Skráningarfærsla handrits

SÁM 72

Eddukvæði ; Ísland, 1743

Titilsíða

Edda Sæmundar prests hins fróða. Nú að nýju skrifuð af Árna Böðvarssyni, anno 1743. Edda Íslendinga. Samanskrifuð af spakvitrum Íslands fræðimeistara, Snorra Sturlusyni, með ágætum formála Guðmundar Andréssonar. Nú að nýju skrifuð af Árna Böðvarssyni, anno 1743.

Athugasemd
Akrabók

Innihald

1 (3r-82v)
Edda
Titill í handriti

Edda Íslendinga

Athugasemd

Fyrir aftan Eddu-efnið er viðbótarefni.

1.1 (3r-82v)
Fyrri partur Eddu
1.1.1 (3r-11v)
Formáli Guðmundar Andréssonar
Titill í handriti

Formáli Snorra-Eddu samsettur af Guðmundi Andréssyni

Upphaf

Þrennar finnast meiningar um það hvaðan Eddunafn hafi sín rök …

Niðurlag

… eftir fyrirsögn og formála sjálfs authoris Eddu, Snorra Sturlusonar

Efnisorð
1.1.2 (12r)
Formáli Magnúsar Ólafssonar
Titill í handriti

Edda Islandorum Anno Christi M.CC.XV. Primum conscripta per Snorronem Sturlæ. Filium Nomophylacem. Hvað Edda sé

Upphaf

Edda er íþrótt af forndiktuðum fróðra manna dæmisögum og margfundnum heitum hlutanna, …

Niðurlag

… birtast með þeim formála eður Pologo sem eftir fylgir.

Efnisorð
1.1.3 (12r-17r)
Prolougus Snorra-Eddu
Upphaf

Almáttugur Guð skapaði í upphafi himin og jörð og alla þá hluti sem þeim fylgja …

Niðurlag

… að þeirra tunga Asíumanna varð eigin tunga um öll þessi lönd.

Efnisorð
1.1.4 (17r-52r)
Gylfaginning
Titill í handriti

Gylfaginning kap. 1 eður dæmisaga

Upphaf

Gylfi kóngur réð þar löndum er nú heitir Svíþjóð …

Niðurlag

… svo sem sjá má og læra í seinna parti þessarar bókar, sem hér eftir fylgir.

Athugasemd

Fyrir neðan hefur verið skrifað með blýanti með seinni tíma hendi (sjá blað 52r).

1.1.5 (52v)
Um Snorra Sturluson
Titill í handriti

Snorre Sturlæ Filius natus eft.

Upphaf

Anno Christi 1179 …

Niðurlag

… cui nomen erat Urækia.

1.2 (53r-77r)
Annar partur Eddu
1.2.1 (53r-76r)
Um kenningar
Titill í handriti

Um kenningar

Upphaf

Í hinum fyrra partinum voru ritaðar þær frásögur af hvörjum teknar eru að fornu og nýju …

Niðurlag

… Þang eður þara má kenna gras eður skóg sjóar eður fjöru eður skerja. Item eng sjóar. Fínís. Fínis.

Skrifaraklausa

Nú eru kenningar hér skrifaðar en kunni nokkuð til að vanta má síðar inn setja. Enda eg svo þessa bók þann 19. january anno 1743. Árni Böðvarsson.

Athugasemd

Skrifaraklausan er á blaði 76r.

1.2.2 (76v-77r)
Nokkrar fornvísur
Athugasemd

Á blað 77v sem annars er autt er skrifað: Þessa bók á eg undirskrifaður með réttu og hún er mér heimiluð af hennar réttum eiganda mr. Jóni Sigurðssyni, Hörðubóli þann 12. júní 1832 […] J. Grímsson.Þessa bók Snorra- og Sæmundar-Eddur á eg undirskrifaður, J Grímsson 1832.

Efnisorð
2 (78r-135v)
Sæmundar-Edda
Titill í handriti

Edda Sæmundar prests hins fróða

Athugasemd

Blað eða blöð virðast hafa glatast á milli blaða 132v-133r

2.1 (78r-82r)
Heiti
2.1.1 (78r-78v)
Óðinn; heiti hans, ætt og uppruni
Titill í handriti

Hér segir fyrst um ætt Óðins frá Trojumönnum

2.1.2 (79r-79v)
Ásar og ásynjur
Titill í handriti

Hér uppskrifast ásar og ásynjur

2.1.3 (80r)
Nöfn goða og gyðja
Titill í handriti

Hér skrifast nöfn heiðingjanna …

2.1.5 (80v-81r)
Dverganöfn
2.1.6 (81r)
Sverðaheiti
2.1.7 (81r-81v)
Skipaheiti
2.1.8 (81v)
Sjókenningar
2.1.9 (81v-82r)
Sjávarheiti
Titill í handriti

Þetta eru heiti á sjó

Skrifaraklausa

Kenningar má finna í síðari parti Snorra-Eddu. Byrjast því partar eður kvæði þessarar bókar sem eftir fylgja.

Athugasemd

(Skrifaraklausan er á blaði 82r).

Heiti Óðins, ása og ásynja, goða og gyðja, nöfn dverga, skipa og sjávarheiti eru upplistuð í ofangreindum köflum; um heitin ásamt kenningum er fjallað í Skáldskaparmálum Snorra-Eddu.

Svohljóðandi efnisyfirlit er á blaði 82v: Þetta eru partar eður Capita Sæmundar-Eddu sem eftir fylgja: Völuspá, Hávamál, Vafþrúðnismál, Grímnismál, Skírnisför, Hárbarsljóð [sic], Þór dró Miðgarðsorm eður Hymiskviða, Lokasenna, Þrymskviða eður Hamarsheimt, Alvísmál, Frá Sigurði, Regin og Hnikar, Heilræði Brynhildar við Sigurð, Brynhildur reið Selveg, Frá dauða Fáfnis, Hyndluljóð hin gömlu, Gátur Gests blinda / getspeki Heiðreks kóngs, Gróuljóð, Fjölvinsmál, Bjargbúaþáttur.

2.2 (83r-86v)
Völuspá
Upphaf

Hljóðs bið eg allar helgar kindir …

Niðurlag

… nú mun hún sökkvast.

Athugasemd

Fimmtíu og níu erindi.

2.3 (86v-90v)
Völuspá
Titill í handriti

Vaticinum Volæ [Seu Sibyllinum]

Upphaf

Sileant omnes, Sanctæ creaturæ …

Niðurlag

… Níðhöggur funera, nunc ille terra dehiscet.

Athugasemd

Fimmtíu og níu erindi Völuspár á latínu.

2.4 (91r-106v)
Hávamál
Titill í handriti

Hávamál en gömlu með þeirra appendice rúnacapitula af sjálfum Óðni kóngi ort og samsett

Athugasemd

Alls 165 erindi (138+27 (rúnakapituli)).

2.4.1 (91r-106v)
Hávamál
Upphaf

Gáttir allar …

Niðurlag

… fold skal við flóði taka.

2.4.2 (91r-106v)
Hávamál
Titill í handriti

Rúnakapituli

Upphaf

Veit eg at eg hékk …

Niðurlag

… Heilir þeirs hlýddu.

2.5 (107r-109r)
Vafþrúðnismál
Titill í handriti

Vafþrúðnismál

Upphaf

Ráð þú mér nú Frigg …

Niðurlag

… Þú ert æ vísastur vera.

2.6 (109r-111v)
Grímnismál
Athugasemd

Lausamálskaflar eru meðfylgjandi kvæðinu í upphafi þess og lok.

2.6.1 (109r-111v)
Grímnismál - lausamál
Titill í handriti

Frá sonum Hrauðungs konungs

Upphaf

Hrauðungur kóngur átti tvo sonu …

Niðurlag

… Agnar var þar kóngur lengi síðan.

2.6.2 (109v-111v)
Grímnismál - kvæðið
Upphaf

Heitur ertu hripuður …

Niðurlag

… allir af einum mér.

2.7 (111v-113r)
Skírnismál
Titill í handriti

För Skírnis

Athugasemd

Lausamálskaflar eru í upphafi kvæðis og á milli vísna á tveimur - þremur stöðum.

2.7.1 (111v)
Skírnismál - lausamál
Upphaf

Freyr sonur Njarðar …

Niðurlag

… Freyr stóð úti og kvaddi hann og spurði tíðinda og kvað:

2.7.2 (111v-113r)
Skírnismál - kvæðið
Upphaf

Rístu nú Skírnir …

Niðurlag

… enn sjá hálf hýnótt.

2.8 (113r-114v)
Hárbarðsljóð
Titill í handriti

Harbarsljóð

Athugasemd

Lausamálskafli er í upphafi kvæðis.

2.8.1 (113r)
Hárbarðsljóð - lausamál
Upphaf

Þór fór úr austurvegi …

Niðurlag

… var ferjukarlinn með skipið. Þór kallaði:

2.8.2 (113r-114v)
Hárbarðsljóð - kvæðið
Upphaf

Hver er sá sveinn sveina …

Niðurlag

… Far þú nú þars þig hafi allan gramir.

2.9 (114v-116r)
Hymiskviða
Titill í handriti

Þór dró Miðgarðsorm

Upphaf

Ár valtívar / veiðar námu …

Niðurlag

… ægis, eitt hörmeitið.

2.10 (116r-119r)
Lokasenna
Athugasemd

Lausamálskaflar eru í upphafi og lok kvæðis sem og á milli erinda á þremur stöðum.

2.10.1 (116r-119r)
Lokasenna - lausamál
Titill í handriti

Frá Ægi og goðum

Upphaf

Ægir er að öðru nafni hét Gymir …

Niðurlag

… Það eru nú kallaðir landskjálftar.

2.10.2 (116r-119r)
Lokasenna - kvæðið
Titill í handriti

Lokasenna

Upphaf

Seg þú það Eldir …

Niðurlag

…brenni þér á baki.

2.11 (119r-120v)
Þrymskviða
Titill í handriti

Þrymskviða eður Hamarsheimt

Upphaf

Reiður var þá Vingþór …

Niðurlag

… endur að hamri.

2.12 (120v-121v)
Alvíssmál
Titill í handriti

Alvíssmál

Upphaf

Bekki breiða / nú skal brúður með mér …

Niðurlag

… uppi ertu dvergur um dagaður. Nú skín sól í sali.

2.13 (121v-122v)
Reginsmál
Titill í handriti

Frá Regin og Sigurði Fáfnisbana

Upphaf

Kominn er hingað sonur Sigmundar…

Niðurlag

… og Hugin gladdi.

Athugasemd

Aðeins hluti kvæðisins, þ.e. erindi 13 og erindi 16-26 (sjá Eddukvæði útgáfa Gísla Sigurðssonar 1999: 202-206). Skrifari hefur aðlagað efnið eða í forriti hans hafa efnistök verið með þeim hætti að lausamáli virðist á sinn hátt ætlað að gefa frekari skýringu á því sem fyrr er frá greint í kvæðinu.

2.14 (122v-124r)
Sigurdrífumál
Athugasemd

Aðeins hluti kvæðisins, hefst í 5. erindi (sbr. Eddukvæði útgáfa Gísla Sigurðssonar 1999: 221-228). Niðurlag í lausu máli.

2.14.1 (122v-123v)
Sigurdrífumál - kvæðið
Titill í handriti

Brynhildarljóð eður heilræði Brynhildar við Sigurð

Upphaf

Bjór færi eg þér …

Niðurlag

… römm eru róg af risin.

Athugasemd

Sautján línur af niðurlagi kvæðisins eru ritaðar með annarri hendi á blaði 123v.

2.14.2 (122v-123v)
Sigurdrífumál - niðurlag
Upphaf

Svo er sagt að Gjúkasynir sviku Sigurð í tryggðum …

Niðurlag

… hún lagði sig sverði til bana.

2.15 (124r-124v)
Helreið Brynhildar
Titill í handriti

Brynhildur reið Helveg

2.15.1 (124r-124v)
Helreið Brynhildar - lausamál
Upphaf

Eftir dauða Brynhildar …

Niðurlag

… þar er gýgur nokkur bjó. Gýgurin kvað:

2.15.2 (124r-124v)
Helreið Brynhildar - kvæðið
Upphaf

Skaltu í gögnum ganga eigi …

Niðurlag

… gýgjar kyn

2.16 (124v-126r)
Guðrúnarkviða I
Titill í handriti

Guðrúnarkviða

Athugasemd

Lausamálskafli er á undan og á eftir kvæðinu.

2.16.1 (124v-126r)
Guðrúnarkviða - lausamál
Upphaf

Guðrún sat yfir Sigurði dauðum …

Niðurlag

… svo sem segir í Sigurðarkviðu inni skömmu.

2.16.2 (124v-126r)
Guðrúnarkviða - kvæðið
Upphaf

Ár var það er Guðrún gerðist að deyja …

Niðurlag

… er hún sár um leit á Sigurði.

2.17 (126r-126v)
Fáfnismál
Titill í handriti

Frá dauða Fáfnis

Skrifaraklausa

Þetta hefði átt að skrifast fyrri.

Athugasemd

Skrifaraklausan er á blaði 126r.

Lausamálskafli er við upphaf kvæðisins. Kvæðið er ekki að fullu upp skrifað. Uppskriftinni lýkur við upphaf 23. erindis (sbr. Eddukvæði útgáfa Gísla Sigurðssonar 1999: 212, en þar eru erindin 44 (bls.208-218). Neðst á blaði 126v er eyða fyrir nokkrar línur.

2.17.1 (126r)
Fáfnismál - lausamál
Upphaf

Sigurður hitti slóð Fáfnis á Gnitaheiði …

Niðurlag

… Sigurður hljóp úr gröfinni og sá hver þeirra annan. Fáfnir kvað:

2.17.2 (126r-126v)
Fáfnismál - kvæðið
Upphaf

Sveinn og sveinn …

Niðurlag

… Fáfnir muni, þitt var nú meira megin.

2.18 (127r-128v)
Hyndluljóð
Titill í handriti

Hyndluljóð hin gömlu

Upphaf

Vaki mér meyja …

Niðurlag

… bið eg Óttari öll góð duga.

2.19 (128v-131v)
Heiðreks gátur
2.19.1 (128v-129r)
Gátur Gestumblinda - formáli
Titill í handriti

Formáli að getspeki Heiðreks kóngs

Upphaf

Heiðrekur hét kóngur ágætur …

Niðurlag

… Þá mælti Gestur:

Efnisorð
2.19.2 (129r-131v)
Gátur Gestumblinda - kvæðið
Upphaf

Hafa vildak / það í gær hafðak …

Niðurlag

… því ber hann stýfðan stert.

2.20 (131v-132v)
Grógaldur
Titill í handriti

Gróuljóð er hún gól syni sínum áður en það Óðinn í helju hvarf og hún var dauð

Upphaf

Vaki þú Gróa / vaki þú góð kona …

Niðurlag

… meðan þú mín orð of manst.

Athugasemd

Fyrri hluti Svipdagsmála; Fjölsvinnsmál eru talin til síðari hlutans (sjá lið 2.22)

2.21 (132v)
Baldurs draumar
Titill í handriti

Vegtamskviða

Upphaf

Senn voru æsir á þingi allir…

Niðurlag

… Hvað er manna, það mér ókunnra er mér hefir aukið erfitt …

Athugasemd

Kvæðið endar hér óheilt og það vantar í kvæðið frá fjórða vísuorði í fimmta erindi og til loka þess (í útgáfu Finns Jónssonar 1905, eru erindin fjórtán (bls. 169-173).

2.22 (133r-133v)
Fjölsvinnsmál
Upphaf

Gífur heitir / en Gere annar …

Niðurlag

… nú er það satt / að við slíta skulum / ævialdri saman.

Athugasemd

Vantar framan af kvæðinu sem hefst skv. útgáfu Finns Jónssonar (1905) í hdr. í fjórtánda erindi (sjá bls. 213-221, Finnur Jónsson).

2.23 (134r-135v)
Grottasöngur
Upphaf

Nú erum komnar / til kóngs húsa …

Niðurlag

… hafa fullstaðið / fljóð að moldri [sic?].

2.24 (136r-137v)
Bergbúaþáttur
Titill í handriti

Bjargbúaþáttur

Athugasemd

Á eftir stuttum inngangskafla í lausu máli er dróttkveðið kvæði, oftast nefnt Hallmundarkviða og fylgja skýringar með. Í annarri gerð þáttarins þar sem vísurnar eru skrifaðar upp án skýringa (sbr. AM 564 a 4to) er lausamálsfrásögn sem er lengri og kvæðið er án skýringa (sjá nánar umfjöllun Þórhalls Vilmundarsonar 1991, Íslenzk fornrit XIII )

2.24.1 (136r)
Bergbúaþáttur - Inngangsorð
Upphaf

Það er efni þessarar frásögu …

Niðurlag

… Hellir þessi fannst aldrei síðan.

2.24.2 (136r-137v)
Bergbúaþáttur - Hallmundarkviða
Upphaf

Hrynur að heiða fenri …

Niðurlag

… ónyt, mikið víti / onyt, mikið víti.

Athugasemd

Fyrir neðan lokavísuna, eins og aðrar vísur kviðunnar, er útlegging hennar.

Efnisorð
2.25 (137v-138v)
Sonatorrek
Titill í handriti

Kvæði Egils Skallagrímssonar er hann kallaði Sonartorrek [sic]

Upphaf

Mjög erum tregt / tungu að hræra …

Niðurlag

… og óhryggur / heljar bíða.

Efnisorð
2.26 (138v-141r)
Höfuðlausn
Titill í handriti

Kvæði Egils Skallagrímssonar nær hann leysti höfuð sitt á Norðymbralandi, anno 934. Eyrekur blóðöx og hirð hans heyrði á.

Upphaf

Vestur fór eg um ver…

Niðurlag

… vagna vára / eður vili tára.

Skrifaraklausa

Drápan er skrifuð eftir Runica Wormi.

Athugasemd

(Skrifaraklausan er á blaði 141r).

Efnisorð
2.27 (141r-144v)
Krákumál
Titill í handriti

Ragnars kviða loðbrókar, skrifuð eftir Runica Wormi.

Upphaf

Hjuggum vér með hjörvi …

Niðurlag

… læjandi skal eg deyja.

Skrifaraklausa

Endir Loðbrókarkviðu

Athugasemd

(Skrifaraklausan er á blaði 144v). Fyrir neðan skrifaraklausuna stendur með annarri hendi: Þessi kviða kallast réttar Krákumál.

Efnisorð
2.28 (144r-144v)
Ýmis kvæði
Athugasemd

Efst á blaði 144r má hugsanlega lesa Úr sögu Hákons konungs gamla. Þetta er þó illlæsilegt þar sem fyrirsögn er skert vegna afskurðar blaðsins. Meðal þess sem þarna er að finna er kveðskapur Sturlu Þórðarsonar um hernað Hákons í Vermalandi, kvæði úr Orkneyingasögu o.fl.

2.29 (146r)
Rúnastafróf
Titill í handriti

Gamalt alfabet

Efnisorð
2.30 (146v-148v)
Nokkrar deilur
Titill í handriti

Deilur nokkrar

Skrifaraklausa

Þessar deilur skrifaði eg eftir gamalli skræðu en veit ei hvert að öllu réttar eru. Anno 1748 A: B: S:

Athugasemd

Efnið virðist tengjast merkingu rúnanna.

(Skrifararklausan er á blaði 148v).

2.31 (149r-149v)
Þórnaldarþula
Titill í handriti

Þornaddarþula

Upphaf

Hlýði fólk fræði mínu á meðan ég set sök mína í sleða …

Niðurlag

… vinstra fæti, fótur úr feitleika. Fallið höfuð úr tönn.

Athugasemd

Eitt elsta þekkta hdr. þulunnar (sbr. Einar G. Pétursson, Gripla XVIII)

Efnisorð
2.32 (150r-153v)
Sólarljóð
Titill í handriti

Sólarljóð Sæmundar prests hins fróða

Upphaf

Óvinum þínum trú þú aldreigi …

Niðurlag

… hinum líkn en lifa.

Efnisorð

Lýsing á handriti

Blaðefni
Pappír.
Blaðfjöldi
ii +153 + ii blöð (190-192 mm x 145-150 mm).
Tölusetning blaða
Blöð handritsins voru ótölusett en merkt með blýanti af skrásetjara, 1-153. Leifar af fyrri blaðsíðumerkingu (bls. 1-25) má sjá á blöðum 78r-90r.
Kveraskipan

Tuttugu og þrjú kver. Blöð 1 og 2 (titilsíður) eru stök.

  • Kver I: blöð 3-9, 3 tvinn + 1 stakt blað.
  • Kver II: blöð 10-17, 4 tvinn.
  • Kver III: blöð 18-25, 4 tvinn.
  • Kver IV: blöð 26-33, 4 tvinn.
  • Kver V: blöð 34-41, 4 tvinn.
  • Kver VI: blöð 42-49, 4 tvinn.
  • Kver VII: blöð 50-57, 4 tvinn.
  • Kver VIII: blöð 58-65, 4 tvinn.
  • Kver IX: blöð 66-73, 4 tvinn.
  • Kver X: blöð 74-77, 2 tvinn.
  • Kver XI: blöð 78-81, 2 tvinn.
  • Kver XII: blöð 82-90, 4 tvinn + 1 stakt blað.
  • Kver XIII: blöð 91-98, 4 tvinn.
  • Kver XIV: blöð 99-106, 4 tvinn.
  • Kver XV: blöð 107-114, 4 tvinn.
  • Kver XVI: blöð 115-122, 4 tvinn.
  • Kver XVII: blöð 123-128, 3 tvinn.
  • Kver XVIII: blöð 129-132, 2 tvinn.
  • Kver XIX: blöð 133-135, 1 tvinn + 1 stakt blað..
  • Kver XX: blöð 136-139, 2 tvinn.
  • Kver XXI: blöð 140-144, 2 tvinn + 1 stakt blað..
  • Kver XXII: blöð 145-149, 2 tvinn + 1 stakt blað..
  • Kver XXIII: blöð 150-153, 2 tvinn.

Umbrot

  • Eindálka.
  • Leturflötur er ca 165 mm x 125 mm.
  • Línufjöldi er ca 20-30.
  • Leturflötur er afmarkaður
  • Griporð eru víða.

Ástand

  • Blað eða blöð virðast hafa glatast á milli blaða 132v-133r.
  • Blöð eru skítug og notkunarnúin.
  • Texti hefur skerst lítillega, t.d. á blöðum 145 og 149 vegna afskurðar blaða.

Skrifarar og skrift

Að mestu með hendi Árna Böðvarssonar, fljótaskrift og kansellískrift.

Á blöðum 150r-153v er þó hugsanlega önnur hönd.

Skreytingar

Rauður rammi er um leturflöt og tvöfaldur um titilsíður.

Fyrirsagnir eru með blekfylltum stöfum og upphafsstafir eru einnig blekfylltir (sbr. 3r).

Bókahnútur eða ígildi bókahnúts, þ.e. skreyting við niðurlag texta (sjá t.d. blöð 52v og 106v).

Spássíugreinar og aðrar viðbætur
Nöfn fyrri eigenda má sjá á blöðum 1r-3r, 77v og á blaði 153v. Eitthvert krot er á blöðum 1v og 148v og viðbætur eru víða (sjá t.d. 99r).
Band

Band (205 mm x 165 mm x 43 mm) er nýlegt, klætt grænu leðri. Kjölur er þrykktur. Saurblöð eru ný, tvö hvoru megin, (annað tveggja úr japanspappír).

Fylgigögn

Seðill með upplýsingum um gefanda og feril.

Uppruni og ferill

Uppruni
Handritið var skrifað á Íslandi árið 1743.
Ferill

Upplýsingar um fyrri eigendur má fá í handriti: Á blaði 2v stendur: Þessa bók heimila eg Mr. Jóni Grímssyni til eignar þann 12. júní 1832. Til merkis mitt nafn Jón Sigurðsson. Fyrir neðan hefur J.Grímsson að því er virðist, kvittað fyrir móttöku. Á blað 77v er skrifað: Þessa bók á ég undirskrifaður með réttu og hún er mér heimiluð af hennar réttum eiganda mr. Jóni Sigurðssyni, Hörðubóli þann 12. júní 1832. Testerar J. Grímsson. Og örlítið neðar á sama blaði: Þessa bók Snorra og Sæmdundar-Eddur á ég undirskrifaður J. Grímsson. Á blað 152v er skrifað: Sölvason frá Löngumýri gefur Daníel Kristjáni þessa bók 1898.

Að því er fram kemur á seðli hefur handritið verið keypt af bóksala í Ísrael af gefanda handritsins Erni Arnar ræðismanni og fjölskyldu hans.

Aðföng
Stofnun Árna Magnússonar eignaðist handritið 2003 (sbr. seðil).

Aðrar upplýsingar

Skráningarferill
VH skráði handritið í ágúst 2010

Notaskrá

Titill: Harðar saga
Ritstjóri / Útgefandi: Bjarni Vilhjálmsson, Þórhallur Vilmundarson
Umfang: XIII
Höfundur: Lavender, Philip
Titill: Gripla, Oedipus Industrius Aenigmatum Islandicorum
Umfang: 26
Lýsigögn
×

Lýsigögn