Handrit.is
 

Skráningarfærsla handrits

SÁM 61 b

Handrit hefur ekki verið myndað stafrænt

Gögn úr búi Jóhanns Sigurjónssonar skálds; ýmiss konar efni; , 1899-1919

Nafn
Valgerður Hilmarsdóttir 
Fædd
15. maí 1956 
Starf
 
Hlutverk
Skrásetjari 
Ítarlegri upplýsingar
Tungumál textans
Danska

Innihald

1(1-8)
Ýmislegt
Höfundur

Jóhann Sigurjónsson

Aths.

Textinn er á dönsku og skriftin ekki sem læsilegust. Á fyrstu tveimur blöðunum (1-2) eru textar undir fyrirsögninni „Fra Rugepladsen“ og eru um „Æddefugle“ eða „Ædefugle“ (Eddefugle, Edefugle); á blaði 3 er fyrirsögnin „Moder kærlighed“. Fyrirsagnir á blöðum 4 og 5 eru illlæsilegar en á blaði 6r hefst frásögn undir fyrirsögninni „Fra Sakselven“. Sú frásögn er á blöðum 6-8.

Efnisorð

Lýsing á handriti

Blaðefni
Pappír.
Blaðfjöldi
8 blöð (303 mm x 195 mm) + 8 blaðleifar.
Tölusetning blaða
Blöð eru ótölusett.
Kveraskipan

Átta blöð sem upphaflega hafa myndað tvinn við blöð sem nú má sjá leifar af við kjöl.

Ástand

  • Blaðleifar sýna að blöð hafa verið skorin (klippt) úr heftinu.
  • Á kápu eru nokkrir hringlaga blettir eftir glös eða bolla og lítinn brunablett má rekja frá fremra kápuspjaldi, í gegnum textablokkina og að aftara spjaldi.

Umbrot

  • Eindálka.
  • Leturflötur er 275 mm x 195 mm.
  • Línufjöldi er 35 (áprentaðar línur).

Skrifarar og skrift

Jóhann Sigurjónsson; snarhönd.

Band

Stílabók (305 mm x 196 mm x 3 mm). Brúnleit pappakápa. Efst í vinstra horni á fremra kápuspjaldi er stimpill: „Regensbogen … Busck [og] Wisbech (Arnold Busck) København“. Á aftara spjaldi er annar stimpill: „Busck [og] Wisbech Arnold Busck Købmagergade 49 (ved Rundetaarn) Bobhandel Papirhandel. Kunsthandel Universitetslærebøger Leverandør til Regensens Brugsforening. Specialitet: Postpapir - Couverter (Prøver sendes gratis) Postkort.“

Handritið er í öskju með SÁM 61 a, c-e.

Fylgigögn

  • Gjafabréf í umslagi (tvö blöð (A4)) frá 12.12.1996. Bréfið er frá Sveini Einarssyni og í því greinir hann frá innihaldi handritanna SÁM 61a-e.
  • Kort í ómerktu umslagi frá Sigurði Nordal til Sveins Einarssonar þar sem hann arfleiðir Svein að gögnunum.
  • Vélritaður miði sem á stendur: „Gjöf frá Sveini Einarssyni 12.12.96.

Uppruni og ferill

Uppruni

Handritið er skrifað í Danmörku ca 1899-1919.

Jóhann Sigurjónsson var fæddur 1880 á Laxamýri. Eftir hann liggja ljóð, leikrit, smásögur og ævintýri. Meðal frægustu verka hans eru Fjalla-Eyvindur, Galdra-Loftur, Mörður Valgarðsson, Bóndinn á Hrauni og Rung læknir.

Handritið sem er í fimm hlutum (SÁM 61 a-e) varðveitir „aðdráttarkompur skáldsins, sem geyma margvíslegan fróðleik um vinnubrögð hans og þróunarferil einstakra skáldverka, t. d. Bóndans á Hrauni, Fjalla-Eyvindar og Marðar Valgarðssonar“(sbr. gjafabréf Sveins Einarssonar).

Jóhann Sigurjónsson dó 1919 (sjá Gunnar Gunnarsson 1940: 7-75).

Ferill

Sigurður Nordal fékk handritið að gjöf 1920 frá Ingeborg Sigurjónsson ekkju skáldsins.

Sigurður Nordal gaf síðan Sveini Einarssyni handritið og frá honum er það komið til Stofnunar Árna Magnússonar (sbr. gjafabréf).

Aðföng

Stofnunin fékk handritið afhent 12.12.1996.

Aðrar upplýsingar

Skráningarferill

VH skráði samkvæmt reglum TEIP5, 18. og 24. nóvember 2010.

Við skráningu var stuðst við eftirfarandi heimildir: Jóhann Sigurjónsson Ritsafn I-III 1980, Gunnar Gunnarsson, formáli 1980: 7-75; Helge Toldberg 1966; Jón Viðar Jónsson 2000: 6-7.

Notaskrá

HöfundurTitillRitstjóri / ÚtgefandiUmfang
Gunnar Gunnarsson 1940: 7-75
« »