Handrit.is
 

Skráningarfærsla handrits

SÁM 108

Handrit hefur ekki verið myndað stafrænt

Rímur; Ísland, 1850-1896

Nafn
Árni Sigurðsson 
Fæddur
1768 
Dáinn
17. desember 1838 
Starf
Bóndi 
Hlutverk
Ljóðskáld 
Ítarlegri upplýsingar
Nafn
Halldór Steinmann 
Fæddur
25. desember 1866 
Dáinn
17. október 1962 
Starf
Verkamaður 
Hlutverk
Eigandi; Skrifari 
Ítarlegri upplýsingar
Nafn
Valgerður Hilmarsdóttir 
Fædd
15. maí 1956 
Starf
 
Hlutverk
Skrásetjari 
Ítarlegri upplýsingar
Titilsíða

Rímur af Þorsteini Eitilssyni, sjá Ármannssögu frá 12.-14. kap. orktar árið1841.

Rímur af Hrólfi Gautrekssyni, ortar af Árna Sigurðssyni, fyrrum á Skútum, anno 1822.

Tungumál textans
Íslenska

Innihald

1(1r-38r)
Rímur af Þorsteini Eitilssyni
Titill í handriti

„1ta ríma, ferskeytt“

Upphaf

Hamingjan má hjálpa mér …

Niðurlag

„… ofaní þagnar skeiður.“

Aths.

Átta rímur; „ortar 1849“ (sjá nánar Rímnatal 1966: 429).

Blöð 38v-40v eru auð (blöð 39-40 eru blaðræmur).

Efnisorð
2(41r-112r (bls. 1-139))
Rímur af Hrólfi Gautrekssyni
Titill í handriti

„Fyrsta ríma“

Upphaf

Fylkir ríkur fyrr á öld …

Niðurlag

„… hverja stundu sælir.“

Aths.

Tólf rímur; upphaf með öðru móti í Rímnatali: Fylkiskóngur fyrr á öld …. Þar segir að rímurnar séu ortar 1822 fyrir Jón Flóventsson(sjá Rímnatal 1966: 260).

Blað 112v er autt.

Efnisorð

Lýsing á handriti

Blaðefni
Pappír.
Blaðfjöldi
112 blöð (170 mm x 103-105 mm).
Tölusetning blaða

Upprunalegt blaðsíðutal: Blaðsíðutal er á Rímum Hrólfs Gautrekssonar (1-139) en ekki Rímum Þorsteins Eitilssonar. Öll textablokkin var tölusett með blýanti: 1-112, 27.10.2010.

Kveraskipan

Fjórtán kver.

  • Kver I: blöð 1-8, 4 tvinn.
  • Kver II: blöð 9-16, 4 tvinn.
  • Kver III: blöð 17-24, 4 tvinn.
  • Kver IV: blöð 25-32, 4 tvinn.
  • Kver V: blöð 33-40, 4 tvinn (blöð 39-40 aðeins ræmur).
  • Kver VI: blöð 41-48, 4 tvinn.
  • Kver VII: blöð 49-56, 4 tvinn.
  • Kver VIII: blöð 57-64, 4 tvinn.
  • Kver IX: blöð 65-72, 4 tvinn.
  • Kver X: blöð 73-80, 4 tvinn.
  • Kver XI: blöð 81-88, 4 tvinn.
  • Kver XII: blöð 89-96, 4 tvinn.
  • Kver XIII: blöð 97-104, 4 tvinn.
  • Kver XIV: blöð 105-112, 4 tvinn.
Í fyrri hluta handritsins (blöð 1r-40v) eru kver upphaflega númeruð við kveraskil (á efri spássíu), þ.e. við lok fyrsta kvers á blaði 8v er tölustafurinn „1“ og „2“ á blaði 9r; „3“ er á blaði 16v og „4“ á blaði 17r o.s.frv. Ekki er um slíka kveratalningu að ræða í seinni hlutanum. Kver eru einnig númeruð síðar með blýanti á neðri spássíu við upphaf kvers (sbr. „(2)“ sjá blað 9r, „(3)“ sjá blað 17r o.s.frv.); þessi síðari tölusetning kvera á við um báða hluta.

Ástand
  • Klæðning á kápuspjöldum er snjáð og skinn á kili og spjaldhornum sömuleiðis.
Umbrot

  • Eindálka.
  • Leturflötur er ca 148-155 mm x 80-90 mm.
  • Línufjöldi er ca 20-23.
  • Kver eru númeruð (sjá nánar Kveraskipan: Aths.).

Skrifarar og skrift

Með einni hendi; hugsanlega þeirri sömu (?) og er á SÁM 104 og SÁM 105 sem skrifuð eru með hendi Jóns Jóhannessonar í Hleiðrargarði. snarhönd.

Skreytingar

Fyrirsögn og fyrsta lína rímu er með stærra letri en annars er á textanum (sjá t.d. blöð 14v og 105r).

Spássíugreinar og aðrar viðbætur

  • Framan á fremra saurblaði stendur: „Þórarinn Jónas Jónasson á Æsustöðum“. Nafn Þórarins kemur einnig fyrir á blaði 112v.
  • Stimpill Halldórs Steinmanns Þorsteinssonar „H. Steinmann“ er bæði á blaði 1r og blaði 41r.

Band

Band (1730 mm x 110 mm x 20 mm): Pappaspjöld eru klædd fjólubláum og svörtum marmarapappír; dökkbrúnt skinn er á spjaldhornum og kili.

Handritið liggur í grárri pappaöskju með SÁM 107, 109, 110, 111 og 112.

Fylgigögn
Afhendingarlisti Kvæðamannafélagsins Iðunnar, dagsettur 15. september 2008. Miði með númeri handrits á afhendingarlista er einnig meðfylgjandi.

Uppruni og ferill

Uppruni

Handritið var skrifað á Íslandi, sennilega á síðari hluta nítjándu aldar (ef skrifari er Jón Jóhannesson(?) (sjá Skrift:) þá dó hann 1896 (sbr. http://www.herak.is/static/files/Skjalaskrar/H%20skrar/H-11.pdf)).

Ferill
Bókin er gjöf frá Kvæðamannafélaginu Iðunni; tölusett sem nr. 224 á afhendingarlista (sjá: Fylgigögn). Upphaflega hefur hún verið í tveimur sjálfstæðum heftum. Hún hefur verið í eigu Jónasar Jónassonar á Æsustöðum því hún er merkt honum (sjá nánar: Spássíugreinar og aðrar viðbætur). Handritið var í safni Halldórs Steinmanns Þorsteinssonar.
Aðföng
Stofnun Árna Magnússonar á Íslandi fékk handritið, ásamt fleiri handritum, afhent til varðveislu þann 15. september 2008. Formleg afhending handritanna fór fram ári síðar, 15. september 2009, þegar Kvæðamannafélagið Iðunn fagnaði 80 ára afmæli sínu.

Aðrar upplýsingar

Skráningarferill

VH skráði í október 2010.

« »