveraskipan

Sjö kver.

  • Kver I: blöð 1-8, 4 tvinn.
  • Kver II: blöð 9-16, 4 tvinn.
  • Kver III: blöð 17-24, 4 tvinn.
  • Kver IV: blöð 25-32, 4 tvinn.
  • Kver V: blöð 33-40, 4 tvinn.
  • Kver VI: blöð 41-48, 4 tvinn.
  • Kver VII: blöð 49-56, 4 tvinn.

Ástand
.

  • Blöð eru blettótt og notkunarnúin og sumstaðar hefur rifnað upp í tvinnin (sjá t.d. blöð 1-8).

Umbrot

  • Eindálka.
  • Leturflötur er ca 146-152 mm x 90-95 mm.
  • Línufjöldi er ca 24-26.

Skrifarar og skrift

Sennilega með hendi höfundar Eiríks Pálssonar; sprettskrift / snarhönd.

Skreytingar

Fyrirsögn og fyrsta lína rímu er með stærra letri en annars er á textanum (sjá t.d. blöð 29r og 39r).

Spássíugreinar og aðrar viðbætur

  • Á neðri spássíu blaðs 56r stendur skrifað með blýanti: „Eiríkur Pálsson á Tjarna[r]garðsh[orni]“ en þar bjó Eiríkur 1859-1861. Á blaði 56v eru ýmsar pennaæfingar þar sem fram koma meðal annars nöfnin: „E Pálsson á Völlum“ en Eiríkur bjó á hluta þeirrar jarðar 1857-1859; með sömu hendi eru rituð nöfnin: „Kristján Þorsteinsson“, „Jóhann Arnason“ og „Þórður“.
  • Á blaði 1r er áritun Jóns Borgfirðings „JBfi.“ og stimpill Halldórs Steinmanns Þorsteinssonar, „H. Steinmann.“

Band

Band (158-170 mm x 108-110 mm x 10 mm) er saumað í svarbrúna leðurkápu sem áður hefur verið utan um spjöld á annarri og aðeins minni bók. Strikun og hamrað mynstur má greina í kápunni.

Handritið liggur í grárri pappaöskju með SÁM 98, 99, 101, 102, 103, 104, 105 og 106.

Fylgigögn
Afhendingarlisti Kvæðamannafélagsins Iðunnar, dagsettur 15. september 2008. Miði með númeri handrits á afhendingarlista er einnig meðfylgjandi.

Uppruni og ferill

Uppruni

Handritið var skrifað á Íslandi og ef hér er um eiginhandarrit höfundar að ræða þá voru rímurnar ortar 1856 (sbr. Rímnatal 1966: 82).

Ferill
Handritið er gjöf frá Kvæðamannafélaginu Iðunni; tölusett sem nr. 216 á afhendingarlista (sjá: Fylgigögn). Það var í safni Halldórs Steinmanns Þorsteinssonar og hefur sennilega verið eiginhandarrit höfundarins (sjá nánar: Spássíugreinar og aðrar viðbætur).
Aðföng
Stofnun Árna Magnússonar á Íslandi fékk handritið, ásamt fleiri handritum, afhent til varðveislu þann 15. september 2008. Formleg afhending handritanna fór fram ári síðar, 15. september 2009, þegar Kvæðamannafélagið Iðunn fagnaði 80 ára afmæli sínu.

Aðrar upplýsingar

Skráningarferill

VH skráði í september 2010.

« »